Saraka-Masɔlɛnuta Tɔnnu 9:10 - ALLALA KUMƐ

^10-11 A kɛɛn wo, a kɔ-kili wo, a benya-bɛrɛ wo, a ya wonu sa tɛ rɔ saraka-mintan-tinɛ kuma ka anu mintan. A soge wo, a gbole wo, Aruna bɔra wonu na dagɛ kɔma ka wonu filɛ mintan nyɔ gburr! Anu ya a ma iko Mari ya a fɔ Musa ye nya min.

Saraka-Masɔlɛnuta Tɔnnu 9:10 Iomraidhean Croise

Yaburi 51:17

E, Alla, ndeta sarakɛ ye min na, wo le famayigi la. Ile Alla ye nyinina min ma bɛrɛbɛrɛkɛ, wo le mɔgɛ yisi wa tinya a sɔn-yogomɛla ko la.

Bɔ-Koe-Iyipiti 29:13

I ni a burɔ-kɛɛn bɛɛ bi anubɛ a benya-bɛrɛ anubɛ a kɔ-kili filɛ anubɛ anu kɛɛnnu ka wo bɛɛsi mintan saraka-mintan-tinɛ kuma hakɛ-sarakayɛ la.

Hɛnkilimaya-Kumɛnu 23:26

Nna den, i yɛ sɔ n na. I ni i sanka n ma ka n kɛ-nya bi.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Saraka-Masɔlɛnuta Tɔnnu 9:9

Ala dannu nara wo yele la. Aruna ya a bolo-nɔlɔnɛ layigi a yele wo rɔ ka do sosa saraka-mintan-tinɛ bolon nanɛ ma. A ya a yele-toe bi ka a rawuya dugi ma saraka-mintan-tinɛ kɔrɔ.