Saraka-Masɔlɛnuta Tɔnnu 26:26 - ALLALA KUMƐ

²⁶ N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Saraka-Masɔlɛnuta Tɔnnu 26:26 Iomraidhean Croise

2 Mansɛnu 6:25

Kɛlɛ wo tora-a-la ha, kɔnkɔ-fitinɛ donta anuna so-karantan wo rɔ. Kɔnkɛ wo gbɛlɛyara ha, sofɛli-kunyɛ santa wodi-gbɛ-gbuni bi-segin la, ado hali kangbo-bo-gbalɛ yi-lafɛ-nya kelen, wo santa wodi-gbɛ-gbu-ni loli la.

Yaburi 105:16

Alla ya kɔnkɔ-fitinɛ ladon anuta nyamanɛ rɔ ka anu beli-fan bɛɛ bi anu bolo.

Aiseya 3:1

Hadama-dan minnu bi Yerusalɛm soe anubɛ Yuda nyamanɛ rɔ, wonu tonɛ fan min bɛɛ ma anubɛ anu tonɛ mɔgɛ min bɛɛ ma, Mari Sɛnbɛ-Bɛɛ-Tigi si na wo bɛɛ bi anu bolo. A si anu beli-fan anubɛ anuna yi bi anu bolo.

Aiseya 5:10

Sara-ninki tan si min nyɔgɔn dugu wɔrɔ tele kelen kɔrɔ, nyɔ si nɔnbɔ-gbɔ-yi kalɔn wɔrɔ le dɔrɔn bɔ. Fui-fan bɔrɔ kelen wa wɔrɔ kan min, fɔ pani-nya wɔrɔ pe, wo si wo le dɔrɔn sɔrɔn nyɔ.”

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Aiseya 9:20

Anu tara kan-bo-kan, anu si dugu-matɔnbɔn-kɛ kɔnɔ hali wo, anu buyi ti fa. Hali anu sɔrɔn-den-bɛrɛ, anu si a dɔn.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Isikiyɛli 14:13

“Ile hadama-dan, ni nyamanita-mɔgɛnu ya hakɛ kɛ n na, anu ma anu telen n ye, n si anuna dɔn-fan bɛɛ halaki. N si kɔnkɔ-fitinɛ lana anu ma mɔgɛ anubɛ sogenu kunyɛ si to min tɔ.

Isikiyɛli 4:10

Tele-wo-tele, i ni dɛgɛ-munke wo yi-lafɛ-nya kelen bi ka a ma biredi la i nyɛrɛ ye. I ye telenna wo le ma, i ye kila wo le ma, fɔ wo banda kɛ.

Isikiyɛli 4:16

Wo kɔma, a ko, “Ile hadama-dan, n bi nala kilɛ tɛgɛla Yerusalɛm dɔn-fen-koe ma. Anubɛ min nɛ ye anu bolo, anu si to wo makisila ka a dɔn haminyɛ la anu bolo.

Isikiyɛli 4:17

Yi anubɛ dɔn-fannu si dasa anu ma. Mɔgɛnu yisi si tinya anu nyɔgɔn fɛ barɛ bolo. Kɛ bɛɛ ye tɛgɛla anu hakɛ le ma.”

Isikiyɛli 5:16

N si kilɛ tɛgɛ wola dɔn-fen-koe ma ka wo lakɔnkɔ. Kɔnkɛ si wo dumɛ wo buyi rɔ iko kalabɛn tenbi mɔgɛ rɔ wo ye tɔrɔla nya min.

Hoseya 4:10

Hali wo ye wo niyi sɔrɔnna sarakɛnu tɔ, kɔnkɛ ti bɔ wo la. Hali wo kira dan nyinina wo kun-da-filɛ bɛɛ la, wo ti a sɔrɔn bawo wo ara nde, Mari boloka ka bila bɛsɛnu fɛ.”

Saraka-Masɔlɛnuta Tɔnnu 26:27

“Ni wo ya wo mun tɔrɔyɛ kɛ dama kɔrɔ, ado wo yisi-gbɛlɛyanɛ ni to ka a dan-natenbi, wo ma nna tɔnnu bira,

Maika 6:14

Wo si to fannu dɔnna kɔnɔ wo ti fa. Dɔn-fannu si taran wo bolo kɔnɔ a ti wo rabɔ. Wo si wola bondɔnnu nafa dɔn-fannu na kɔnɔ kɛlɛ si a ma, wonu ta ni kolonya filili!

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.