Saraka-Masɔlɛnuta Tɔnnu 5:2 - ALLALA KUMƐ

² “Ni a mara, mɔgɛ do ni a bole tugu fen do la min ma sɛninya iko tɔn ya a fɔ nya min iko sogo-suyi sufa, ni a ya a lɔn tumɛ min ko a ya wo ma, a ara yiliki worɔ. A sɛninyani ma worɔ.

Saraka-Masɔlɛnuta Tɔnnu 5:2 Iomraidhean Croise

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Saraka-Masɔlɛnuta Tɔnnu 11:8

Wo kana soge kɛnu dɔn, hali ka i bole tugu anu suyi la. Anu sɛninyani ma wo ye.

Saraka-Masɔlɛnuta Tɔnnu 4:13

“Ni Isirɛla mɔgɛ bɛɛsi lakofunɛ ya Marita tɔn do tinya anu ma min lɔn, anu bi anuna hakɛ-sarakɛ bɔla ka le.

Saraka-Masɔlɛnuta Tɔnnu 5:17

“Ni mɔgɛ do suira ko a ya Mari tanɛ do tinya kɔnɔ a ma a lɔn, wo tigi si yiliki sɔrɔn. A si sarakɛ bɔ a hakɛ wola ko la, yɔ!

Saraka-Masɔlɛnuta Tɔnnu 5:3

“Ni a mara, mɔgɛ do ni a bole tugu fenfen na min bɔnɛ hadama-dan-sɛninyabɛlɛ rɔ iko tɔn ya a fɔ nya min, ni a ya a lɔn tumɛ min ko a ya wo ma, a ara yiliki worɔ. Ale fanan sɛninyani ma worɔ.

Saraka-Masɔlɛnuta Tɔnnu 5:4

“Ni mɔgɛ ya kuntanya dakan-don fenfenna ko la, a mara a yogoma la, a mara a nyimɛ la, ni a banta wo lɔnna tumɛ min a ya min ma, a ara yiliki worɔ.

Saraka-Masɔlɛnuta Tɔnnu 7:21

Ni mɔgɛ do ya a bole tugu fenfen-sɛninyabɛlɛ la, a mara mɔgɔ la wo, a mara sogo la wo, ni wo nara yisi-kima-sarakɛ kɛ do dɔn, mɔgɔ kana a miri wo ma ko Allata mɔgɛ le wo la tun.”

Hegayi 2:13

Nde, Nɛbi Hegayi ya anu manyinika tun ko, “Mɔgɛ do ya a bole tugu furi la, wo tigi sɛninyabɛlɛ si to fɔlɔn. Ni mɔgɛ wo fanan tara a bole tugu dɔn-fan do la, dɔn-fan wo ye kama?” Anu ko, “Wo ma sɛninya.”

Luka 11:44

Gbalo ye wo kuma bawo wo mani de iko kanba-dogonnɛnu, mɔgɛnu si tagama min kuma, anu sa a kalama.”

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.

Tɔn-Fɔɛ-Fila-Nyɔgɛ 14:8

Wo kana kɔsɛ anubɛ kungbilan dɔn bawo hali anu tore faranɛ, anu ti dɔntɛ nunku anu da rɔ. Wo kana soge kɛnu dɔn, hali ka i bole tugu anu suyi la.