Saraka-Masɔlɛnuta Tɔnnu 8:23 - ALLALA KUMƐ

²³ Musa ya saga-yigi wo faga ka a yele do bi ka a don Aruna bolo-nyimama-tolo-lafɛlafɛ ma anubɛ a bolo-nyimama-gbungburu-wɛ ma anubɛ a bolo-nyimama-kin-gbungburu-wɛ ma.

Saraka-Masɔlɛnuta Tɔnnu 8:23 Iomraidhean Croise

Bɔ-Koe-Iyipiti 29:20

I ni a faga ka a yele do bi ka a don Aruna anubɛ ala den-keinu bolo-nyimama-tolo-lafɛlafɛ ma anubɛ anu bolo-nyimama-gbungburu-wɛ ma anubɛ anu bolo-nyimama-kin-gbungburu-wɛ ma. I ni a yele-toe labɔn saraka-mintan-tinɛ tɔnkɔn nanɛ bɛɛ ma.

Bɔ-Koe-Iyipiti 29:21

Yele min bi saraka-mintan-tinɛ tɔgɔfɛ, i ni wo do bi ka wo basan tulu-sɛnimɛ do la ka a purupuru Aruna anubɛ ala makiri-mirannu ma. I ni wo do purupuru ala den-keinu anubɛ anuna makiri-mirannu ma. Wo le si a ma, Aruna anubɛ ala den-keinu anubɛ anuna makiri-mirannu si sɛninya nde, Mari yala.

Saraka-Masɔlɛnuta Tɔnnu 14:14

“Saraka-masɔlɛ si saga-dan wo yele do bi ka a don kirayato-kɔrɛ wo bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

Saraka-Masɔlɛnuta Tɔnnu 14:17

Wo kɔma, a si tuli do sosa a kan-tinɛnu ma iko a ya saga-dan-yele sosa a ma nya min ka a sosa a bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

Saraka-Masɔlɛnuta Tɔnnu 14:25

A si saga-dan wo bi ka a faga ka a yele do bi ka a don kirayato-kɔrɛ wo bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

Saraka-Masɔlɛnuta Tɔnnu 14:28

Wo kɔma, a si tuli do sosa a kan tinɛnu ma iko a ya saga-dan-yele sosa a ma nya min ka a sosa a bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ.

Saraka-Masɔlɛnuta Tɔnnu 7:37

“Ma ya sarakɛ minnu damasila ko fɔ, wonu tɔgɛ le kɛnu na, saraka-mintantɛnu, dɛgɛ-munku-sarakɛnu, hakɛ-sarakɛnu, yiliki-sarakɛnu, yisi-kima-sarakɛnu, anubɛ saraka-masɔlɛnu dantɛgɛ-ko-sarakɛnu.”

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 6:20

A ya wo san ka wo sɔnkɛ di. Woletɔ wo ni Alla gbiliya wo fɛrɛ-bɔnkɛ la.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

1 Tɛsalonaika 5:22

Min yogo, wo ni wo tanka ko-su wo bɛɛ ma.

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

Hiburunu 5:8

Hali Allala dan le ale la, ala tɔrɔyɛ fɛ, a ya a fala kuma-birɛ makaran,