Mari ya a fɔ Musa ye tun ko, “Ni mɔgɛ do ya ninki kankan, ni wo ma, sagɛ, ni a ya a faga le, ni a ya a mayira le, a ni ninki loli lasɛgi ninki kelan wo gbɛ rɔ. Ni sagɛ le, a si saga nani nasɛgi sagɛ wo gbɛ rɔ.
“Ni mɔgɛ ya wodi, ni wo ma, a bolo-fan do kerifa a sigi-nyɔgɛ do la, ni anu ya a kankan wo bolo, ni anu ya kankan wo bira, kankan wo si wo nyɔgɔn fila lasɛgi.
“Ni mɔgɛ do ya tulumɛ sigi a ta-nyɔgɛ do ma, ni a nara tulumɛ wo kunka tinɛ kɔnɔ wo ma sɔn ka fan wo don a bolo, hakɛ le wo la. Ni mɔgɛ do ya a ta-nyɔgɛ kankan, ni wo ma, ni a ya a kensunya, a ara hakɛ kɛ.
Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”
