Saraka-Masɔlɛnuta Tɔnnu 7:24 - ALLALA KUMƐ

^24-25 Kolo-fan min bɛnta ka ma sarakɛ la Mari ye, mɔgɔ tenbi wo kɛɛn dɔnna tumɛ min, mɔgɔ kana a miri a ma ko Allata mɔgɛ le wo la tun. Ni kolo-fen wo kolo-fen fagara a nyɛrɛ ma, ka, ni sogo-feremɛ do ni kolo-fan wo do faga, wo kana a kɛɛn dɔn kɔnɔ wo si a bi le ka a ma wo mako-dogbɛrɛ la.

Saraka-Masɔlɛnuta Tɔnnu 7:24 Iomraidhean Croise

Bɔ-Koe-Iyipiti 22:30

Wo ni wola kolo-fannu fanan ma wo nya. Wola kolo-fannuna den fɔlɔtɛnu ni to a na fɛ tele wɔrɔnfila kɔrɔ. A tele segin nyɔgɛ ma, wo ni anu di nde ma.

Bɔ-Koe-Iyipiti 22:31

“Sogo-feremɛnu bi soge minnu fagala, wo kana wonu dɔn. Wo ni anu nafili wulinu kɔrɔ bawo nta mɔgɔ-sɛnimɛ le wole la.”

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Isikiyɛli 44:31

Saraka-masɔlɛnu kana yifa-wo-yifa dɔn, a mara koni la wo, a mara sogo la wo. Hali a tɔgɔ tora sogo-gbɛrɛkɛ le la, anu kana wo dɔn.”

Saraka-Masɔlɛnuta Tɔnnu 17:15

Isirɛla mɔgɛ wo, sundan wo, ni wo do ya sogo-suyi do dɔn min fagara a nyɛrɛ ma, a dɔnnɛ sɛninyani ma. Ni min ya sogo-suyi do dɔn sogo-feremɛ ya min faga, ni min ya wo dɔn, a sɛninyani ma. Mɔgɔ su min bi kɛ sufa mala, wonu si anuna kurɛnu anubɛ anu fɛrɛ-bɔnkɛnu ku. Hali a ya a ku fanan, a sɛninyani ma ha wurɛ la.

Saraka-Masɔlɛnuta Tɔnnu 22:8

Saraka-masɔla fenfen kana soge dɔn min bara faga a nyɛrɛ ma anubɛ sogo-feremɛnu bara min faga. Ni min ya wo dɔn, wo sɛninyabɛlɛ si to. Nde le wota Mari Alla la min ya wo fɔ.

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.