Luka 1:45 - ALLALA KUMƐ

⁴⁵ Mɔgɔ-sewanɛ le ile la bawo Mari ara kumɛ min fɔ i ye, i wara la wo la ko wo si bɔ-a-la.”

Luka 1:45 Iomraidhean Croise

1 Mansɛnu 17:16

Tuli anubɛ dɛgɛ-munke ma ban kɛɛ-musila miran wonu tɔ iko Mari ya a fɔ Nɛbi Ilaya ye nya min.

2 Mansɛnu 4:5

Anu tara miran wonu sinka iko nɛbi wo ya a fɔ a ye nya min. Anu donta bɔn la ka dɛ latogon. Ala dan wonu tenbi miran minnu sigila, ale ye tuli kɛla wonu tɔ ka bɔ ala tulu-bara-dɔgɔmanɛ wo rɔ.

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Luka 1:20

Kɔnɔ i ma la nna kumɛ la ko a si bɔ-a-la ala wati-latɛgɛnɛ rɔ serr! Nba i ma la wo la min kɛ, woletɔ i si boboya. N bara kumɛ min bɛɛ fɔ i ye wo la, fɔ wonu ba bɔ-a-la yanni i ni to kumala.”

Luka 1:44

Ado nfan, n ya i kɔndɔli-kan lamɔɛn tumɛ min, dan ya a mamaga n burɔ sewɛ la.

Luka 1:48

bawo a ara a fonde to nde, ala yɔɔn-nɛ ko! Ka a bi bi ma, mɔgɛ bɛɛ si n kele ko duwa-dan

Yɔni 11:40

Yisa ya a fɔ a ye ko, “N ma a fɔ i ye nun ko ni i dɛnkɛninyara, i si Allala gbiliyɛ yen?”

Yɔni 20:29

Yisa ya a fɔ a ye ko, “I wara n yen min kɛ, wo le ara a ma, i wara la n na. Minnu ma n yen kɔnɔ anu lara n na, mɔgɔ-sewanɛ le wonu na de!”