Saraka-Masɔlɛnuta Tɔnnu 8:15 - ALLALA KUMƐ

¹⁵ Musa ya a faga ka a bolo-nɔlɔnɛ layigi a yele rɔ ka do sosa saraka-bɔ-tinɛ bolon nanɛ ma ka wo dantɛgɛ Mari ma. A ya a yele-toe bi ka a rawuya dugi ma saraka-mintan-tinɛ kɔrɔ. Wo le ya a ma, a ya saraka-bɔ-tinɛ dantɛgɛ Mari ma ka a sɛninya.

Saraka-Masɔlɛnuta Tɔnnu 8:15 Iomraidhean Croise

2 Ko-Kɔrɔta-Karan 29:24

Anu ban anu bole sala anu ma, saraka-masɔlɛ wonu ya baa wonu faga. Anu ya wonu yele labɔn saraka-mintan-tinɛ kuma anu hakɛ-sarakayɛ la alako Alla fonde ni kimɛ mansɛ anubɛ ala nyamanita-mɔgɛnuna hakɛnuna ko la nya min.

Isikiyɛli 45:20

Karɛ wo tele wɔrɔnfilɛ ma, a si wo sufa ma mɔgɛ bɛɛ ye, hali min ma hakɛ kɛ lawuli a ma, ado a sa a kalama. Ni wo ya wo ma, wo si a ma, Bato-Bɔn sɛninyanɛ ni to.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Saraka-Masɔlɛnuta Tɔnnu 1:11

A si sarakɛ wo bi ka a kan natɛgɛ saraka-mintan-tinɛ bolo-maran wara la. Saraka-masɔlɛ si a yele bi ka a lakɛ saraka-mintan-tinɛ wo tɔnkɔn nanɛ ma.

Saraka-Masɔlɛnuta Tɔnnu 1:5

A si turɛ wo kan natɛgɛ. Saraka-masɔlɛ Aruna kebila-mɔgɛ donu si na turɛ wo yele la saraka-bɔ-tinɛ ka a lakɛ saraka-bɔ-tinɛ tɔnkɔn nanɛ ma.

Saraka-Masɔlɛnuta Tɔnnu 16:20

Mari ko, “Aruna wa ban yele pusenna Marita Fani-Bɔn Sɛnima-Sɛnima-Tinɛ ma anubɛ saraka-mintan-tinɛ ma iko tɔn ya a fɔ nya min, a si baa-kɔrɔn wo kɛndɛ bi ka wo ma anu hakɛ-gben-sarakɛ la.

Saraka-Masɔlɛnuta Tɔnnu 3:2

A si ninki wo bi ka na a la Marita Fani-Bɔn tenbi-bolɔn dafɛ. Saraka-bɔlɛ si a bole sa ninki kunyɛ kuma ka a kan natɛgɛ nyɔ. Saraka-Masɔla Aruna kebila-mɔgɛ donu si na ninki wo yele la saraka-bɔ-tinɛ ka a lakɛ saraka-bɔ-tinɛ tɔnkɔn nanɛ ma.

Saraka-Masɔlɛnuta Tɔnnu 4:25

Saraka-masɔlɛ si a bolo-nɔlɔnɛ layigi baa-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 4:30

Saraka-masɔlɛ si a bolo-nɔlɔnɛ layigi baa-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 4:7

A si tura-bulun-yele wo do sosa isɛnti mintan tinɛ, a bolon nanɛ wo kuma Marita Fani-Bɔn burɔ. A si a yele-toe rawuya dugi ma saraka-mintan-tinɛ kɔrɔ Marita Fani-Bɔn tenbi-bolɔn dafɛ.

Saraka-Masɔlɛnuta Tɔnnu 6:30

Ni saraka-masɔlɛ tara saraka-yele do la Marita Fani-Bɔn burɔ ka ma mɔgɔ-hakɛ-yamatogon-fan la, mɔgɔ-wo-mɔgɔ kana saraka wo soge bila a dɛ rɔ, fɔ ka soge wo mintan gburr!”

Yilan-Yilan Koe 8:12

Lifayi bɔnsɔn-mɔgɔ kelen-kelan ni anu bole sa tura-bulun fila filɛ kunyɛnu kuma. Tura-bulun kelen-kelan si ma hakɛ-sarakɛ la ka a to kelen-kelan fanan ma saraka-mintantɛ la. Anu ya wo ma anu hakɛ-yamatogon-fan la.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

Ɛfɛsa 2:16

Kirasiti ya sɔgɔ-labɔɛ ban ma tɛma ala sayɛ fɛ kɔlɔma ma. A ya ma latugun ma nyɔgɔn na ka ma ma kelen na alako a ni na ma la Alla ma.

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.