Luka 1:17 - ALLALA KUMƐ

¹⁷ Ale fɔlɔn si na Mari yarɔ fanka anubɛ sɛnbɛ la iko Nɛbi Ilaya. A si dannu anubɛ anu fanu ma kelen na. A si kalabantenu yɛlɛma ko anu ni miriya latelennɛ sɔrɔn. A si Allala mɔgɛnu tabɛn Mari ye feu!”

Luka 1:17 Iomraidhean Croise

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

2 Mansɛnu 1:16

Anu ke, a ya a fɔ mansɛ ye ko, “Mari ko, Alla sa Isirɛla nyamanɛ rɔ min bi a tola, i ye kilayɛnu natala bolo tafɛlɛn tinɛ Ɛkirɔn kɛnuna Bɛsi Beyali-Sibubu wara, wa? A ko fanan bawo i wara wo ma min kɛ, woletɔ i ti bɔ i gbɛ kɛ rɔ. I niyi ye bɔla yan de!”

1 Ko-Kɔrɔta-Karan 29:18

Ma benba Iburayima anubɛ Isiyaka anubɛ Yakobata Mari Alla, alamɛ i ya a ma, ita mɔgɛnu ni to anu sɛbɛ donna i wara-koe ma. Anu kana bɔ i kɔma mumɛ!

2 Ko-Kɔrɔta-Karan 29:36

Mansa Hɛsakaya anubɛ ala mɔgɛnu sewara bawo Alla ara anu dɛnbɛ kɛ damasi rɔ, anu ma wati-yan bɔ.

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Aiseya 29:24

Kun-takolɔnnu si wuli ko-nya-yenna. Min bi gbunyala karan kɔrɔ, wonu si sewa karan la.

Emɔsi 4:12

Woletɔ Mari ko a si wole, Isirɛla mɔgɛnu tɔrɔ. Bawo a ye nala wo tɔrɔla, nba, wo ni wo rabɛn Mari yarɔ min bi wo kitila.

Matiyu 11:14

Nba, ni wo si la anuna kumɛ la, Yɔni le ale Nɛbi Ilaya wo la, a fɔra min ma ko a ye nala.

Matiyu 14:4

Fɔlɔ-nun, Yɔni-Batasi-Kɛlɛ tora a fɔla Hɛrodi ye dɛɛ ko, “A ma bɛn, i ni i dɔgɛla musi bi a bolo!” A tora wo fɔla min kɛ,

Matiyu 3:3

Ado nfan, Nɛbi Aiseya taranta kumala Yɔni kɛ lela ko la nun. A ya a fɔ ko, “Mɔgɛ do ye gbele-gbelenna wulɛ rɔ. A ye a fɔla ko, ‘Bɛɛ ni kilɛ laka Mari ye. Bɛɛ ni kila latelennɛ ladan a ye.’ ”

Matiyu 3:4

Duruki min nadannɛ nyomo-siyi la, Yɔni ya wo don a kan na ka a butɛ kiri sogo-gbole la. A taranta kɔndɔnnu anubɛ liyi dɔnna nun.

Luka 1:16

A si Isirɛla ka siyaman nana tun anuta Mari Alla ma.

Luka 1:76

Sakaraya ko tun, “Nna dan, Alla Min Bi Fan Bɛɛ Kun Na, anu si i kele ko wola nɛbi. Ile fɔlɔn si ta Mari yarɔ ka kilɛ rabɛn a ye.

Yɔni 1:13

Kɔnɔ anu ma ma Allala dannu na iko mɔgɛ ye dan sɔrɔnna nya min. Alla nyɛrɛ le anu Fa la.

Yɔni 1:34

ado n ya a yen min mara a la. N bi a fɔla wo ye ko Allala dan le ale la.”

Yɔni 3:28

Wole nyɛrɛ le n sere la ko n ya a fɔ ko Alla ya mɔgɛ min yabɔ ma kisi-koe la, Masiya, kɔni, wo ma nde la kɔnɔ n sɔra a yarɔ dɔrɔn.

Kɛwɔlɛnu 10:33

Nba, n ya anu nata i ma kelenna, ado i na-koe kɛ ara i sɔn-nyimɛ yira n na. Awa kaka, Mari ara i sɔ min fɔ tinɛ, ma dama ye i makɔnɔna Mari Alla yakɔrɔ yan ka wo bɛɛ lamɔɛn.”

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

Kɔlɔsi 1:12

ye baraka birala n Fa Alla ye sewɛ rɔ. A ara ko-rabɛn-kɛ ko wo ni wotɛ sɔrɔn min maranɛ ala mɔgɛnu ye, ado wo siginɛ ata mansaya-waan kɔrɔ.

2 Timoti 2:21

A ye wo nya le dɛnkɛninya-mɔgɛnu bara la. Ni mɔgɔ-wo-mɔgɔ ya a fara ko-yogomɛ kɛnu na ka a nyɛrɛ sɛninya, Alla si wo ma ata wɔli-kɛlɛ la min si gbiliyɛ sɔrɔn bawo a sɛnima, ado a rabɛnnɛ wɔlɔ-nyima-su-bɛɛ kɛ-koe la ala kun-tigi ye.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

1 Samuwɛli 7:5

Wo kɔma, Samuwɛli ya Isirɛla mɔgɛ bɛɛsi kele alako anu ni na a taran Misipa soe burɔ. A ya kilayɛ lata ko a si madiyali kɛ anu ye nyɔ.