Saraka-Masɔlɛnuta Tɔnnu 3:17 - ALLALA KUMƐ

¹⁷ Isirɛla mɔgɔ-wo-mɔgɔ kana sogo-wo-sogo kɛɛn dɔn, ni wo ma, a yele. Wo siginɛ kan-bo-kan, tɔn le kɛ la Isirɛla mɔgɛnu ye habadan!”

Saraka-Masɔlɛnuta Tɔnnu 3:17 Iomraidhean Croise

Ko-Dabirɛnu 9:4

Alla ya a fɔ Nowa ye tun ko, “Kɔnɔ wo kana soge anubɛ a yele dɔn mumɛ kamasɔrɔn niyi ye a yele wo le tɔ.

2 Ko-Kɔrɔta-Karan 29:35

Saraka-mintantɛnu bɔnɛ a la, mɔgɛnu bi yisi-kima-sarakɛ minnu dɔnna, saraka-masɔlɛnu ya wonu kɛɛn mintan. Mɔgɛnu bi sarakɛ anubɛ nɔnbɔ-gbɔ-yi min bɔla, saraka-masɔlɛnu si wo labɔn saraka-mintan-tinɛ kuma. Anu ya batoli dabira Mari Bato-Bɔn la tun wo nya na le.

Nihɛmaya 8:10

Bɛɛ ni ta a wara ka fen dɔn. Ni minta dɔn-fan anubɛ minni-fan ma a bɔ a bolo, wo ni wonu kele. Tele-sɛnimɛ le kɛ la wota Mari Alla bolo bi. Funun-tele ma bi la. Mari ye sewɛ min dila wo ma, wo si a ma, wo ni to fanka rɔ.”

Bɔ-Koe-Iyipiti 28:43

Aruna anubɛ ala den-keinu wa don Fani-Bɔn la tumɛ min, anu si kurusi wonu don. Fananta anu bi nta wɔli kɛla kata burɔ, kurusi wonu ni to anu na. Ni anu ma kurusi-kundi wonu don kan-tina-sɛnimɛ wo rɔ, nde, Alla si anu faga bawo anu nakolɔn le n yala worɔ. “Wo ni ma habadan-tɔn la Aruna anubɛ a kebila-mɔgɛnu ye.”

Isikiyɛli 33:25

“Nde, i Tigi Marita kumɛ kɛ latenbi anu ma. A fɔ anu ye ko anu bi soge anubɛ a yele dɔnna. Anu bi bɛsɛnu kɔla. Anu bi mɔgɛnu fagala. Anu miri kama worɔ ko anu halalɛ le nyamanɛ kɛ la?

Isikiyɛli 44:15

Ma Tigi Mari ko, “Isirɛla mɔgɛ toenu ya anu ban n na tumɛ min, Lifayi saraka-masɔlɛ minnu bɔra Sedoki kebilɛ rɔ, wonu denu ya nna wɔlɛ kɛ n ye nta Bato-Bɔn la a kila-bɛrɛbɛrɛ fɛ. Kaka, anu denu denu bɛnta ka don nna Bato-Bɔn la ka wɔlɛ kɛ n ye. Anu denu si kɛɛn anubɛ yele bɔ n ye sarakayɛ la.

Isikiyɛli 44:7

Saraka-masɔlɛnu tenbi kɛɛnnu anubɛ yele bɔla n ye sarakayɛ la tumɛ min, Isirɛla mɔgɛnu bara nta Bato-Bɔn latinya ka sɔn sibolo-gbɛrɛ-kemininyabɛlɛnu ni don nyɔ, ado sibolo-gbɛrɛ wonu tolo gbere kati! Nna mɔgɛnu bara sarama-kan tinya ma tɛma ka a tɛgɛ anuna kisimiriya-ko-ladannu ma.

Saraka-Masɔlɛnuta Tɔnnu 10:15

Kɔnɔ wo tenbi a kɛɛn dila Mari ma ka a mintan, wo si na a sisi anubɛ a wore wonu na ka anu dantɛgɛ Mari ma anu nyɔgɔn fɛ. Kɔnɔ a sisi anubɛ a wore wonu si ma wobɛ i kegeyɛnutɛ la habadan iko Mari ya a fɔ nya min.”

Saraka-Masɔlɛnuta Tɔnnu 10:9

“Ile anubɛ ila den-keminɛnu, yanni wo ni ta nta Fani-Bɔn la tumɛ min, wo kana baan min. Fenfen min si mɔgɔ kun tafin, wo kana wonu min. Ni wo ya wo ma, wo si faga. Tɔn le kɛ la ka a fɔlɔ ile Aruna ma ha i kegeyɛnu. Wo kana a tinya.

