Luka 1:51 - ALLALA KUMƐ

⁵¹ Alla ara a kɔɛn-sɛnbɛmɛ rasagan ka mɔgɔ-wasinɛnu tanyɛnsɛn anubɛ anuna miriya bɛɛ.

Luka 1:51 Iomraidhean Croise

Ko-Dabirɛnu 11:8

Woletɔ Mari ya anu tanyɛnsɛn dugu-kole bɛɛ kuma. Wo le ya anuna soe wo sɔ-koe tinya.

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yaburi 118:15

Wo ni wo tole masɔ Marita mɔgɛnuta sewa-kan la nɔlɛ bolo anuna fani-bɔnnu na. Anu bi a fɔla ko, “Mari ara ata sɛnbɛ-makawanɛ mayira!

Yaburi 33:10

Mari ya sibolo-gbɛrɛnuna miriya-yogenu tinya. A ya a ma, anuna miriya-yogenu tora anu burɔ.

Yaburi 52:9

Ka a tɛgɛ Alla ara min ma n ye, n si baraka bira a ye dɛɛ! N si baraka bira Alla ye mɔgɛ bɛɛ yala. N si a tɔgɔ-nyimɛ rakaran kan tinɛ bɛɛ rɔ.

Yaburi 63:5

N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.

Yaburi 89:10

Ninkinankɛ min tɔgɛ Rehabi, i ya wo gbesi a rɔ ka a faga. I ya i yogenu tanyɛnsɛn i kɔɛn-sɛnbɛmɛ la.

Yaburi 89:13

I fanka kolo kati! Sɛnbɛ ye i kɔɛn rɔ dɔgɔma-ma-de!

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Aiseya 40:10

Ma Tigi Mari ye nala maralɛ-kɛla sɛnbɛ la. A ara mɔgɛ min kunyɛ bɔ birɛ rɔ, a si na wonu na.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Yɛrɛmaya 49:15

Mari ko a ti mɛ tun, a si Idɔm sibole madɔgɔya. Anu bɔrɔ ti taran mɔgɔ-wo-mɔgɔ ye.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

Lankɛnimayɛ 18:8

Ka a tɛgɛ wo ma, fitinɛ kɛ bɛɛ si na kɛ a ma tele kelen kɔrɔ, kirayɛ anubɛ yisi-gbalɛ anubɛ kɔnkɛ, kɔni. Tɛ si a mintan gburr bawo Mari Alla, Sɛnbɛ Bɛɛ Tigi le a kiti tɛgɛla.”