Saraka-Masɔlɛnuta Tɔnnu 26:25 - ALLALA KUMƐ

²⁵ N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Saraka-Masɔlɛnuta Tɔnnu 26:25 Iomraidhean Croise

2 Samuwɛli 24:15

Wo le ya a ma, Mari ya kiraya-fitinɛ layigi Isirɛla mɔgɛnu kuma ka a dabira wo wulun sɔgɔmɛ ma, fɔ a wati-latɛgɛnɛ kenɛ Mari bolo. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000) le kunyɛ tora kiraya-fitinɛ wo rɔ.

1 Mansɛnu 8:33

“Isirɛla mɔgɛnu ba hakɛ kɛ i la tumɛ min, ni wo ya a ma, anu yogenu ni nɔ-ko sɔrɔn anu ma, ni anu nara bɔn kɛ la tumɛ min ka anu famayigi i ye i matara tinɛ anuna hakɛla ko la,

1 Mansɛnu 8:37

“Ni kondɔnnu anubɛ tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, ni wo ma, fui-fannu ma wa fɔsɔ ka kɛrin, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kasarɛ, hali kiraya-yogomɛ ni anu tɔrɔ, ni anu ya i matara, i ni anu makoto.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

2 Ko-Kɔrɔta-Karan 24:24

Hali Siriyanu ma siya, Mari sɔnta ko anu ni Yuda kɛlɛ-den-siyamɛnu nɔ bawo anu bara anu kan-kɔ sɔ anu benbanuta Mari Alla la. Mari ya Mansa Yohasi tɔrɔ nya min, wo le kɛ la.

Yaburi 94:1

Mari, Alla le ile la min si karagbɛlɛnu tɔrɔ. Ita fondo-bɔɛ yira anu na.

Bɔ-Koe-Iyipiti 5:3

Musa anubɛ Aruna ko, “Male Hiburunta Mari Alla ara a nyɛrɛ yira ma la. Ma ye i madiyala, i ni ma boloka. Ma ni tele sawa tagama kɛ wulɛ rɔ ka sarakɛnu bɔ mata Mari Alla ye. Ni wo ma, a si ma kunyɛ to kɛlɛ anubɛ kiraya-fitinɛ rɔ.”

Aiseya 1:20

Kɔnɔ ni wo bilara a la, fɔ wo kunyɛ wa to kɛlɛ rɔ serr! Ale Mari kan le kɛ la.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Yɛrɛmaya 19:7

Mari ko a si wole, Yuda mɔgɛnu anubɛ Isirɛla mɔgɛnu miriya bɛɛ tinya kan-tina-kelan kɛ rɔ ka a ma, wo yogenu ni wole, Yuda kɛnu faga tɛrr! A ko a si a ma, wo furinu ni ma konanu anubɛ sogenu de-nyini-fan la.

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 50:28

(Mɔgɛnu buri-kɛ-kan ye bɔla Babilɔn ka na Yerusalɛm. Anu bi ma Mari Alla tayili-sara-nya rakaranna ka a tɛgɛ a Bato-Bɔn tinya-nya ma Babilɔn kɛnu bolo.)

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 9:16

A ko a si wo ranyɛnsɛn ka wo basan sibolo-gbɛrɛnu na pirikali! Wo si taran sibolo-gbɛrɛnu tɛma, hali wo benbanu ma minnu lɔn. A ko a si wo yogenu natugu wo kan ma ha wo damasi ni ban fagala.

Nimisa Koe 2:21

A fonike wo, a kinan wo, bɛɛ furi-bolokanɛ ye belenna da-wo-da soe burɔ. Ma yogenu bara ban mala fonikenu tasɔgɔ-sɔgɔla faan la. Ita diminya-belebele le ya a ma, ma yogenu ya ma boso.

Isikiyɛli 14:17

“Tumado, n si kɛlɛ lana anu ma. N si kɛlɛ-kɛ-fen-yogomɛnu nana minnu si mɔgɛnu anubɛ sogenu wara-koe ka-a-la.

Isikiyɛli 20:37

“N si anu mara a kilɛ fɛ alako anu ni mala sarama-kan to a gbɛ rɔ.