Saraka-Masɔlɛnuta Tɔnnu 16:29

“Karɛ wɔrɔnfilɛ wo tele tan nyɛrɛ ma, Isirɛla mɔgɛnu anubɛ anuna sundannu ni sunyɛ don ka anu sulen anu halala-wɔlɛ ma wo tele nyɛrɛ ma.

Saraka-Masɔlɛnuta Tɔnnu 16:34

Wo si tɔn kɛnu bira ka to sarakɛ kɛnu bɔla san la iko kelen ka a fɔlɔ bi ma ha tumɛ min fanan di Alla ye. Wo ye kɛ le mala alako wo hakɛnu yama si togon nya min.” Anu ya a ma iko Mari ya a fɔ Musa ye nya min.

Saraka-Masɔlɛnuta Tɔnnu 17:7

Mɔgɛnu kana anuna kolo-fannu faga dagɛ kɔma bawo dina-do-mɔgɛnu bi anuna baanuna muninyɛ kɔla nyɔ. Ni min ya wo ma, wo tigi ara a nyɛrɛ purukulu Mari bolo. Tɔn kɛ siginɛ Isirɛla mɔgɛnu ma ka a fɔlɔ bi ma ha duninya si ban.

Saraka-Masɔlɛnuta Tɔnnu 19:26

“Wo kana sogo-suyi anubɛ a yele dɔn. “Wo kana wo nyɛrɛ don duruya-koenu tɔ.

Saraka-Masɔlɛnuta Tɔnnu 23:14

Mari ko ni ma ma atɛ fɔlɔn bɔ mala dɔn-fannu kun-fɔlɛ la, ma kana a bila ma dɛ rɔ, hali doni. A kuran le wo, a mintan de wo, a manɛ biredi la wo, a tenɛ de wo, ma kana a dɔn fɔ Maritɛ fɔlɔn ba bɔ a la. Mari ko habadan-tɔn le kɛ la min siginɛ ma kuma.

Saraka-Masɔlɛnuta Tɔnnu 23:21

Tele wo nyɛrɛ rɔ, ma kana wɔlɛ mumɛ kɛ kɔnɔ ma ni ma ladɛn ka Mari bato wulɔn. Mari ko ladɛn-kɛ-tɔn siginɛ ma kuma ma tara kan-bo-kan ka a dabira bi ma ha wo tumɛ min di ale Mari ye. Ma kana a boloka.

Saraka-Masɔlɛnuta Tɔnnu 24:3

Fɔ Aruna ni ta lɛnpu wo lamalan tinɛ wura-wo-wura. Anu ni ki malanna ha banda ni ka. A si malan kan-tina-sɛnimɛ rɔ yorolan dunnɛ wo ya-telenma bonda-dɛ wara la. Yorolan dunnɛ wo le sansannɛ tɔn-kenkirɛ ya ma.

Saraka-Masɔlɛnuta Tɔnnu 24:9

Kɔnɔ biredi kɛnu, Aruna anubɛ ala denbayɛnu denutan kɛ la yɛ! Anu si to a dɔnna kan-tina-sɛnimɛ rɔ bawo saraka-masɔlɛnuta dɔnta-sɛnimɛ le min bɔra nde, Marila saraka-sɛnimɛnu tɔ.”

Saraka-Masɔlɛnuta Tɔnnu 3:16

Saraka-masɔlɛ si wonu bi ka anu mintan gburr! Wonu mintan-sumɛ si a diya don Mari rɔ. A kɛɛn mumɛ, Maritɛ le.

Saraka-Masɔlɛnuta Tɔnnu 4:1

Mari ya a fɔ Musa ye ko, “N kuman-kan kɛ latenbi Isirɛla mɔgɛnu ma.” Musa ya a fɔ anu ye ko, “Ni mɔgɔ-wo-mɔgɔ ya hakɛ kɛ kɔnɔ a ma a lawuli a ma, wo tɔn le kɛnu na a si minnu bira. (1) Saraka-Masɔlɛ-Kun-Tigita Hakɛ-Saraka-Bɔ-Nya

Saraka-Masɔlɛnuta Tɔnnu 6:15

Dɛgɛ min tamaganɛ tuli la, a si wo bolo-nya kelen bi wo rɔ ka wo sa saraka-mintan-tinɛ kuma anubɛ isɛnti. Bolo-nya kelan wo si a ma iko a ya a damasi mintan Mari ye. Wo sumɛ si diya Mari ye.

