Saraka-Masɔlɛnuta Tɔnnu 8:2 - ALLALA KUMƐ

^2-3 “Aruna anubɛ ala den-keminɛnu bi ka ta anu na nta Fani-Bɔn tenbi-bolɔn la. I ni na saraka-masɔ-kurɛnu na anubɛ tuli min si anu sɛninya nde, Mari yala. I ni na sarakɛ kɛnu na, tura-bulan min si ma hakɛ-sarakɛ la anubɛ saga-yigi fila anubɛ sende-nya kelen biredi la isiti sa min tɔ. Isirɛla mɔgɛ damasi ladɛn anu nyɔgɔn fɛ ka na wo taran nta Fani-Bɔn bolon dɛ la.”

Saraka-Masɔlɛnuta Tɔnnu 8:2 Iomraidhean Croise

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 28:40

“Wo ni saraka-masɔ-durukinu nadan Arunala den-keinu ye. A ni buta-kiri-fannu nadan anu ye anubɛ a fulɛnu woletɔ mɔgɛnu yɛ si bɔ anu na ka saraka-masɔlɛnu gbiliya.

Bɔ-Koe-Iyipiti 39:41

Anu nara makiri-fen-sɛnimɛnu na Aruna anubɛ ala den-keinuna saraka-masɔ-wɔlɛla ko la wonu si minnu don anu kan na Kan-Tina-Sɛnimɛ rɔ.

Saraka-Masɔlɛnuta Tɔnnu 6:10

Saraka-masɔlɛ si ala gbama-duruki don a kan na anubɛ ala gbama-kurusi. A si ta-gbangban bɔ saraka-mintan-tinɛ kɔrɔ ka a ladɛn a tɔnkɔn rɔ.

Saraka-Masɔlɛnuta Tɔnnu 8:1

Mari ya a fɔ Musa ye ko,

Saraka-Masɔlɛnuta Tɔnnu 8:10

Wo kɔma, Musa ya tuli bi ka fan wonu dantɛgɛ Mari ma wo la. A ya a pusen Marita Fani-Bɔn ma anubɛ miran min bɛɛsi ye a burɔ.

Saraka-Masɔlɛnuta Tɔnnu 8:18

Musa banta wo mala tumɛ min, a nara a saga-yigi fɔlɔtɛ la ka a ma saraka-mintantɛ la. Aruna anubɛ ala den-keminɛnu ya anu bole sa wo kunyɛ kuma.

Saraka-Masɔlɛnuta Tɔnnu 8:22

Wo kɔma fanan, Musa nara a saga-yigi fila nyɔgɛ la ka Aruna anubɛ ala den-keminɛnu dantɛgɛ Mari ma. Aruna anubɛ ala den-keminɛnu ya anu bole sa sagɛ kɛ fanan kunyɛ kuma tun.

Hiburunu 7:27

Ale sa iko saraka-masɔla-kun-tigi-wɛ doinu. Ka sarakɛ masɔ a nyɛrɛ hakɛla ko la tele-wo-tele, a mako sa wo la. A mako sa tele-wo-tele-sarakɛ la mɔgɛnu hakɛla ko la fanan. A ya saraka kelen pe le bɔ ka dan wo ma. A ya a nyɛrɛ niyi ni sarakayɛ la tumɛ min, a ya wo ma wo le tɔ.