Saraka-Masɔlɛnuta Tɔnnu 3:1 - ALLALA KUMƐ

¹ “Min tenbi nala ninki la ka a ma yisi-kima-sarakɛ la Mari ye, a mara a keima la wo, a mara a musuma la wo, fɛɛ kana taran a la.

Saraka-Masɔlɛnuta Tɔnnu 3:1 Iomraidhean Croise

1 Ko-Kɔrɔta-Karan 21:26

A ya saraka-mintan-tinɛ sɔ nyɔ Mari ye. A ya Mari matara ka saraka-mintantɛ anubɛ yisi-kima-sarakɛnu bɔ. Mari sɔnta ala sarakɛnu na ka sarakɛ wonu mintan-tɛ labɔ Arinyɛnɛ rɔ ka a layigi a ye.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Bɔ-Koe-Iyipiti 24:5

A ya keminɛ donu yabɔ Isirɛla mɔgɛnu tɔ alako wonu ni saraka-mintantɛnu mintan Mari ye anubɛ yisi-kima-sarakɛnu, tura-bulannu, kɔni.

Bɔ-Koe-Iyipiti 29:28

Isirɛla mɔgɛnu bi nala yisi-kima-sarakɛ minnu na nde, Mari ye, wonu si ma Aruna anubɛ ala den-keinu de-nyini fannu na. Habadan-tɔn le kɛ la Isirɛla mɔgɛnu kuma min ti yɛlɛma.

Hɛnkilimaya-Kumɛnu 7:14

“N bara nna yisi-kima-sarakɛ bɔ bi. A sogo-toe ye n bolo bɔn la.

Isikiyɛli 43:27

A tele segin nyɔgɛ ma, mɔgɛnu si saraka-mintantɛnu anubɛ yisi-kima-sarakɛnu bɔɛ fɔlɔn wulɔn ka wonu don saraka-masɔlɛnu bolo. Wo kɔma, wo wara-koe ni na to n hɛnɛna. Nde, wo tigi Mari kan le kɛ la.”

Saraka-Masɔlɛnuta Tɔnnu 1:10

“Ni mɔgɛ ye sarakɛ bɔla ata saga-wɔrɛ rɔ, ni wo ma, ata baa wɔrɛ rɔ ka a ma saraka-mintantɛ la, fɔ a ni ma a keimɛ la fɛɛ sa min na.

Saraka-Masɔlɛnuta Tɔnnu 1:3

“Ni a ye ninki mala saraka-mintantɛ la Mari ye, fɔ ni a mara turɛ la fɛɛ sa min na. A si na wo kiri Marita Fani-Bɔn tenbi-bolɔn dafɛ, woletɔ Mari si sɔn sarakɛ wo la.

Saraka-Masɔlɛnuta Tɔnnu 17:5

Fɔlɔ nun, Isirɛla mɔgɛnu si kolo-fannu faga anuna dagɛ kɔma kilɛ la. Woletɔ wo ni na wola sarakɛnu na Marita Fani-Bɔn tenbi-bolɔn dafɛ. Wo si anu don saraka-masɔlɛ bolo ka anu ma yisi-kima-sarakɛnu na.

Saraka-Masɔlɛnuta Tɔnnu 3:6

“Min tenbi nala sagɛ la, ni wo ma, baa la a bolo, a mara a keima la wo, a mara a musuma la wo ka wo ma yisi-kima-sarakɛ la, fɛɛ kana taran a la.

Saraka-Masɔlɛnuta Tɔnnu 9:18

Wo kɔma, a ya turɛ anubɛ saga-yigi ma yisi-kima-sarakɛnu na mɔgɛnu ye. Ala den-keminɛnu nara wonu yele la. Ale ya wo lakɛ saraka-mintan-tinɛ tɔnkɔn nanɛ ma.

Saraka-Masɔlɛnuta Tɔnnu 9:4

Wo kɔma, anu ni na tura kelen na anubɛ saga-yigi kelen ka wonu sa sarakɛ doi kɛnu kuma. Kɛnu filɛ fanan si ma yisi-kima-sarakɛ la. Anu ba na sarakɛ min nyɔgɔn na Mari ye, anu si na wo nyɔgɔn dɛgɛ la min tamaganɛ tuli la. Wo ni kɛnu ma bi bawo Mari si a nyɛrɛta tamasere yira wo la bi.”

Emɔsi 5:22

A ko hali wo nara wola saraka-mintantɛnu anubɛ wola dɔn-fen-sarakɛnu na a ye, a ti sɔn anu na muk! Hali wo nara wola kolo-fen-tɔlɔnɛnu na Mari ye, a ko a bɔrɔ ti taran a ye.

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Malakayi 1:8

Wo taranta kolo-fen-fiyon minnu dila a ma sarakayɛ la, wo kin? Wo taranta kolo-fen-namarɛ minnu dila a ma, wo kin? Wo taranta kolo-fen-kirɛ minnu dila a ma, wo kin? Nba, wo ni wo to wonu sufa dila wola mansɛnu ma, wa, ni anu si sewa wo la. Wo ye nyinina minnu ma mansɛ wonu bolo, anu si wonu di wo ma?

Yilan-Yilan Koe 15:8

“Min tenbi nala tura-bulan la a bolo, a mara saraka-mintanta la wo, a mara yisi-kima-saraka la wo, a mara lanyiri-saraka la wo, wo tigi ni na dɛgɛ-munke pani-kunbɛ-nya sawa la min tamaganɛ ɔlifi-tuli kilasi segin na a bolo ka a sa tura-sarakɛ kɛ kuma.

Yilan-Yilan Koe 6:14

kolo-fen sawa la a bolo, fɛɛ sa minnu na. Wo le kɛnu na, san-kelen-saga-yigi kelen ka wo ma saraka-mintantɛ la, anubɛ san-kelen-saga-den kelen, a musumɛ, kɔni, ka wo ma hakɛ-sarakɛ la, anubɛ saga-yigi kelen ka wo ma yisi-kima-sarakɛ la.

Tɔn-Fɔɛ-Fila-Nyɔgɛ 12:27

Wo ye sarakɛ minnu mintanna gburr ka ban, wo si ta wonu na nyɔ. Wo si sarakɛ minnu dɔn, wo si ta wonu fanan na nyɔ ka wonu yele labɔn saraka-mintan-tinɛ kɔrɔ.

Kɔlɔsi 1:20

Fan minnubɛ Alla faranɛ nun, a ya wo bɛɛsi lasɛgi a nyɛrɛ ma tun Yisa Kirasiti baraka rɔ. Alla ya yisi-kimɛ ladon duninya rɔ Yisata sayɛ fɛ kɔlɔma ma. Fan minnu bi dugu-kole kuma wo, fan minnu bi san-kole rɔ wo, a ya fan wo bɛɛ lasɛgi a nyɛrɛ ma ale Yisata sayɛ fɛ.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

Kɛlɛ-Kurugbɛnu 20:26

Isirɛla mɔgɛnu dimatoe sɛgira Bɛtɛli soe burɔ tun. Anu telenta sunyɛ rɔ ha wurɛ la. Anu ya saraka-mintantɛnu anubɛ yisi-kima-sarakɛnu bɔ Mari ye wulɔn.

Kɛlɛ-Kurugbɛnu 21:4

Wo wulun sɔgɔma subaga, anu ya saraka-mintan-tinɛ ladan. Anu ya saraka-mintantɛnu bɔ anubɛ yisi-kima-sarakɛnu.