Saraka-Masɔlɛnuta Tɔnnu 6:18

Ka a fɔlɔ bi ma ha wati min di Alla ye, kei minnu bi Arunata kebilɛ rɔ, wonu denu dɔrɔn si ke kɛ dɔnna. Mɔgɔ-gbɛrɛ kana a bole tugu a la. Ni min ya a tui ka wo ma, wo tigi ara a nyɛrɛ don Alla bolo.” (3) Saraka-Masɔlɛ Dantɛgɛ-Koe Mari Ma

Saraka-Masɔlɛnuta Tɔnnu 6:22

Ka a dabira bi ma ha wati min di Mari ye, Aruna kegeyɛnu min si ma saraka-masɔla-kun-tigi-wɛ la, wo si to dɛgɛ-munku-sarakɛ kɛnu bɔla Mari ye.

Saraka-Masɔlɛnuta Tɔnnu 7:34

A wore wo, a sisi wo, Mari ya kɛnu filɛ di saraka-masɔlɛnu ma ka bɔ Isirɛla mɔgɛnu bolo. Ni Isirɛla mɔgɛnu bi nala yisi-kima-sarakɛ kɛ la tumɛ min, anu si to fen filɛ kɛnu dila saraka-masɔlɛnu ma ha tumɛ min di Alla ye.”

Saraka-Masɔlɛnuta Tɔnnu 7:36

Wo tele nyɛrɛ rɔ, Mari ya sarakɛ kan tinɛ kɛnu ma anu nyɛrɛtɛ la. Tɔn le kɛ la Isirɛla mɔgɛnu ye ka a fɔlɔ anu denu ma ha ka a sigi anu kegeyɛnu na. (8) Kuma-Laban Saraka-Bɔ-Nyala Ko La

Yilan-Yilan Koe 19:21

Mɔgɛ min si nde, Marita yi-sɛnimɛ pusen mɔgɔ-sɛninyabɛlɛnu ma, hali wo fanan si ata kurɛnu ku. Mɔgɔ-wo-mɔgɔ min si a bole tugu nde, Marita yi wo la, wo fanan sɛninyabɛlɛ si to ha wurɛ la. Mɔgɔ-sɛninyabɛlɛ si a bole tugu fan min na, wo fanan sɛninyabɛlɛ si to ha wurɛ la. Min si a bole tugu fan wo fanan na tun, wo fanan tigi sɛninyabɛlɛ si to ha wurɛ la. Tɔn le kɛ la min ti bɔ wo kuma ha duninya si ban.”

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Matiyu 26:28

bawo n yele le kɛ la Allata sarama-kan kirinɛ min fɛ. N yele bɔnɛ alako mɔgɔ siyaman hakɛ ma si koto nya min.

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Tɔn-Fɔɛ-Fila-Nyɔgɛ 12:16

Kɔnɔ wo kana anu yele dɔn de! Ni min ya ata soge faga, a ni a makɔnɔ a yele bɛɛsi ni bɔ a rɔ dugi ma iko yi.

Tɔn-Fɔɛ-Fila-Nyɔgɛ 12:23

Kɔnɔ wo kana soge anubɛ a yele dɔn bawo niyi ye a yele nyɛrɛ rɔ. Woletɔ wo kana niyi anubɛ soge dɔn.

Tɔn-Fɔɛ-Fila-Nyɔgɛ 12:24

Wo kana yele-kuran dɔn, fɔ wo ni a to, sogenu yele ni bɔ a rɔ dugi ma iko yi.

Tɔn-Fɔɛ-Fila-Nyɔgɛ 15:23

Wo kana soge anubɛ a yele dɔn, fɔ wo ni a kan natɛgɛ. A yele ni bɔ a rɔ dugi ma iko yi.”

Tɔn-Fɔɛ-Fila-Nyɔgɛ 32:14

Wo ya nono-siyaman sɔrɔn wola ninkinu anubɛ wola baanu tɔ. Wola kolo-fannu tɔlɔta ka kɛɛnya. Wola dɛgɛ-munkenu kin kati! Wola baan-yinu tuninyanɛ.

1 Timoti 4:4

Alla ya fan min bɛɛ dan, wo bɛɛ kin. A ma bɛn, mɔgɛ ni a ban wo fenfen na. Alako a ni Alla ko-nyima lɔn dɔrɔn,