Saraka-Masɔlɛnuta Tɔnnu 9:24 - ALLALA KUMƐ

²⁴ Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Saraka-Masɔlɛnuta Tɔnnu 9:24 Iomraidhean Croise

Ko-Dabirɛnu 15:17

Fitiri ma, pinpi ara don gbɛ, ta-kɔ-miran, ta-sisi ye bɔla min tɔ, anubɛ kala-mɛlan tenbira sogo-kundu gbaranda filɛ wonu tɛma.

Ko-Dabirɛnu 17:3

Burama ya a laburun a ma dugi ma ka Mari bato. Alla ya a fɔ a ye ko,

2 Mansɛnu 19:15

A donta matarali-kɛ rɔ, a ko, “E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

1 Ko-Kɔrɔta-Karan 21:26

A ya saraka-mintan-tinɛ sɔ nyɔ Mari ye. A ya Mari matara ka saraka-mintantɛ anubɛ yisi-kima-sarakɛnu bɔ. Mari sɔnta ala sarakɛnu na ka sarakɛ wonu mintan-tɛ labɔ Arinyɛnɛ rɔ ka a layigi a ye.

2 Ko-Kɔrɔta-Karan 6:2

Kɔnɔ n bara bon-nyimɛ sɔ i ye i si to kan min burubukai!”

Ɛsira 3:11

Anu ya Alla-tanto-bɛtinu bɔ ko, “Alla tanto bawo a kin, ala keninteyɛ ti ban Isirɛla mɔgɛnu bara-la habadan!” Bɛɛ ya a kuli mayɛlɛ anu sɛnbɛ la ka Mari tanto sewɛ la bawo anu bara Bato-Bon-kurukɛ-wɔlɛ laban.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Bɔ-Koe-Iyipiti 3:2

Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Saraka-Masɔlɛnuta Tɔnnu 10:2

Woletɔ Mari ya tɛ layigi anu kuma ka anu mintan gburr! Anu fagara Mari nyɛrɛ yala nyɔ.

Saraka-Masɔlɛnuta Tɔnnu 6:13

Kɔnɔ tɛ wo kana dufen hali doni bɛrɛni! (2) Dɛgɛ-Munku-Sarakɛnu

Yilan-Yilan Koe 14:5

Musa anubɛ Aruna ya anu maburun dugi ma mɔgɛ bɛɛ yakɔrɔ.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Lankɛnimayɛ 4:9

Dali-fen nani wonu bi tola bonyɛ anubɛ gbiliyɛ anubɛ baraka-birɛ bɔla a ye tumɛ bɛɛ, ale min mayiginɛ mansaya-sigi-fan rɔ, kɔni. A nimayanɛ nyɔ habadan! Anu tenbi wo mala,

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.

Lankɛnimayɛ 7:11

Melika bɛɛ sɔra mansaya-sigi-fan anubɛ kɛmɔgɛnu anubɛ dali-fen nanɛla foolɛ rɔ. Wo kɔma, anu ya anu naburun-a-ma mansaya-sigi-fan yakɔrɔ Alla bato tinɛ.

Kɛlɛ-Kurugbɛnu 13:23

Kɔnɔ ala musi wo ya a fɔ a ye ko, “Ni ma faga-sɔgɛ le ye Mari la nun, a ti sɔn mala saraka-mintantɛ kɛnu na ma bolo nun. A ti kabana-ko-siyamɛnu yira ma la. A ti tolo-tadiya-kumɛ kɛ fɔ ma ye nun.”

Kɛlɛ-Kurugbɛnu 6:21

Mari ya ala sewuri tugu soge wonubɛ biredi wo la. Tɛ bɔra farɛ wo rɔ ka biredi anubɛ soge wo mintan gburr! Wo kɔma, Mari tununta a ma yen!