Luka 1:26 - ALLALA KUMƐ

²⁶ Ilisabɛti buyi karɛ wɔrɛ, Alla ya melika Yibirila lata Kalili sigisɔn rɔ soe do rɔ min tɔgɛ Nasarɛti.

Luka 1:26 Iomraidhean Croise

Daniyɛli 8:16

N ya hadama-den-kan lamɔɛn ka bɔ yi-nɛ wo kuma min tɔgɛ Wulai. A ko, “Yibirila, ko-rayen kɛ kɔrɛ rakaran ale Daniyɛli ye.”

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Matiyu 2:23

Anu sigira soe do burɔ min tɔgɛ Nasarɛti. Wo mara tumɛ min, nɛbinu ya min fɔ kɔrɔma la, wo kanbalita ko, “Mɔgɛnu si a lɔn Nasarɛti kɛ la.”

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Luka 2:39

Mari Allala tɔn ya min bɛɛ fɔ, anu banta wo dama mala tumɛ min, anu sɛgira anu barɛ Kalili sigisɔn rɔ, Nasarɛti soe, kɔni.

Luka 2:4

Nba, Yusufu fanan bɔra Nasarɛti soe burɔ Kalili sigisɔn rɔ ka ta Yudiya soe do burɔ min tɔgɛ Bɛtalehɛm, Mansa Dawuda sɔrɔnta kan min. A tara nyɔ bawo Mansa Dawuda bɔnsɔn le ale fanan na.

Yɔni 7:41

Donu ko, “Alla ya mɔgɛ min yabɔ ma kisi-koe la, ale le kɛ la, yɔ!” Kɔnɔ donu fanan ko, “Wo ti bɔ Kalili sigisɔn rɔ!