Isikiyɛli 29:8

Woletɔ nde, wo Tigi Mari ye a fɔla anu ye ko n si a ma, mɔgɛnu ni na anu kɛlɛ faan la. Ala mɔgɛ anubɛ ala kolo-fan dama kunyɛ si to-a-rɔ.

Isikiyɛli 33:2

“Ile hadama-dan, n ba na kɛlɛ la nyamanɛ do rɔ tumɛ min, min bi mala, wo fɔ ila mɔgɛnu ye. Nyamanita-mɔgɛ wonu si mɔgɛ do yabɔ alako wo ni ma kila-kandannɛ la.

Isikiyɛli 5:17

N si kɔnkɛ anubɛ sogo-feremɛnu natuntun wola dannu ma. N si kɛlɛ anubɛ kiraya-fitinɛ lana wo kuma. Nde, Mari kan le kɛ la, yɔ!”

Isikiyɛli 6:3

A fɔ anu ye ko anu ni anu tole masɔ nde, Mari kuman-kan la. A kɔnkɔ-layan-ba wo, a gburukulu wo, a folo wo, a lɛɛ wo, anu ni anu tole masɔ nde, anu Tigi Mari Alla kan la. Mɔgɛnu bi bɛsɛnu kɔla kan minnu tɔ anu tɛma, n bi kɛlɛ lanala ka nyɔnu halaki.

Hoseya 11:6

Kɛlɛ si wola soe tarɛ don-dɛnu keri ka wola soenu ban fegba! N si wole nta mɔgɛnu tɔrɔ bawo wo miri ko wo ye tonyɛ le tɔ.

Saraka-Masɔlɛnuta Tɔnnu 26:6

“Wo si kinɔgɔ wo fanbolo. Mɔgɔ-wo-mɔgɔ ti ke wo makilanna. N si sogo-yogomɛnu nabɔ wola nyamanɛ rɔ. Wo ti kɛlɛ sɔrɔn tun wola nyamanɛ rɔ.

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

Habakuku 3:5

I si kiraya-fitinɛ lata i yarɔ. Sayɛ si ile sagaran.

Yilan-Yilan Koe 14:12

N si min ma gbɛ, n si kiraya-fitinɛ layigi anu kuma ka anu damasi lato dogbe! Kɔnɔ n si ile, Musa ma bɔnsɔn-kunyɛ la, bɔnsɔn min kolo, ado anu tagbɛlɛ ka tenbi bɔnsɔn kɛnu na!”

Yilan-Yilan Koe 16:49

Mɔgɛ minnu fagara Kora fɛ, ni anu ma wonu sa mɔgɛ kɛnu kuma minnu fagara kiraya-fitinɛ bolo, mɔgɛ kɛnu yatɛ si ma mɔgɔ waga tan-ni-nani mɔgɔ kɛmɛ wɔrɔnfila (14,700) la.

Yilan-Yilan Koe 31:3

Musa ya a fɔ Isirɛla mɔgɛnu ye ko, “Wo ni wo rabɛn Midiyan mɔgɛnu kɛlɛ-koe la ka ma tayili sara Marita sɛnbɛ la.

Luka 21:11

Dugu-yɛrɛyɛran si kɛ anubɛ kɔnkɔ-fitinɛ anubɛ kiraya-fitinɛnu kan tina siyaman tɔ. Ko-makilannɛnu anubɛ tamasere-wɛnu si kɛ san-kole rɔ fanan.

Tɔn-Fɔɛ-Fila-Nyɔgɛ 28:21

A si kiraya-kuntan bɛɛ lana wo kuma. Hali mɔgɔ-den-kelen-bɛrɛni kɛndɛ ti to lanyiri-nyamanɛ rɔ.

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 32:41

Mari ko a si ata faan dɛ lasa alako telenbagayɛ ni to wole anubɛ wo yogenu tɛma. A si wo tayili sara wo yogenu na ka a yogenu tɔrɔ ale ma di minnu ye.

Kɛlɛ-Kurugbɛnu 15:11

Yuda bɔnsɔn-mɔgɔ waga sawa tara Samsin taran Itam faran la. Anu ya a fɔ a ye ko, “I wara nfen ma ma la kɛ la? I ma a lɔn ko ma ye Filisitinu denu kɔrɔ, wa?” Samsin ya a fɔ anu ye ko, “N ya a ma Filisiti wonu na le dɔrɔn iko anu ya a ma n na nya min.”