Saraka-Masɔlɛnuta Tɔnnu 27:17 - ALLALA KUMƐ

¹⁷ Ni a ya a taran, Mɔgɔ-Halala-Fan-Lasɛgi-San bɔ san le tenbila, saraka-masɔlɛ ya dɛ min sa a kɔrɔ, a si wo mumɛ bɛɛ wodi di.

Saraka-Masɔlɛnuta Tɔnnu 27:17 Iomraidhean Croise

Saraka-Masɔlɛnuta Tɔnnu 25:10

San bi-loli wo san bi-loli si ma san-yabɔnɛnu na minnu dantɛgɛnɛ nde, Mari ma. San wo la, bɛɛ halala-fen-kɔrɛ si sɛgi a tigi fɔlɔtɛ ma.

Saraka-Masɔlɛnuta Tɔnnu 25:11

San wo nyɛrɛ la, wo kana wola suginu fui anubɛ ka wola ki-fen-banannu tɛgɛ a mayira-koe la. Wo kana wola kɔn-gbɔɛnu keri a mayira-koe la.

Saraka-Masɔlɛnuta Tɔnnu 25:13

“Wo ara wola dugi minnu mayira wo ta-nyɔgɛnu ma nun, san wo la, bɛɛtɛ si sɛgi a ma iko ile Musa si na a tala wo la nya min.

Saraka-Masɔlɛnuta Tɔnnu 25:9

wo si mɔgɛnu nawuli ka belenna buri fɛla nyamanɛ kan-tinɛ bɛɛ rɔ. Tele kɛ si ma wo Hakɛ-Yamatogon-Tele la.

Saraka-Masɔlɛnuta Tɔnnu 27:14

“Bɔn fanan bi wo nya na le. Saraka-masɔlɛ si a dɛ fɔ iko a ye bɔn yenna nya min. A wa a fɔ nya min, ale le wo la.

Saraka-Masɔlɛnuta Tɔnnu 27:16

“A ye wo nya na le fanan kebila-mɔgɛnuna wɔli-kɛ-tinɛnu bara-koe rɔ. Ni kei do ya ala wɔli-kɛ-tinɛ wo do dantɛgɛ Mari ma kɔnɔ a sɔgɛ ye a la ka to wɔlila a rɔ, a si ta saraka-masɔlɛ taran. Saraka-masɔlɛ si wɔli-kɛ-tinɛ wo dɛ fɔ iko sugi min nyɔgɔn si fui sɛnɛ ma. Sugu-bɔrɔ kelan si san wodi-gbɛ-gbu sawa la. Gbu sawɛ kɛnuna gbiliyɛ manɛ le iko wodi-mɛlɛn wɔrɔnfilɛ ye nya min.

Saraka-Masɔlɛnuta Tɔnnu 27:18

Ni a ya a taran, san siyaman ara tenbi, a ni na to ala wɔli-kɛ-tinɛ dantɛgɛla Mari ma, saraka-masɔlɛ si a mafɛlɛn san min nyɔgɔn tonɛ ka ke Mɔgɔ-Halala-Fan-Lasɛgi-San ma. Saraka-masɔlɛ si do bɔ a dɛ la.