Saraka-Masɔlɛnuta Tɔnnu 8:8 - ALLALA KUMƐ

⁸ A ya kɔgɔ-dala-kurɛ bila a kan na anubɛ fen filɛ min bi wo ma, anu si Alla sako lɔn min fɛ.

Saraka-Masɔlɛnuta Tɔnnu 8:8 Iomraidhean Croise

Ɛsira 2:63

Yuda nyamani-kun-tigi ma sɔn anu ni saraka-masɔla-niyi dɔn. A ko anu ti ke a dɔnna fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. (Alla-sako-lɔn-fan wonu tɔgɛ Yurim anubɛ Tumin.)

Nihɛmaya 7:65

Yahudiyanuna kun-tigi ma sɔn anu ni saraka-masɔ-niyi dɔn. Anu ti a sɔrɔn fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. Fen filɛ wonu tɔgɛ Yurim anubɛ Tumin.

Bɔ-Koe-Iyipiti 29:1

“I wa wuli Aruna anubɛ ala dannu dantɛgɛla nde, Alla ma saraka-masɔ-wɔlɛla ko la tumɛ min, i si na sarakɛ kɛnu na, tura-bulan kelen anubɛ saga-yigi fila, fɛɛ sa minnu na.

Keninteya-Siginu 8:6

Mɔgɔ-wo-mɔgɔ kana diya i ye nde kɔma. I kana i bole don musu-wo-musu kawɛ kɔrɔ nde kɔma. Fen de keninteyɛ la min makawara iko sayɛ. Keliyɛ fanan gbɛlɛ iko sayɛ. Keliyɛ mani de iko ta-mɛlɛn-nɛ wa a labɔ woron-gbalɛ ma.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Ɛfɛsa 6:14

Wo ni wo rabɛn ka wo sɔ yiri! Wo ni wo buta kiri tonyɛ la. Wo ni telenbagayɛ ma wo kɔgɔ-matanka-fan la.

Tɔn-Fɔɛ-Fila-Nyɔgɛ 33:8

Musa duwara Lifayi bɔnsɔn-mɔgɛnu fanan ye ka le ko, “Kuru filɛ min tɔgɛ Yurim anubɛ Tumin min bi saraka-masɔla-kun-tigi kɔgɔ-dala-kurɛ ma, ma si Mari sako lɔn wonu fɛ tuma-wo-tuma bawo i ya male Lifayi mɔgɛnu yabɔ i nyɛrɛ ye ila wɔlɛla ko la. I ya Lifayi mɔgɛnu nakɔrɔsi nde, Musa rɔ Kɔrɔbɔ Tinɛ rɔ. Lifayi mɔgɛnu ya yakɔrɔ-mamɔɛ sɔrɔn nde, Musala ko la Sɔnkɔ-Sɔnkɔ Tenke dafɛ.

1 Tɛsalonaika 5:8

Kɔnɔ teleta-mɔgɛ le male la, woletɔ fɔ ma ni ma hɛnkili masɔ. Ma ni dɛnkɛninyɛ anubɛ keninteyɛ don iko kɔgɔ-matanka-fan. Alla ara lɔnnɛ min di ma ma ko ma ara kisi, wo ni ma mala kɛlɛ-kɛ-fulɛ la.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.