Saraka-Masɔlɛnuta Tɔnnu 7:13 - ALLALA KUMƐ

^13-14 A si kɛ do kelen bi ka a ma sarakɛ la Mari ye anubɛ biredi-lɔngbɔn isiti kɛnɛ min tɔ. Wonu si to saraka-masɔlɛ ye min si saraka-yele bi ka a lawuya saraka-mintan-tinɛ kɔrɔ.

Saraka-Masɔlɛnuta Tɔnnu 7:13 Iomraidhean Croise

Saraka-Masɔlɛnuta Tɔnnu 2:12

Kɔnɔ ni mɔgɛ ya ala dɔn-fen kun-fɔlɛ tɛgɛ san la ka wo ma kɔ-fan la Mari ye, a ni na wo don saraka-masɔlɛ bolo. Hali isiti, ni wo ma, liyi taranta a rɔ, tana ma kɔnɔ wo kana a mintan saraka-mintan-tɛ la de!

Saraka-Masɔlɛnuta Tɔnnu 23:17

Tele wo nyɛrɛ ma, denbaya-tigi bɛɛsi ni na biredi-lɔngbɔn fila la min nadannɛ isiti la dɔn-fen kun-fɔlɛ dɛgɛ-munke pani-kunbɛ-nya fila la ka wonu ma kɔ-fan la Mari ye.

Saraka-Masɔlɛnuta Tɔnnu 23:18

Wo kɔma, Isirɛla mɔgɛ bɛɛsi ni na san-kelen-saga-den wɔrɔnfila la anubɛ tura kelen anubɛ saga-yigi, fɛɛ sa minnu na ka kɛnu sa biredi-lɔngbɔn filɛ kɛnu kuma. Kolo-fan kɛnu si ma saraka-mintantɛ la Mari ye anubɛ wo nyɔgɔn dɛgɛ-munke anubɛ wo fanan nyɔgɔn nɔnbɔ-gbɔ-yi. Sarakɛ kɛnu mintan-sumɛ si a diya don Mari rɔ.

Emɔsi 4:5

Ni a di wo ye fanan, wo ni na wola biredinu na wo bolo wasinteyɛ la ka a ma baraka-bira-kɔ-fannu na iko a di wo ye nya min. Wo ye wo nyɛrɛ matagbala kɔ-fan minnu di-koe rɔ, ni a di wo ye, wo ni to wo nyɛrɛ matɔgɔla iko a di wo ye nya min. Nba, Mari ko bawo ko-sufa wonu di wole, Isirɛla mɔgɛnu ye, awa, wo ni to wo sufanu mala iko a di wo ye nya min.

Matiyu 13:33

Yisa ya tili-dogbɛrɛ tɛgɛ anu ye, a ko, “Alla min bi Arinyɛni tɔ, ata mansayɛ mani de iko biredi-yɛlɛ-fan. Musi ya doni bi ka a basan dɛgɛ-munke ku-musu kelen na ha a bɛɛ yɛlɛta.”

1 Timoti 4:4

Alla ya fan min bɛɛ dan, wo bɛɛ kin. A ma bɛn, mɔgɛ ni a ban wo fenfen na. Alako a ni Alla ko-nyima lɔn dɔrɔn,