Saraka-Masɔlɛnuta Tɔnnu 6:17 - ALLALA KUMƐ

¹⁷ Mari ya wo toe di anu denu denu ma ka wo ma anu beli-fan la. Kɛ fanan sɛninyanɛ de iko hakɛ-sarakɛ anubɛ yiliki-sarakɛ ye nya min.

Saraka-Masɔlɛnuta Tɔnnu 6:17 Iomraidhean Croise

Bɔ-Koe-Iyipiti 29:37

Wo ni sarakɛ kɛnu bɔ tele wɔrɔnfila kɔrɔ iko n bara a fɔ wo ye nya min. Sarakɛ kɛnu si ma saraka-mintan-tinɛ sɛninya-fan la. Wonu si a ma, saraka-mintan-tinɛ ni sɛninya. Ni fenfen tugura saraka-mintan-tinɛ kɛ la, wo ara don nde, Alla bolo.

Bɔ-Koe-Iyipiti 40:10

I ni tuli do kɛ saraka-mintan-tinɛ anubɛ a fɛ-mirannu ma, wo le si a ma, wonu fanan si sɛninya.

Saraka-Masɔlɛnuta Tɔnnu 10:16

Musa tara baa-saraka-soge manyinika mɔgɛnu na, Isirɛla mɔgɛnu ya min ma anu hakɛ-sarakɛ la, kɔni. A ya a lamɔɛn ko anu bara baa-soge wo mintan, a bɛnta saraka-masɔlɛnu ni min dɔn. Woletɔ Musa diminyara Ɛliyasa anubɛ Itamarayi ma.

Saraka-Masɔlɛnuta Tɔnnu 2:11

“Fenfen min si ma dɛgɛ-munke la, mɔgɔ tenbi wo mala sarakɛ la Mari ye, a kana isiti kɛ a rɔ. Mɔgɔ kana fenfen di Mari ma isiti ye min tɔ, ni wo ma, liyi.

Saraka-Masɔlɛnuta Tɔnnu 2:3

A toe wo si to saraka-masɔlɛnu ye. A sɛninyanɛ si to bawo anu ya a di Mari ma.

Saraka-Masɔlɛnuta Tɔnnu 6:26

Saraka-masɔlɛ min si a faga, wo si a dɔn kan-tina-sɛnimɛ rɔ Marita Fani-Bɔn kata burɔ.

Saraka-Masɔlɛnuta Tɔnnu 6:29

Saraka-masɔlɛnu kebila-mɔgɔ-keimɛnu si kɛ dɔn, laa-wo-laa sa anu na. Saraka-sɛnimɛ le.

Saraka-Masɔlɛnuta Tɔnnu 7:1

Musa ya Mari kuman-kan kɛ latenbi Aruna anubɛ a kegeyɛnu ye ko, “Yiliki-sarakɛ si bɔ nya min, wo tɔn le kɛnu na.

Saraka-Masɔlɛnuta Tɔnnu 7:6

Saraka-masɔlɛnu kebila-mɔgɔ-keimɛnu de dɔrɔn si kɛ dɔn. Kɔnɔ anu si a dɔn kan-tina-sɛnimɛ rɔ bawo saraka-sɛnima-bɛrɛ le.

Saraka-Masɔlɛnuta Tɔnnu 7:7

“Tɔn kelen bi nyɔ min kofunɛ hakɛ-sarakɛ kɛnu ma anubɛ yiliki-sarakɛnu. Wo le ko saraka-soge, saraka-masɔlɛ wo nyɛrɛtɛ le wo la.

1 Pita 2:22

A ma hakɛ-wo-hakɛ kɛ! A ma foninya-wo-foninya fɔ mumɛ!