Saraka-Masɔlɛnuta Tɔnnu 5:16 - ALLALA KUMƐ

¹⁶ Ni a nyinara min ko, a si wo nyɔgɔn lasɛgi Mari ma. Ni a nyinara loli-loli le ko a bɛnta ka min di Mari ma, a si kelen-kelen sa wo kuma, a ni ma wɔrɔ-wɔrɔ. A si fan kɛ mumɛ bɛɛ bi ka a don saraka-masɔlɛ bolo. Saraka-masɔlɛ si kolo-fan wo bi ka a di Mari ma saraka-bɔlɛ hakɛla ko la. Sarakɛ kɛ si a hakɛ yamatogon. Wo le si a ma, Mari si a makoto worɔ.

Saraka-Masɔlɛnuta Tɔnnu 5:16 Iomraidhean Croise

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Bɔ-Koe-Iyipiti 22:1

Mari ya a fɔ Musa ye tun ko, “Ni mɔgɛ do ya ninki kankan, ni wo ma, sagɛ, ni a ya a faga le, ni a ya a mayira le, a ni ninki loli lasɛgi ninki kelan wo gbɛ rɔ. Ni sagɛ le, a si saga nani nasɛgi sagɛ wo gbɛ rɔ.

Saraka-Masɔlɛnuta Tɔnnu 22:14

“Saraka-masɔlɛnu ni sarakɛnu fɛ-bira. Anu kana sɔn, mɔgɔ-gbɛrɛkɛ ni a dɔn. Saraka-masɔlɛnu na-kelen-nyɔgɛ ma mɔgɛ min na, ni a ya sarakɛ wo do dɔn, a ma a lɔn kɔnɔ tɔ-a-la, ni a ya a lɔn, a si a sara ka tenbi a ya min nyɔgɔn dɔn. Ni a ya loli-loli dɔn, a si kelen-kelen sa wo kuma, a si ta wɔrɔ-wɔrɔ. Ni saraka-masɔlɛ min sɔnta ko a ni a dɔn, wo ara sarakɛ lafɛya.

Saraka-Masɔlɛnuta Tɔnnu 27:13

A ye min dila kolo-fan wola ko la, ni a tɛgɛra ka wodi loli-loli le di a ma, a si a dafa wɔrɔ-wɔrɔ ma. Ala kolo-fan wo si sɛgi a ma worɔ.

Saraka-Masɔlɛnuta Tɔnnu 27:15

Ni a sɔgɛ ye bon-tigi wo la ka bɔn wo kunka saraka-masɔlɛ ma, ni a tɛgɛra ka wodi loli le sara, a si a dafa wɔrɔ ma. Ala bɔn si sɛgi a ma worɔ.

Saraka-Masɔlɛnuta Tɔnnu 27:27

Ni kolo-fen-sɛninyabɛlɛ le, Mari ko ma si ke ka wonuna den fɔlɔtɛnu kunka wodi la. Ma si a san iko a dɛ sanɛ ma kɔrɔ nya min. Kɔnɔ ni loli-loli le, ma si kelen-kelen sa a kuma, a ni ta wɔrɔ-wɔrɔ. Kɔnɔ ni a san-sɔgɔ sa kolo-fen-tigi la, saraka-masɔlɛnu si a mayira mɔgɛ do ma iko a mɔlɔn tɛgɛnɛ anu bolo nya min. Wo si loli-loli le dɔrɔn di.

Saraka-Masɔlɛnuta Tɔnnu 27:31

Ni a sɔgɛ ye mɔgɛ do la ka ala yaka kunka, a dɛ sanɛ saraka-masɔlɛ bolo nya min, a si wo sara. Ni loli-loli le, a si kelen-kelen sa a kuma. A ni ta wɔrɔ-wɔrɔ ka a don saraka-masɔlɛnu bolo.

Saraka-Masɔlɛnuta Tɔnnu 4:20

A si turɛ kɛ fanan ma iko komi a ya a nyɛrɛta hakɛ-sarakɛ ma nya min. A si sarakɛ bɔ mɔgɛnuna ko la alako wo ni mɔgɛnu hakɛ yamatogon ka makotolɛ sɔrɔn.

Saraka-Masɔlɛnuta Tɔnnu 4:26

A si a kɛɛn bi ka a mintan saraka-mintan-tinɛ kuma iko komi a ya a ma yisi-kima-sarakɛ la nya min. Kun-tiginuta hakɛ-sarakɛ bɔ nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ. (4) Isirɛla Mɔgɔ-Toe Do Saraka-Bɔ-Nya

Saraka-Masɔlɛnuta Tɔnnu 5:10

A si kona doi wo bi ka wo ma saraka-mintantɛ la iko anu si saraka-mintantɛ bɔ nya min. Mɔgɛ wota saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 5:13

Mɔgɛ wota saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ. Dɛgɛ-munke wo toe si to saraka-masɔlɛ bolo iko dɛgɛ-munku-saraka-doi wo mara nya min.”

Saraka-Masɔlɛnuta Tɔnnu 7:2

Saraka-sɛnima-bɛrɛ le kɛ la. Wo si sarakɛ kɛ faga saraka-mintan-tinɛ bolo-maran wara la, anu si saraka-mintantɛnu faga kan min. Wo si a yele bi ka a lakɛ saraka-mintan-tinɛ tɔnkɔn nanɛ ma.

Yilan-Yilan Koe 5:8

Kɔnɔ ni mɔgɔ ya mɔgɛ do kensunya, a ni a taran, mɔgɛ wo ara faga, ado a kebila-mɔgɔ-gbɛrɛ sa nyɔ a si fan wo lasɛgi min ma, fan wo si ma nde, Maritɛ la. A ni wo di saraka-masɔlɛ ma.

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

1 Samuwɛli 6:3

Wonu ya a fɔ anu ye ko, “Ni wo ye Isirɛla mɔgɛnuta Allata tɔn-kenkirɛ lasɛgila anu ma, wo kana a lata wo nya na, ni wo ma fenfen sa a kuma min si ma wola yiliki-sarakɛ la. Ni wo ya wo ma, wo si kɛndɛya. Wo si a lɔn worɔ min bi a tola wo ye tola tɔrɔyala Alla bolo.”