Saraka-Masɔlɛnuta Tɔnnu 4:34 - ALLALA KUMƐ

³⁴ Saraka-masɔlɛ si a bolo-nɔlɔnɛ layigi saga-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 4:34 Iomraidhean Croise

Aiseya 42:21

Alla le Mari la, mɔgɛnu kisi-sɔgɛ ye min na, woletɔ a ya ala tɔn anubɛ ala sereyanu nagbɛlɛya, ado a ye a fɛ, ala mɔgɛ bɛɛ ni wonu gbiliya.

Saraka-Masɔlɛnuta Tɔnnu 4:18

A si a yele do sosa isɛnti mintan tinɛ bolon nanɛ wo kuma Marita Fani-Bɔn burɔ. A si a yele-toe rawuya dugi ma saraka-mintan-tinɛ kɔrɔ Marita Fani-Bɔn tenbi-bolɔn dafɛ.

Saraka-Masɔlɛnuta Tɔnnu 4:25

Saraka-masɔlɛ si a bolo-nɔlɔnɛ layigi baa-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 4:30

Saraka-masɔlɛ si a bolo-nɔlɔnɛ layigi baa-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 4:7

A si tura-bulun-yele wo do sosa isɛnti mintan tinɛ, a bolon nanɛ wo kuma Marita Fani-Bɔn burɔ. A si a yele-toe rawuya dugi ma saraka-mintan-tinɛ kɔrɔ Marita Fani-Bɔn tenbi-bolɔn dafɛ.

Yɔni 17:19

N bara n nyɛrɛ dantɛgɛ i ma anuna ko la alako anu fanan ni ma itɛ la fasai!

Romu 10:4

Nba, Kirasiti ara na min kɛ, sɛnbɛ sa Nɛbi Musala tɔn-kitabu la tun. Woletɔ dɛnkɛninyɛ ye min bɛɛ yisi rɔ, wonu bara telen Alla yala.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,