Saraka-Masɔlɛnuta Tɔnnu 4:31 - ALLALA KUMƐ

³¹ A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenu saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 4:31 Iomraidhean Croise

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Ɛsira 6:10

Wo ni anu madɛnbɛ alako anu ni ke sarakɛnu bɔla San-Kole-Alla ye minnu si a hɛnɛ. Wo kɔma, anu si Alla matara alako mabɛ nna den-keinu ni simayɛ sɔrɔn.

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Bɔ-Koe-Iyipiti 29:18

I ni wo bɛɛsi mintan saraka-mintan-tinɛ kuma gburr! Wo mintan-sumɛ si a diya don n tɔ.

Aiseya 42:21

Alla le Mari la, mɔgɛnu kisi-sɔgɛ ye min na, woletɔ a ya ala tɔn anubɛ ala sereyanu nagbɛlɛya, ado a ye a fɛ, ala mɔgɛ bɛɛ ni wonu gbiliya.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Saraka-Masɔlɛnuta Tɔnnu 1:17

A si a bira a kanban ma ka kona wo buyi laka kɔnɔ a kana a kanban ka a ma. A si a bu-lakanɛ wo bi ka a sa ta-wɔlɔn rɔ. Wo si mintan gburr! Wo sumɛ si diya Mari ye.”

Saraka-Masɔlɛnuta Tɔnnu 14:18

A si tuli wo toe bi min bi a bolo tɔ ka a sosa kei wo kun-gbana ma. A si sɛninya ka le.

Saraka-Masɔlɛnuta Tɔnnu 15:15

Saraka-masɔlɛ si kelan ma hakɛ-sarakɛ la. A si kelan doi wo ma saraka-mintantɛ la. Saraka filɛ kɛnu si ma kirayato-kɔrɛ wo hakɛ-yamatogon-fan la.

Saraka-Masɔlɛnuta Tɔnnu 2:2

Dɛgɛ-munke min yabasannɛ tuli kɛ la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wo sumɛ si diya Mari ye. Bolo-nya kelan wo si ma iko a ya a damasi mintan Mari ye.

Saraka-Masɔlɛnuta Tɔnnu 2:9

A si doni keri a la ka a sa tɛ rɔ. Wo sumɛ si diya Mari ye. Wo si ma iko a ya a damasi mintan Mari ye.

Saraka-Masɔlɛnuta Tɔnnu 4:19

A si tura-bulan wo kɛɛn mumɛ bi ka a mintan saraka-mintan-tinɛ kuma.

Saraka-Masɔlɛnuta Tɔnnu 4:26

A si a kɛɛn bi ka a mintan saraka-mintan-tinɛ kuma iko komi a ya a ma yisi-kima-sarakɛ la nya min. Kun-tiginuta hakɛ-sarakɛ bɔ nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ. (4) Isirɛla Mɔgɔ-Toe Do Saraka-Bɔ-Nya

Saraka-Masɔlɛnuta Tɔnnu 4:35

A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenuna saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 5:10

A si kona doi wo bi ka wo ma saraka-mintantɛ la iko anu si saraka-mintantɛ bɔ nya min. Mɔgɛ wota saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Yilan-Yilan Koe 15:25

Saraka-masɔlɛ si a ma, mɔgɛ bɛɛsila hakɛ yama ni togon iko anuta namu ye nya min. Ni anu ya sarakɛ wo bɔ, wo kɔma, nde, Mari si anu makoto bawo anu nyinara le.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 10:12

Kɔnɔ Kirasiti ara saraka kelen pe bɔ hakɛla ko la ka dan wo ma! Wo ban, a ya a mayigi Alla kɔɛn-nyimɛ rɔ.

Hiburunu 10:14

A ara mɔgɛnu sɛninya anu hakɛ ma ka anu natelen Alla yala ata saraka kelen pe le fɛ habadan!

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.