Saraka-Masɔlɛnuta Tɔnnu 26:34 - ALLALA KUMƐ

^34-35 Kɔnɔ yanni wo yogenu ni wo bira, san-wɔrɔnfila wo san-wɔrɔnfila, wo ti sɔn wola nyamanɛ ni a sulen wo bolo. Wo tumɛ wo ye wo yogenu bolo kan-tina-gbɛrɛkɛnu tɔ, wola nyamanɛ si a sulen wo kɔma.

Saraka-Masɔlɛnuta Tɔnnu 26:34 Iomraidhean Croise

1 Mansɛnu 8:46

“Mari, ni ila mɔgɛnu ya hakɛ kɛ i la tumɛ min, ado mɔgɔ-wo-mɔgɔ sa nyɔ min ti hakɛ kɛ, tumado i si diminya anu ma ha i ni anu don anu yogenu bolo. Wonu ni anu bira ka ta anu na anu barɛnu tɔ hali anu taranta wula-yan la.

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Yɛrɛmaya 34:17

Woletɔ Mari ko wo ara a lafɛya bawo wo ma sɔn wo ta-nyɔgɛ Isirɛla mɔgɛnu boloka-koe ma. A ko ale nyɛrɛ-nyɛrɛ si wo boloka. Wo kɔrɛ ye min na ko ka wo to kɛlɛ anubɛ kirayɛ anubɛ kɔnkɛ bolo la. A ko a ye min sigila wo ma, sibolo-gbɛrɛnu ba wo yen, anu si anu bole sa anu dɛ la.

Saraka-Masɔlɛnuta Tɔnnu 25:10

San bi-loli wo san bi-loli si ma san-yabɔnɛnu na minnu dantɛgɛnɛ nde, Mari ma. San wo la, bɛɛ halala-fen-kɔrɛ si sɛgi a tigi fɔlɔtɛ ma.

Saraka-Masɔlɛnuta Tɔnnu 26:43

Kɔnɔ a fɔlɔfɔlɛ, fɔ wo ni nyamanɛ wo boloka, woletɔ nyamanɛ si a sulen bɛrɛbɛrɛkɛ. N bara tɔrɔyɛ min bɛɛsi lana wo kuma wola kalabanteyɛla ko la, fɔ wo kegeyɛnu ni anu munyu wo damasi kɔrɔ.