Saraka-Masɔlɛnuta Tɔnnu 7:17 - ALLALA KUMƐ

¹⁷ Ni soge do tora anu bolo ha a tele sawa nyɔgɛ, fɔ ni anu ya wo mintan worɔ.

Saraka-Masɔlɛnuta Tɔnnu 7:17 Iomraidhean Croise

Ko-Dabirɛnu 22:4

Anuna tagama tele sawa nyɔgɛ ma, Iburayima ya a yɛ lata wula-yan la. A ya kan tinɛ wo yen.

Bɔ-Koe-Iyipiti 12:10

Yanni wo ni a dɔn, wo ni wola duruku-ba-wɛnu mayɛlɛ tagama-koe la, ka wola sanbarɛnu don wo kian rɔ. Wo ni wola sewuri bi. Wo tenbi soge dɔnna tumɛ min, wo ni wo lakaliya. Wo kana a toenu namara ha sɔgɔma. Kɔnɔ ni mintɛ toe kira, anu kana wo dɔn tun fɔ ka wonu mintan gburr! Nde, Marita Kanan-Ko-Ladiyɛ le kɛ la.”

Bɔ-Koe-Iyipiti 19:11

A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala.

Bɔ-Koe-Iyipiti 29:14

I ni turɛ wo soge anubɛ a gbole anubɛ a nuginu bi ka anu mintan dagɛ kɔma.

Bɔ-Koe-Iyipiti 29:34

Sogo wo, biredi wo, ni min toe tora ha sɔgɔma, anu ni wo mintan gburr! Wo kana a toe wo dɔn tun kamasɔrɔn a dantɛgɛra nde, Alla le ma.

Hoseya 6:2

Tele fila, sawa wa tenbi tumɛ min, ma si fisaya. Wo kɔma, ma si taran ma kɛndɛ la Mari fɛ.

Saraka-Masɔlɛnuta Tɔnnu 10:16

Musa tara baa-saraka-soge manyinika mɔgɛnu na, Isirɛla mɔgɛnu ya min ma anu hakɛ-sarakɛ la, kɔni. A ya a lamɔɛn ko anu bara baa-soge wo mintan, a bɛnta saraka-masɔlɛnu ni min dɔn. Woletɔ Musa diminyara Ɛliyasa anubɛ Itamarayi ma.

Saraka-Masɔlɛnuta Tɔnnu 19:6

Ni wo ya yisi-kima-sarakɛ kɛ bɔ tele min nyɛrɛ rɔ, wo ni a dɔn wo wulɔn kɔnɔ ni a toe tora, wo si a dɔn tele wo banda kɛ ma. Ni do tora fanan ha a tele sawa nyɔgɛ ma, fɔ ni wo ya wo mintan gburr,

Saraka-Masɔlɛnuta Tɔnnu 19:7

bawo a sɛninyani ma tun. Ni mɔgɔ-wo-mɔgɔ ya soge wo dɔn a tele sawɛ ma, nde, Mari ti sɔn wo sarakɛ la tun.

1 Kɔrɛnti 15:4

Anu ya a togon. A lawulita a tele sawa nyɔgɛ ma iko a sɛbɛnɛ Allala kitabu rɔ nya min.