Saraka-Masɔlɛnuta Tɔnnu 26:22 - ALLALA KUMƐ

²² N si sogo-feremɛnu nana wo tɛma. Wonu si to wola dannu fagala. Anu si wola kolo-fannu kasara. N si wo madɔgɔya hali wola kila-kunyɛ na si kolonya fiyon!

Saraka-Masɔlɛnuta Tɔnnu 26:22 Iomraidhean Croise

2 Mansɛnu 17:25

Asiriya wonu sigira Samariya tumɛ min, anu ma sɔn Mari batola. Wo le ya a ma, Mari ya yarɛnu natugu anu ma. Wonu ya mɔgɛ donu faga anu tɔ.

2 Mansɛnu 2:24

Nɛbi Ilaisa ya a tintan ka a yɛ wuya a rɔ. Wo kɔma, a ya anu danka Mari tɔgɛ rɔ. Tiriyante wo rɔ, sogo-ferema fila bɔra anu burila firɛ rɔ ka na kemini-mɛsɛ mɔgɔ bi-nani ani mɔgɔ fila (42) mafarafara.

2 Ko-Kɔrɔta-Karan 15:5

Wo sa Allata tɔn kɔrɔ tumɛ min, mɔgɔ-wo-mɔgɔ ti yigi-ni-yɛlɛ kɛ bawo yisi-kimɛ sa nyamanɛ wo fenfen tɔ wati wo rɔ.

Aiseya 24:6

Woletɔ Alla ara dugi danka ka mɔgɛnu sara anuta ko-yogomɛla ko la. Minnu bara to anu niyi la, donu bi tola bɔla wonu na.

Aiseya 33:8

Hali kila-wɛnu, mɔgɛ ti tenbi nyɔ ka a tɛgɛ bumali-kɛlɛnu ma. Lanyirinu kirinɛ nyamanɛnu tɛma fu! Mɔgɔ-wo-mɔgɔ ti to gbiliyɛ rɔ tun.

Yɛrɛmaya 15:3

Mari ko a si kasara-su nani natugu wole, Yuda kɛnu kan ma. A ko a si kɛlɛ lana min si wo lato. Wo kɔma, a si wulinu nana minnu si wo furi sagan. Wo kɔma, a si konanu anubɛ firarɔ-sogenu nana minnu si furi wonu tafarafara anu dɔn-tinɛ.

Yɛrɛmaya 42:2

Anu ya a fɔ n ye ko, “I yandi, ma ye i manyinikala min na, wo kɛ ma ye. Male min tonɛ, i ni mata Mari Alla madiya ma ye. I ma a yen, fɔlɔ nun ma siya kɔnɔ kaka, ma ara dɔgɔya.

Nimisa Koe 1:4

Kilɛnu bi dila bawo mɔgɔ-wo-mɔgɔ sa na tina batoli-kɛ-tinɛ Bato-Bɔn la tun. Mɔgɔ-wo-mɔgɔ sa a yɛ masala Bato-Bɔn don-dɛnu ma tun. Woletɔ saraka-masɔlɛnu bi dila anu sigi soenu tɔ. Sunkurɔn minnu bi sigi sala Bato-Bɔn la nun, wonu tɔrɔni kati! Soe ye tɔrɔya-belebele le tɔ.

Isikiyɛli 14:15

“Tumado n si sogo-feremɛnu natugu nyamanɛ wo ma ka mɔgɛnu wara-koe ka-a-la. Nyamanɛ wo ma si kilan, mɔgɔ-wo-mɔgɔ ti sisi tala nyɔ.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 33:28

N si nyamanɛ wo tii mɛmɛ! Anu wasinɛ anuna fanka min tɔ, wo bɛɛ si ban feu! Isirɛla kɔnkɛnu ma si kilan ha mɔgɛ ti sisi tala anu tɔ.

Isikiyɛli 5:17

N si kɔnkɛ anubɛ sogo-feremɛnu natuntun wola dannu ma. N si kɛlɛ anubɛ kiraya-fitinɛ lana wo kuma. Nde, Mari kan le kɛ la, yɔ!”

Saraka-Masɔlɛnuta Tɔnnu 26:6

“Wo si kinɔgɔ wo fanbolo. Mɔgɔ-wo-mɔgɔ ti ke wo makilanna. N si sogo-yogomɛnu nabɔ wola nyamanɛ rɔ. Wo ti kɛlɛ sɔrɔn tun wola nyamanɛ rɔ.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Tɔn-Fɔɛ-Fila-Nyɔgɛ 32:24

Kɔnkɔ-fitinɛ anubɛ kiraya-yogomɛnu si wo faga. Mari si sogo-feremɛnu nana wo kan ma minnu si wo dɔn. A si duguma-fen-maralamɛnu natuntun wo ma minnu si wo kin.

Kɛlɛ-Kurugbɛnu 5:6

“Anatila den Samiga anubɛ Yeyɛlita wati rɔ, mɔgɛnu ti sisi bɔla kila-wɛnu fɛ fɔ kila-nɛnu.