Saraka-Masɔlɛnuta Tɔnnu 26:30 - ALLALA KUMƐ

³⁰ Wo si wola isɛnti mintan wola bɛsɛnu bi kan min, nde si kan tinɛ wonu tinya ka wo furinu nakɛ wola bɛsi-tinyanɛ wonu kuma. Wo wara-koe si gboya n ye.

Saraka-Masɔlɛnuta Tɔnnu 26:30 Iomraidhean Croise

Ko-Dabirɛnu 19:13

kamasɔrɔn ma si Sɔdɔm soe kɛ halaki bawo anuna ko-yogomɛ ara wara Mari yala. Mari ya ma sɔ alako ma ni na soe kɛ lato dogbe!”

1 Mansɛnu 13:2

Allata mɔgɛ wo kumara saraka-mintan-tinɛ ma iko Mari ya a fɔ a ye nya min. A ya a fɔ saraka-mintan-tinɛ wo ma ko, “E, saraka-mintan-tinɛ, Mari ara kɛ le fɔ ila ko rɔ, a ko, dan do si na sɔrɔn Dawuda bɔnsɔn rɔ. Anu si wo kele ko Yosaya. Saraka-masɔlɛ minnu bi sarakɛ mintanna ile saraka-mintan-tinɛ kɛ kuma, Mari ko dan wo le ye saraka-masɔlɛ wonu fagala ka anu kolenu mintan ile kuma.”

1 Mansɛnu 13:32

Allata mɔgɛ kɛ ya kumɛ minnu fɔ saraka-mintan-tinɛ kɛla ko la min bi Bɛtɛli soe burɔ anubɛ Samariya soenuna kɔ tinɛnuna ko la, wo dama si ma tonyɛ la, yɔ!”

2 Mansɛnu 23:16

Ale Mansa Yosaya ya a tintan ka kaburu donu yen kɔnkɛ bu la. A ya a fɔ mɔgɛnu ye ko wonu ni ta furi wonu kolenu nabɔ kaburu wonu tɔ ka wonu mintan saraka-mintan-tinɛ kuma. A ya wo ma alako saraka-mintan-tinɛ wo la ni tinya iko Allata mɔgɛ ya a fɔ nya min nun.

2 Mansɛnu 23:20

A ya Alla-batobɛlɛnuna bɛsi-kɔlɛnu faga anuna saraka-mintan-tinɛnu kuma kan-tina-mayɛlɛnɛ wonu tɔ. Wo kɔma, a ya mɔgɔni-gbu-kolenu mintan saraka-mintan-tinɛnu kuma alako ka wonu natinya. A ban, a sɛgira Yerusalɛm soe burɔ.

2 Mansɛnu 23:8

A ya bɛsi-kɔ-tina-mayɛlɛnɛ bɛɛ latinya Yuda nyamanɛ rɔ bɛsi-kɔlɛnu bi wɔlila kan tinɛ minnu tɔ. Yasowa min bi so-tigiyɛ la Yerusalɛm soe burɔ, wo ya tarɛ don-dɛ ladan don-da-wɛ bolo-maran wara la ka a nyɛrɛ tɔgɛ sa don-dɛ wo ma. Bɛsi-kɔ-tinɛ minnu bi nyɔ wara la, Mansa Yosaya ya wonu natinya. Marita saraka-masɔlɛ minnu kofura bɛsi-kɔlɛnu ma Yuda nyamanɛ rɔ, Mansa Yosaya ya wo damasi kundɛn Yerusalɛm soe burɔ.

2 Ko-Kɔrɔta-Karan 23:17

Mɔgɛ wo damasi wulita ka ta Beyali kɔ tinɛ tinya. Anu ya saraka-bɔ-tinɛnu tinya. Anu ya bɛsɛ wonu tinya. Anu ya bɔn wo fanan tinya. Wo kɔma, anuna bɛsi-kɔlɛ min tɔgɛ Matan, anu ya wo fanan faga bɛsi-kɔ-tinɛ yarɔ nyɔ.

2 Ko-Kɔrɔta-Karan 31:1

Ladɛn wo kanɛ a la, Isirɛla mɔgɛ bɛɛ tara Yuda nyamanɛ soenu tɔ ka bɛsi-kɔ-tinɛnu tinya. Kɔlɔma minnu lɛsɛnɛ bɛsi-musila muninyɛ la, anu ya wonu tatɛgɛtɛgɛ. Bɛsi wo tɔgɛ le ko, “Asura.” Kuri-lɛsɛnɛnu fanan, anu ya wonu tatiitii. Anu tara wo le sufa ma Bɛnyamɛ anubɛ Ifɛrɛm anubɛ Manasa bɔnsɔn-mɔgɛnu barɛnu tɔ. Anu ban bɛsɛ wonu tinyana, bɛɛ sɛgira a warɛ.

Yaburi 106:40

Woletɔ Mari fonde bɔra ala mɔgɛnu kuma. Anu sɔgɔ labɔra a la lass!

Yaburi 89:38

Ile Mari, i fonde bɔnɛ ita mansa-yabɔnɛ kan ma. I wara a boloka ka i ban a la.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Isikiyɛli 16:39

N si i don i sa-nyɔgɛnu sɛnbɛ kɔrɔ. Wonu si ila yɛlɛnya-kɛ-tinɛ anubɛ ila bɛsi-kɔ-tinɛnu kasara. Anu si ila fɛrɛya-bɔɛ anubɛ ila fen-kolomɛnu bi i bolo ka i mɛlan to sɔni.

Isikiyɛli 43:7

“Ile hadama-dan, nta mansaya-waganɛ le bɔn kɛ la. N si sigi yan Isirɛla mɔgɛnu tɛma ka to anu kun na yan tolon! Ka bɛsɛnu kɔ wo, ka anuna mansɛnu togon yan bara la wo, wo do-wo-do ti n tɔgɔ-sɛnimɛ lafɛya tun, a mara a Isirɛla mɔgɔ la wo, a mara a mansa la wo.

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Saraka-Masɔlɛnuta Tɔnnu 20:23

Ni kei ya a sa a berennuna musi fɛ, ni wo ma, a fanuna musi, a ara a berennu nayarabi anubɛ a fanu. Ni kei ya a sa a fanuna musi fɛ, ni wo ma, a berennuna musinu, wo mɔgɔ sunu ti dan sɔrɔn ha anu si faga. Wo hakɛ-dunɛ si to anu denu kuma.

Saraka-Masɔlɛnuta Tɔnnu 26:11

N si to wo fɛ nta Fani-Bon-sɛnimɛ burɔ. N ti wo boloka mumɛ!

Saraka-Masɔlɛnuta Tɔnnu 26:15

Ni wo ma sɔn ka nta sereya kɛnu bira, ni wo ya wota sarama-kan tinya min bi ma tɛma wona,

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Emɔsi 7:9

Nɛbi Emɔsi ya Mari kuman-kannu natenbi ko, “Isiyaka kegeyɛnu bi ale Mari batola anuta kan-tina-sɛnimɛ minnu tɔ Isirɛla nyamanɛ rɔ, Mari ko a si kan tinɛ wonu kasara ka nyɔnu ma tonbon-kole la. Mari ko a si mansayɛ bɔ Mansa Yɛrabowami kebilɛ bolo.”

Tɔn-Fɔɛ-Fila-Nyɔgɛ 32:19

“Mari ya wo yen nkɛkuna, a fonde bɔra wo kuma. A ya a ban wole la, wole min bi ala denyɛ la, kɔni.