Luka 1:15 - ALLALA KUMƐ

¹⁵ bawo dan wo si ma mɔgɔ-ba la Mari yala. Fenfen min si mɔgɔ bira iko baan, a kana wo min. Ka a dabira a sɔrɔn wati ma, a si fa Allata Ni-Sɛnimɛ la.

Luka 1:15 Iomraidhean Croise

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 48:19

A fa ma sɔn wo ma. A ko, “Nna den, min bi a tola n bi kɛ mala, n ya wo lɔn. Manasa-kegeyɛ fanan si siyaya ka ma bɔnsɔn-malɔnnɛ la. Kɔnɔ a dɔgɛ wo si sɛnbɛ sɔrɔn ka tenbi ale la. A kegeyɛ fanan si siyaya ka ma bɔnsɔn-malɔnnɛnu na.”

1 Ko-Kɔrɔta-Karan 17:8

A tara kan-bo-kan, n bi a fɛ, ado a tara kan tinɛ min bɛɛsi rɔ, n ya a yogenu nɔ a yarɔ. N si a ma, ala mansaya-mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

1 Ko-Kɔrɔta-Karan 29:12

Nɔnfuli anubɛ gbiliyɛ ye bɔla ile le bolo. Fan bɛɛsi ye ita mansaya-sɛnbɛ le kɔrɔ. Ile le si ke sɛnbɛ anubɛ tɔgɛ dila mɔgɔ ma.

Yaburi 22:9

Ile le ya a ma, n na ya n kɛndɛ sɔrɔn. Ile le ya n nabɔ a rɔ wo tumɛ n bi n susunna.

Yɛrɛmaya 1:5

yanni n ni ma mɔgɔni-finyɛ la n na burɔ, a ya n yabɔ. Yanni n ni sɔrɔn, a ya wɔli-gbɛrɛ dantɛgɛ n ma a dan na. A ya n ma nɛbi la sibole bɛɛ ye.

Yɛrɛmaya 35:6

Anu ko, “Male ti nɔnbɔ-gbɔ-yi-wo-yi min bawo ma benba Rɛkabula den Yonadabu ara a fɔ ma ye nun ko ma kana nɔnbɔ-gbo-yi min mumɛ!

Saraka-Masɔlɛnuta Tɔnnu 10:9

“Ile anubɛ ila den-keminɛnu, yanni wo ni ta nta Fani-Bɔn la tumɛ min, wo kana baan min. Fenfen min si mɔgɔ kun tafin, wo kana wonu min. Ni wo ya wo ma, wo si faga. Tɔn le kɛ la ka a fɔlɔ ile Aruna ma ha i kegeyɛnu. Wo kana a tinya.

Sakaraya 9:15

Mari Sɛnbɛ-Bɛɛ-Tigi si ma wo matanka-fan la. Wo si wo kɛlɛ-nyɔgɛnu nɔ lenfiran-kuri la. Wo si gbele-gbelen kɛlɛ-kɛ-tinɛ iko gbɛɛtoe. Wo si yele labɔ wo yogenu ma. Yele si yigi anu ma iko saraka-yele ye yigila nya min saraka-mintan-tinɛ tonko nanɛ ma.

Luka 1:14

Dan wa sɔrɔn tumɛ min, wo si ma sewa-belebele la! Mɔgɔ siyaman fanan si sewa wo fɛ

Luka 7:28

Yisa ya a fɔ tun ko, “N ni kɛ fɔ wo ye. Yɔni makawanɛ ka tenbi mɔgɛ bɛɛ la nun. Kɔnɔ min dɔgɔ Allala mansayɛ rɔ, wo makawara Yɔni ko.”

Luka 7:33

Yɔni-Batasi-Kɛlɛ nara tumɛ min, a ya sunyɛ don, a ma gbɛɛ min. Wo ko, ‘Nyinatoe le!’

Yɔni 5:35

Yɔni-Batasi-Kɛlɛ nara waan la iko lɛnpu lamalannɛ. Wo sewara ala wan-takɛ wo la nun wati-kundu-ni kɔrɔ ka a diya bɔ.

Kɛwɔlɛnu 2:4

Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kalesiya 1:15

Kɔnɔ yanni n ni sɔrɔn, Alla le ya n yabɔ ata hinɛ fɛ. A ya n kele ko n ni wɔlɛ a ye.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

Yasowa 3:7

Mari ya a fɔ Yasowa ye ko, “N si koe min ma bi, wo si a ma, Isirɛla mɔgɛnu ni i gbiliya tun nta kabana-koe fɛ. Anu si a lɔn ko n bi ile fɛ iko n taranta Musa fɛ nya min.

Yasowa 4:14

Wo tele rɔ, Mari ya Yasowa gbiliya Isirɛla mɔgɛ bɛɛsi yala. Wo mara Yasowata gbiliyɛ la a siyi-tele-bɛɛ rɔ iko anu ya Musa gbiliya nya min.