Saraka-Masɔlɛnuta Tɔnnu 4:27 - ALLALA KUMƐ

²⁷ “Ni Isirɛla mɔgɛ toe do ya Marita tɔn tinya a ma min lɔn, a si ata hakɛ-sarakɛ bɔ ka le.

Saraka-Masɔlɛnuta Tɔnnu 4:27 Iomraidhean Croise

Yaburi 19:13

N bi a lawulila a ma ka hakɛ minnu kɛ, wonu fanan masɛgi n na. Anu kana na nɔ-ko sɔrɔn n ma. Fɛɛ ti taran n na worɔ. N na si fɛrɛ hakɛ-kɛ-koe ma.

Bɔ-Koe-Iyipiti 12:49

Kemininya-koe kɛ, a ye dugurannu anubɛ sundannu denu kuma. A sa mɔgɔ kelen kuma.”

Isikiyɛli 45:17

A saraka-mintanta wo, a fui-fen-saraka wo, a minni-saraka wo, mansɛ wo le ye sarakɛ wonu bɔla Isirɛla mumɛ bɛɛ ye. Anu ba anu kundɛn Karɛ-Tele-Fɔlɛ-ladiyɛ rɔ anubɛ Sulen-Tele ma anubɛ ladiyɛ toenu ma, mansɛ wo ye tola sarakɛ wonu bɔla. Wo bɛɛ si ma Isirɛla hakɛ-yamatogon-fan la.

Isikiyɛli 45:20

Karɛ wo tele wɔrɔnfilɛ ma, a si wo sufa ma mɔgɛ bɛɛ ye, hali min ma hakɛ kɛ lawuli a ma, ado a sa a kalama. Ni wo ya wo ma, wo si a ma, Bato-Bɔn sɛninyanɛ ni to.

Saraka-Masɔlɛnuta Tɔnnu 4:13

“Ni Isirɛla mɔgɛ bɛɛsi lakofunɛ ya Marita tɔn do tinya anu ma min lɔn, anu bi anuna hakɛ-sarakɛ bɔla ka le.

Saraka-Masɔlɛnuta Tɔnnu 4:22

“Ni kun-tigi do ya Marita tɔn tinya a ma min lɔn, a si ata hakɛ-sarakɛ bɔ ka le.

Saraka-Masɔlɛnuta Tɔnnu 5:17

“Ni mɔgɛ do suira ko a ya Mari tanɛ do tinya kɔnɔ a ma a lɔn, wo tigi si yiliki sɔrɔn. A si sarakɛ bɔ a hakɛ wola ko la, yɔ!

Saraka-Masɔlɛnuta Tɔnnu 9:15

Wo kɔma, Aruna ya Isirɛla mɔgɛnuna hakɛ-sarakɛ bɔ. A ya baa-kɔrɔn faga ka wo ma anu hakɛ-sarakɛ la. A ya a di Mari ma iko a ya a nyɛrɛta hakɛ-sarakɛ bɔ nya min nun.

Yilan-Yilan Koe 15:22

Mari ya a fɔ Musa ye ko, “N bara nta tɔn minnu di i ma ka a fɔlɔ kaka ma, tɔn kɛnu bi wo kuma ha duninya si ban. Ni Isirɛla mɔgɛ do nyinara tɔn wo do ko tumɛ min,

Yilan-Yilan Koe 5:6

“I ni a fɔ Isirɛla mɔgɛ bɛɛ ye ko ni mɔgɔ-wo-mɔgɔ ya ko-yoge ma a sigi-nyɔgɔ la, a mara ko-yogo sufa wo sufa la, a ni a sɔn a la. A ya ko-yoge min ma wo la, a ya wo ma nde, Mari le la. Ni a ya mɔgɔ kensunya fenfen na, a ya min bɛɛ bi, a ni wo bɛɛ sara. Ni a ya loli-loli le bi, a ni kelen-kelen sa wo kuma ka a dafa wɔrɔ-wɔrɔ ma ka a lasɛgi a tigi ma tun. Wo kɔma, a ni saga-yigi kelen bɔ hakɛ-sarakayɛ la fanan min si a ma, a hakɛ yama ni togon.