Luka 1:13 - ALLALA KUMƐ

¹³ Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Luka 1:13 Iomraidhean Croise

Ko-Dabirɛnu 17:10

Wobɛ i bɔnsɔnnu bi minnu birala mabɛ tɛma wona, lanyiri wo tamasere le kɛ la, kei bɛɛ ni kemininya.

Ko-Dabirɛnu 17:19

Alla ya a yabi ko, “N bara i kan lamɔɛn Sumanyilala ko la. Nta duwɛ si to ale kuma. Bɔnsɔn tan-ni-fila si bɔ ale rɔ. N si a bɔnsɔn wonu nasiyaya bɛrɛkɛ! Kɔnɔ ila musi Sira si den-kei sɔrɔn yati! I si a tɔgɔ sa Isiyaka. N si nta lanyiri latɔnbagaya ala dan wo ye ka a ma habadan-lanyiri la ale anubɛ a bɔnsɔnnu ye. Kɛ nyɔgɔn tumɛ yari, Sira si dan kɛ sɔrɔn i ye.”

Ko-Dabirɛnu 18:14

Koe do ye nyɔ min gbɛlɛ Mari yala, wa? N si sɛgi i warɛ yan a wati-latɛgɛnɛ rɔ yari. Sira kɛ si den-kei sɔrɔn, yɔ.”

Ko-Dabirɛnu 25:21

Isiyaka ya Mari madiya ala musi ye kamasɔrɔn gbandɛ le. Mari ya ala madiyali-kan yabi. Ala musi ya buyi bi fɛrannu na.

Yaburi 113:9

Den sa musi min bolo, a si gbiliyɛ di wo ma kei-wara-sigi bɔn la ka dannu sɔrɔn. Wo si ma na sewanɛ la. N si Mari tanto!

Yaburi 118:21

Mari, n si i matɔgɔ bawo i ya i wɔlɔ matɔlɔ n na. Ile le ya a ma, n ya nɔ-ko sɔrɔn.

Aiseya 8:3

A ma mɛ, nna musi ya buyi bi. Den-kei wo sɔrɔn nna musi bolo, Mari ko n ni a tɔgɔ sa “Kankan anubɛ Bumalɛ Si Na Tiriya!”

Daniyɛli 10:12

A ko, “Daniyɛli, i kana kilan. Ka a bi a fɔlɔfɔlɛ rɔ, i ya i famayigi alako i ni ko-rayen kɛ kɔrɛ lɔn, Alla ya ila matarali-kan wo lamɔɛn. Nde fanan bara na alako ila mataralɛ ni yabi.

Hoseya 1:4

Mari ya a fɔ Nɛbi Hoseya ye ko, “I ni a tɔgɔ sa ko, ‘Alla ya fuilɛ kɛ’ bawo a ti mɛ tun, n si na Mansa Yehu kebilɛ tɔrɔ ka a tɛgɛ anu benba wola mɔgɔ-fagɛ ma Yɛsɛreli soe burɔ. N bi nala Mansa Yehula mansaya-bɔn latogonna.

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Matiyu 14:27

Yisa kumara anu ye tiriya! A ko, “Wo ni wo yisi-kimɛ! Nde le. Wo kana kilan!”

Matiyu 28:5

Melika wo kumara musi wonu ye. A ko, “Wo kana kilan. N ya a lɔn ko wo ye Yisa le nyinina min gbangbanta kɔlɔma ma nun.

Maraka 16:6

Ale fonike ko, “Wo kana kawa. Wo ye Yisa, Nasarɛti kɛ le nyinina min gbangbanta kɔlɔma ma nun. Kɔnɔ a sa yan. A la ara wuli! Anu ya a sa kan min, wo le kɛ la. Wo ni a mafɛlɛn.

Luka 1:14

Dan wa sɔrɔn tumɛ min, wo si ma sewa-belebele la! Mɔgɔ siyaman fanan si sewa wo fɛ

Luka 1:30

Wo kɔma, melika wo ya a fɔ a ye ko, “Mariyama, i kana kilan bawo i wara Alla hɛnɛ.

Luka 2:21

A tele segin nyɔgɛ, dennɛ lakemininya tumɛ kera. Anu ya a tɔgɔ sa Yisa iko melika ya a fɔ a na ye nya min yanni a ni a buyi bi.

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛlɛ-Kurugbɛnu 6:23

Mari ya a fɔ a ye ko, “I yisi ni kimɛ. Hali i ma kilan. Ko-wo-ko ti ma i la.”

1 Samuwɛli 2:21

Marita duwɛ yigira Hana kuma. A ya den-kei mɔgɔ sawa sɔrɔn tun anubɛ dunmusu mɔgɔ fila. Samuwɛli koloyara Marita wɔlɛ kɛla.