Luka 1:49 - ALLALA KUMƐ

⁴⁹ bawo Alla Sɛnbɛ Bɛɛ Tigi ara ko-ba ma n ye. A tɔgɔ sɛnima.

Luka 1:49 Iomraidhean Croise

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Yaburi 24:8

Yon bi mansa-makawanɛ kɛ la? Mari-sɛnbɛmɛ le ale la, Mari min si nɔlɛ kɛ kɛlɛ rɔ, kɔni.

Yaburi 99:3

A bɛnta bɛɛ ni a tɔgɔ-makawanɛ tanto bawo a sɛninyani de!

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Maraka 5:13

A sɔnta wo ma. Nyina-yogomɛ wonu bɔra kei wo fɛ ka don kɔsɛnu tɔ. Kɔsɔ-kurɔn wo bɛɛ burimatoe yigira kɔnkɔ-kerikerinya la ka yigi dalɛ rɔ. Kɔsɔ-kurɔn minnu tora-a-rɔ yi rɔ, wonu mumɛ si waga fila nyɔgɔn bɔ.

Luka 1:48

bawo a ara a fonde to nde, ala yɔɔn-nɛ ko! Ka a bi bi ma, mɔgɛ bɛɛ si n kele ko duwa-dan

Luka 1:50

Ka a bi n benba benbɛnuta wati ma ha ka yigi, min bɛɛ kilannɛ Alla la ka a sako kɛ, a si kinikini wonu ma.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.