Saraka-Masɔlɛnuta Tɔnnu 27:3 - ALLALA KUMƐ

^3-7 “Ni a mara den-keminɛ la min ma san loli bɔ wɛ, a si na wodi-gbɛ gbu loli la. Ni a mara dunmusu-nɛ le la min ma san loli bɔ wɛ, a si na wodi-gbɛ gbu sawa la. “Ni a mara keminɛ la min siyi ara tenbi san loli la kɔnɔ a ma ke wɛ san mogan rɔ fɔlɔ, lanyiri-tinyanɛ wo si na wodi-gbɛ gbu mogan na. Ni a mara dunmusi le la min siyi ara tenbi san loli la kɔnɔ a ma ke san mogan rɔ fɔlɔ, lanyiri-tinyanɛ wo si na wodi-gbɛ gbu tan la. “Ni a mara kemini-bulan la min siyi ara tenbi san mogan la kɔnɔ a ma ke wɛ san bi-wɔrɔ rɔ fɔlɔ, lanyiri-tinyanɛ wo si na wodi-gbɛ gbu bi-loli la. Ni a mara musu-ba le la min siyi ara tenbi san mogan la kɔnɔ a ma ke san bi-wɔrɔ rɔ fɔlɔ, lanyiri-tinyanɛ wo si na wodi-gbɛ gbu bi-sawa la. “Ni a mara kɛmɔgɔ-kɔbɔkɔbɛ la min siyi ara tenbi san bi-wɔrɔ la, lanyiri-tinyanɛ wo si na wodi-gbɛ gbu tan-ni-loli la. Ni a mara musu-kɔrɔ-kɔbɔkɔbɛ le la min siyi ara tenbi san bi-wɔrɔ la, lanyiri-tinyanɛ wo si na wodi-gbɛ gbu tan la.

Saraka-Masɔlɛnuta Tɔnnu 27:3 Iomraidhean Croise

2 Mansɛnu 12:4

Yohasi ya Marita saraka-masɔlɛnu kele. A ya a fɔ wonu ye ko, “Wo ye wodi min sɔrɔnna sarakayɛ la Bato-Bɔn la, a mara saraka-makeleta la wo, a hɛniki-saraka wo, wo ni wodi wo ladɛn.

Bɔ-Koe-Iyipiti 30:13

Wo ye minnu mala wo niyi-kunka-fan la, wo le kɛnu na. Wo ni wodi-gbɛ wo mɔlɔn tɛgɛ a kilɛ fɛ iko a di nde, Mari ye nya min. Mɔgɛ bɛɛ ni wodi-gbɛ kɛ bɔ minna gbiliyɛ manɛ iko wodi-mɛlɛn kelan.

Bɔ-Koe-Iyipiti 38:24

Mɔgɛnu nara sɛnɛ minnu na ka a don Marita Fani-Bɔn wara-koe rɔ, wo damasila gbiliyɛ manɛ iko keminɛ mɔgɔ tan-ni-lolila gbiliyɛ manɛ nya min. Anu ya wo suman a kilɛ fɛ iko a di Mari ye nya min.

Saraka-Masɔlɛnuta Tɔnnu 27:14

“Bɔn fanan bi wo nya na le. Saraka-masɔlɛ si a dɛ fɔ iko a ye bɔn yenna nya min. A wa a fɔ nya min, ale le wo la.

Saraka-Masɔlɛnuta Tɔnnu 27:25

“Saraka-masɔlɛ ye kɛ damasi dɛ fɔla nya min, a ye tola a gbɛ wo le tɔ yiri!

Saraka-Masɔlɛnuta Tɔnnu 5:15

“Ni mɔgɔ-wo-mɔgɔ ya hakɛ kɛ bawo a bɛnta ka min di Mari ma, a ni nyina wo ko, fɔ a ni yiliki-sarakɛ bɔ a hakɛ wola ko la. A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi-gbɛ ye nya min.

Saraka-Masɔlɛnuta Tɔnnu 6:6

A si na saga-yigi la a bolo saraka-masɔlɛ wara, fɛɛ sa min na ka wo ma a nyɛrɛ yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi ye nya min.

Yilan-Yilan Koe 18:16

Minnuna dan wa ke karɛ kelan rɔ tumɛ min, anu si a kunka anuna wodi-gbɛ-gbu loli la iko Fani-Bɔn wodi gbiliyanɛ ye nya min. (Wodi-gbɛ wo gbiliyɛ mani de iko wodi-mɛlan tan.)