Saraka-Masɔlɛnuta Tɔnnu 26:32 - ALLALA KUMƐ

³² N si wola nyamanɛ duginu tinya, hali wo yogo minnu bi nala anu sigila wo gbɛ rɔ, wola dugi wo tinya-nya si ma latɛrɛna-koe la anu fanan bolo.

Saraka-Masɔlɛnuta Tɔnnu 26:32 Iomraidhean Croise

1 Mansɛnu 9:8

Bato-Bon-nyimɛ kɛ si tinya ka ma bon-gbarɛ la. Mɔgɔ-wo-mɔgɔ wa tenbi nyɔ, wo si kawa ka a bole sa a dɛ la. A si a fɔ ko, ‘Nfenna ko la Mari ara ko sufa kɛ ma ala nyamanɛ anubɛ ala Bato-Bɔn kɛ la?’

Aiseya 24:1

Mari si duninya kuma kolɔnya filili. A si dugi raburun sagbayi! A si duninya-mɔgɛnu tanyɛnsɛn.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Aiseya 5:9

N bara a lamɔɛn ko Mari Sɛnbɛ-Bɛɛ-Tigi ye a fɔla ko, “Wola bon-belebele-hakikɛnu si kasara pɔ!

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Aiseya 64:10

Ila so-sɛnimɛnu ta ara kolonya iko wula-da-rakolɔn ye nya min. Yerusalɛm ra ara kolonya filili, ka ma tonbɔn la.

Yɛrɛmaya 12:11

Anu si nta sɛnɛ-hakikɛ yɛlɛma wula-da-rakolɔn la. A makolɔn sanɛ filili! Nyamanɛ mumɛ ara ma wula-da-rakolɔn la. Kɔnɔ wo bɔrɔ sa taranna mɔgɔ-wo-mɔgɔ ye.

Yɛrɛmaya 18:16

Woletɔ wole, Yuda nyamanɛ si ma nyamani-fuyi la. Nyamanɛ wo si ma yɛlɛnma-fan la mɔgɛnu ye. Mɔgɛnu ba bɔ nyɔ, anu si kawa ka anu kunyɛ firifiri. Wola nyamanɛ wo tinya-koe si ma tɛrɛna-koe la mɔgɛnu bolo.

Yɛrɛmaya 19:8

A ko a si so-karantan kɛ rade dogbe! So-karantan kɛ si ma yɛlɛnma-fan la mɔgɛnu ye. Mɔgɛnu tenbi tenbila, anu si anu kunyɛ firifiri. Anu ba so-karantan kɛ tinya-bole mafɛlɛn, anu si kawa.

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 25:38

Mari ara ala nyamanɛ boloka iko yarɛ wa bɔ faran la dɔnta-nyini-tinɛ a yisi ma. Mari ara wola nyamanɛ bɛɛ tinya a fondo-bɔnɛ la, ado yan bara ma nyamani-makilannɛ la ka a tɛgɛ kɛlɛ ma.

Yɛrɛmaya 33:10

Mari ko mɔgɛnu bi a fɔla ko yan bara ma wula-da-rakolɔn la. Mɔgɔ sa yan, kolo-fan sa yan. Mari ko anu ya tonyɛ le fɔ wo la. Yerusalɛm soe anubɛ Yuda nyamani-toe ra ara kolonya filili! Hali mɔgɔ-den-kelan sa anu tɔ tun. Kɔnɔ sewɛ-yerelen-tɛgɛ-kan si fɛrɛn nyɔnu tɔ tun. Mɔgɛ si sewa-tolɔn anubɛ kɔnyɔ-masɔ-tolɔn lamɔɛn tun nyɔ rɔ. Mɔgɛnu tenbi nala baraka-bira-sarakɛnu na Mari ye, mɔgɛnu bi bɛti-sufa kɛnu namɔɛnna ka le. “Ma ni baraka bira Mari Sɛnbɛ-Bɛɛ-Tigi ye bawo a nyimayanɛ, ado ala keninteyɛ ti ban.” Ale Mari ko a si nyamanɛ kɛ lata yarɔ iko a ye nya min nun, yɔ! Ale Mari kan le kɛ la.

Yɛrɛmaya 44:2

Mari Sɛnbɛ-Bɛɛ-Tigi Isirɛlata Alla ko a ara kasarɛ min lana Yerusalɛm anubɛ Yuda soenu ma, a ko wo ara wo rayen, ado ha bi, soe wonu tinyanɛ nyɔ. Mɔgɔ-wo-mɔgɔ sigini sa anu tɔ tun

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 4:12

Duninya-mɔgɛnu anubɛ anuna mansɛnu ma a lɔn nun ko ma yogenu si anu kunyɛ ladon Yerusalɛm soe burɔ nun.

Isikiyɛli 5:15

“Nde, Mari wa diminya wo ma ka wo tɔrɔ, sibolo-gbɛrɛ minnu bi wola foolɛ rɔ, wonu kun ma si kɔ. Anu si nyima wo rɔ ka wo rasɛ.

Daniyɛli 9:18

E, Alla, i wɔlɔ matɔlɔ ma la. I ni i kolan maka, i ni a yen ma tɔrɔyanɛ nya min. I ni a yen fanan ko i tɔgɛ sanɛ soe min kuma, wo ye tɔrɔya-sufa min tɔ. Ka a fɔ ma telennɛ, woletɔ ma ye i matarala, wo ma de! Ma ye i matarala bawo ila kinikinɛ kolo ma wara la.

Habakuku 3:17

Hali toro-gbɔ sa a la, hali nɔnbɔ-gbɔ sa a la, hali ɔlifi-gbɔ sa a la, hali ki-fen sa mala-a-la ma bolo, hali mala sagɛ dama fagara, mala wɔrɛ ta ni kolonya

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

Tɔn-Fɔɛ-Fila-Nyɔgɛ 28:37

Ni nyɔ-mɔgɛnu ya wo tɔrɔ-nya yen, anu ti sisi wo mafɛlɛnna. Anu si wo manyini ka wo lafɛya bɛrɛkɛ!