Saraka-Masɔlɛnuta Tɔnnu 26:39 - ALLALA KUMƐ

³⁹ Wo toe minnu basannɛ wo yogenu na, wonu baranɛ si belenna tagamana wo yogenu tɛma kamasɔrɔn wo benbanu anubɛ wole fanan hakɛ sebu la.

Saraka-Masɔlɛnuta Tɔnnu 26:39 Iomraidhean Croise

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Nihɛmaya 1:9

Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Bɔ-Koe-Iyipiti 34:7

N si nta nyimayɛ yira mɔgɔ waga siyaman na. N si mɔgɛnu makoto anuna hakɛ-yogomɛnu na. Hakɛ-tigi minnu si anu ban n na, n si wonu tɔrɔ. Hali anuna dannu ha ka ta a sigi anu tolo-birɛnu na anubɛ anu tolo-bira-sɔɛnu, n si wonu fanan tɔrɔ.”

Aiseya 14:21

Kan natɛgɛ da ni bira kaka! Ni i ya a yen ile mansɛla dannu bi fagala, wo tɛgɛnɛ anu benbanu denu sɔn ma. Anu do-wo-do ti ma mansa la dugu-kole kuma tun. Anu ti soe datɛgɛ anu nyɛrɛ ma.”

Aiseya 24:16

Mɔgɛnu si na Yerusalɛm ka bɔ wula-yan-bɛnu na ka tantoli-bɛtinu bɔ nyɔ. Kɔnɔ yigi-wo-yigi sa nde, Aiseya ma. N fɛrɛ ye banna n ma. N yogenu bi tola n bolo labirala. Anuna wunduyogoyɛ kuma ye tala sala.

Yɛrɛmaya 29:12

A ko wo si a tɔgɔ ratɛgɛ wo tumɛ. Wo si na a wara ka a madiya, ado a ko a si a wɔlɔ matɔlɔ wo la.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 31:29

Mɔgɛnu ti a fɔ tun ko anu fa ya dɔn-fen-kunayanɛnu dɔn kɔnɔ anuna dannu si anu yakɔrɛ matɔrɔmɔnya wola ko la.

Nimisa Koe 1:3

Yuda nyamanita-mɔgɛnu bara don yɔɔnyɛ min tɔ, wo yogo. Anu yogenu ya anu bira ka ta anu nyɛnsɛn sibolo-gbɛrɛkɛnu tɛma wula-yan la, anu ma lafɛrɛ-kunya sɔrɔn. Anu sagarannɛnu ya anu bira, ado anu bɔ-kunya sa wonu bolo.

Nimisa Koe 4:9

Minnu kunyɛ tora kɛlɛ rɔ, wonu fisa kɔnkɛla mɔgɔ-faganɛ kɛnu ko. Minnu niyi ma bɔ yona, a gbɛlɛyara wonu kuma.

Isikiyɛli 18:19

“Wo kɛnɛna a fɔla ko, ‘Nfenna ko la, dan kɛ sa tɔrɔla a fala hakɛnuna ko la?’ Wo yabilɛ le ko, ‘Dan wo ya ko-telennɛ anubɛ ko-nyimɛ le ma. A ya nna tɔn bira a kilɛ fɛ, ado fɔ a wa to a niyi la le, yɔ!’

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 24:23

Wo kun-nakolɔn ti to anubɛ wo kin-takolɔn ti to fanan min si a yira mɔgɛnu na ko diyi ye wo yisi rɔ. A ko wo si bara ka a tɛgɛ wo hakɛnu ma, ado wo si to gbɛngbɛrɛnna wo nyɔgɔn ma.

Isikiyɛli 33:10

Mari ya a fɔ n ye ko, “Ile hadama-dan, Isirɛla mɔgɛnu bi min fɔla, ile ni anu hɛnkili bila wonu na tun. Anu bi a fɔla ko anu kɔndɔfilinɛ anu hakɛla ko la. Anu bi a fɔla fanan ko anu bi tola kasarala anuna hakɛla ko la. Anu ko anu si ke belila kama gbɛ?

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Isikiyɛli 4:17

Yi anubɛ dɔn-fannu si dasa anu ma. Mɔgɛnu yisi si tinya anu nyɔgɔn fɛ barɛ bolo. Kɛ bɛɛ ye tɛgɛla anu hakɛ le ma.”

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Sakaraya 10:9

A ko hali ale ara a ma, anu ta ara nyɛnsɛn sibolo-gbɛrɛnu tɛma, hali anu bi wula-yan wonu na, anu si anu miri ale ma. A ko anubɛ anuna dannu si to anu niyi la ha anu ni anu kɔ sɛgi anu nyɔgɔn fɛ.

Yilan-Yilan Koe 14:18

i ti diminya yona, ko i si ita habadan-keninteyɛ yira mɔgɛnu na anubɛ ita lanayɛ. I si mɔgɛnu makoto minnu bi hakɛ kɛla anubɛ minnu bi murutiyala i ma. Kɔnɔ ile ya a fɔ nun fanan ko i si hakɛ-tiginu sara iko anuna hakɛ ye nya min. Ni mɔgɛ ya hakɛ kɛ, ata hakɛ yakɔrɔ-mamɔɛ wo si sigi ala dannu kuma ha ka ta a sigi a tolo-birɛnu anubɛ a tolo-bira-sɔɛnu na.

Tɔn-Fɔɛ-Fila-Nyɔgɛ 28:65

Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.

Tɔn-Fɔɛ-Fila-Nyɔgɛ 30:1

“Wota Mari Alla si wo ranyɛnsɛn wo yogenu tɛma. Hali wo ye tɔrɔyɛ kɛnu tɔ, wo hɛnkili si to wota bi-koe ko duwɛ anubɛ dankɛ tɛma.

Tɔn-Fɔɛ-Fila-Nyɔgɛ 5:9

wo si wo nyɛnkin min kɔrɔ ka a bato. Ale le wota Mari Alla la min sa nyinina a senɛ ma. Ni Mari sɔgɔ labɔra bɛsi-kɔlɛ minnu na, a ko a si wonu tɔrɔya, hali anuna dannu anubɛ anu mamanɛnu ha ka ta a sigi anu tolo-birɛnu na anubɛ anu tolo-bira-sɔɛnu. A ko minnu si anu ban a la, a si wonu tɔrɔ.

Tɔn-Fɔɛ-Fila-Nyɔgɛ 8:20

Ni wo ma Marita kumɛ bira, wo ye sibole doi kɛnu fagala nya min, wole fanan bi fagala wo nya na le.”