Saraka-Masɔlɛnuta Tɔnnu 6:4 - ALLALA KUMƐ

^4-5 Ni mɔgɛ ya hakɛ kɛ sufanu kɛ, wo bɔɛ gbɛ rɔ, a tenbi kensunya-fan wo lasɛgila a tigi ma tumɛ min, a si do sa wo kuma. Ni a ya a mɔlɔn lɔn, a bɛnta a ni loli-loli lasɛgi minna ko la, a si wo ma wɔrɔ-wɔrɔ la.

Saraka-Masɔlɛnuta Tɔnnu 6:4 Iomraidhean Croise

Ko-Dabirɛnu 21:25

Iburayima ya mansɛ wola wɔli-kɛlɛnu yasere-masa a la bawo anu bara ala kɔlɔn bi a bolo.

Nihɛmaya 5:11

A wodi-yili wo, a dɔn-fen-yili wo, a minni-fen-yili wo, a tulu-yili wo, ma ni nyina wo dama ko ka tɔn sigi wo la. Ma ni tulumɛ bɛɛ lasɛgi a tigi ma. A mara a wɔli kɛ tina la wo, a mara a ki-fen na wo, a mara a bon na wo, wo bɛɛ ni sɛgi a tigi ma bi.”

Yobu 20:19

bawo a ya wo bɔ bolo-kolɔnnu bolo ka anu mayɛlɛnnɛ to. A ya bɔnnu bi mɔgɛnu bolo a ma minnu sɔ.

Yobu 24:2

Mɔgɛnu bi dan-kurinu bɔla anu gbɛ rɔ, alako do ni sa anuta dugi kuma. Anu bi mɔgɛnuna sagɛnu kankanna ka wo kofu anuta kolo-fannu ma.

Aiseya 59:6

Anu bi bila-bilala anu nyɔgɔn tɔ wo nya na le, mɔgɔ ti wo ma kurɛ la. Anu sa fenfen kun na fɔ ko-yogoma-kɛ. Anu bi mɔgɛnu matanbanna anu bole la.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 18:18

Kɔnɔ a fa, wo ya mɔgɔ-bolo-labirɛnu kɛ ka kankanyɛ kɛ. A ya ko-yogomɛ kɛ mɔgɛ bɛɛ la. A tɔgɛ si to ala hakɛnu denu na.

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Isikiyɛli 33:15

Tumado, a ye tulumɛ le lasɛgila, ni wo ma, a ni kankanya-fan lasɛgi, ni a ya a bɔ ko-yogoma-kɛ da kun tɔ, a ni don nna tɔn-birɛ rɔ minnu si a ma, mɔgɛ ni to a niyi la, a ti faga worɔ. A si to a niyi la.

Isikiyɛli 44:19

Yanni anu ni bɔ Bato-Bon-luyi ma ka sɛgi kata burɔ, fɔ anu ba Bato-Bon-wɔli-kɛ-kurɛnu bɔ anu ma ka wonu to Bato-Bɔn la konko-sɛnimɛ wonu na. Anu ni duruku-gbɛrɛkɛ don anu kan na alako Bato-Bon-kurɛ kɛnu kana fɛɛ sa mɔgɛnu na.

Saraka-Masɔlɛnuta Tɔnnu 24:18

Ni min ya a ta-nyɔgɛla kolo-fan faga, a ni a nyɔgɔ lasɛgi. Kɛ si ma wo kɛ-nya la gbɛ, niyi si sara niyi la.

Saraka-Masɔlɛnuta Tɔnnu 24:21

Ni min ya a ta-nyɔgɛla kolo-fan faga, a ni a nyɔgɔ lasɛgi kolo-fan la. Ni min ya a lawuli a ma ka a ta-nyɔgɛ hadama-dan faga, wo ni ale fanan faga.

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Sɛfanaya 1:9

Minnu si sibolo-gbɛrɛnuta namunyɛ bi bɛsi-kɔ-tinɛ, wonubɛ minnu bi mɔgɔ-fagɛ anubɛ kankanyɛ kun na alako anu ni anu tiginuna bɔnnu nafa, Mari ko a si wonu tɔrɔ.

Malakayi 1:13

Wole le gbunyara, wo ko wo ara bandan. Wo ya wo sunyɛnu sigi san ma a kɔrɔ. Wo ye tola nala kankanya-kolo-fan anubɛ kolo-fen-kirɛ anubɛ kolo-fen-namarɛnu na. Alla ko wole miri ko ale si sɔn wo la wo bolo?