Saraka-Masɔlɛnuta Tɔnnu 9:4 - ALLALA KUMƐ

⁴ Wo kɔma, anu ni na tura kelen na anubɛ saga-yigi kelen ka wonu sa sarakɛ doi kɛnu kuma. Kɛnu filɛ fanan si ma yisi-kima-sarakɛ la. Anu ba na sarakɛ min nyɔgɔn na Mari ye, anu si na wo nyɔgɔn dɛgɛ la min tamaganɛ tuli la. Wo ni kɛnu ma bi bawo Mari si a nyɛrɛta tamasere yira wo la bi.”

Saraka-Masɔlɛnuta Tɔnnu 9:4 Iomraidhean Croise

Bɔ-Koe-Iyipiti 16:10

Aruna ya kumɛ dabira anu ye tumɛ min, anu ya anu yɛ lata wula-yan la. Tiriyante wo rɔ, anu ya Marita wan-belebele yen banda-finyɛ rɔ.

Bɔ-Koe-Iyipiti 19:11

A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala.

Bɔ-Koe-Iyipiti 24:16

Marila gbiliyɛ wo tora Sinayi kɔnkɛ kuma tele wɔrɔ kɔrɔ iko banda-finyɛ.

Bɔ-Koe-Iyipiti 29:43

Wole Isirɛla mɔgɛnu si nna tamasere taran nyɔ. Nta wan-takɛ si nta bɔn wo sɛninya.

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Isikiyɛli 43:27

A tele segin nyɔgɛ ma, mɔgɛnu si saraka-mintantɛnu anubɛ yisi-kima-sarakɛnu bɔɛ fɔlɔn wulɔn ka wonu don saraka-masɔlɛnu bolo. Wo kɔma, wo wara-koe ni na to n hɛnɛna. Nde, wo tigi Mari kan le kɛ la.”

Saraka-Masɔlɛnuta Tɔnnu 2:1

“Fenfen min si ma dɛgɛ la, mɔgɔ tenbi wo mala sarakɛ la Mari ye, fɔ ni a mara dɛgɛ-munku-hakikɛ la. Yanni a ni a di saraka-masɔlɛ ma, a si a yabasan tuli la ka isɛnti sa a kuma.

Saraka-Masɔlɛnuta Tɔnnu 3:1

“Min tenbi nala ninki la ka a ma yisi-kima-sarakɛ la Mari ye, a mara a keima la wo, a mara a musuma la wo, fɛɛ kana taran a la.

Saraka-Masɔlɛnuta Tɔnnu 9:23

Wo kɔma, Musa anubɛ Aruna donta Marita Fani-Bɔn burɔ. Anu bɔra nyɔ tumɛ min, anu duwara mɔgɛnu ye. Marita wan-takanɛ bɔra gbɛ rɔ mɔgɛ bɛɛsi yala.

Saraka-Masɔlɛnuta Tɔnnu 9:3

A fɔ Isirɛla mɔgɛnu ye ko anu ni na baa-kɔrɔn kelen na ka wo ma anu hakɛ-sarakɛ la. Anu tenbi nala baa-kɔrɔn wo la anu bolo, anu ni na san-kelen-ninki-dan la anubɛ san-kelen-saga-dan la anu bolo ka wonu filɛ ma saraka-mintantɛ la.

Saraka-Masɔlɛnuta Tɔnnu 9:5

Anu nara kɛ damasi la Marita Fani-Bɔn bolon dɛ la iko Musa ya a fɔ anu ye nya min. Isirɛla mɔgɛ bɛɛsi nara nyɔ rɔ ka anu sɔ Mari yakɔrɔ nyɔ.

Saraka-Masɔlɛnuta Tɔnnu 9:6

Musa ya a fɔ anu ye ko, “Mari ya wo sɔ ka kɛ damasi ma alako a si ata wan-takanɛ yira wo la.”

Yilan-Yilan Koe 14:10

Isirɛla mɔgɛnu ya Kelabu anubɛ Yasowa makilan ko anu bi anu mabonna kuri la ha anu ni faga. Anu bi kumɛ wo kun na gbɛ, mɔgɔ damasi ya ta-waan yen Marita Fani-Bɔn kuma.

Yilan-Yilan Koe 16:19

Wo kɔma, Kora ya Isirɛla mɔgɔ damasi kele ka anu nadɛn Musa anubɛ Aruna yakɔrɔ Marita Bɔn don-dɛ la. Kakɛ wo rɔ, anu bɛɛsi ya Marila ta-waan yen anu yɛ la.