Saraka-Masɔlɛnuta Tɔnnu 26:19 - ALLALA KUMƐ

¹⁹ Ni wo ya wo nyɛrɛ kɔrɔbi, n si na n bɔ wo kɔrɔ. N ti bandɛ lana wo ye woletɔ wola duginu si gbɛlɛya iko fara-kole.

Saraka-Masɔlɛnuta Tɔnnu 26:19 Iomraidhean Croise

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 8:35

“Ni i ya filiyan sɔ kamasɔrɔn ila mɔgɛnu bara hakɛ kɛ i la, ni anu ya anu ya-lamunun kan tinɛ kɛ la ka anu sɔ anuna hakɛ la,

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 25:11

Alla si anu mayɛlɛn ka anu digin dugi la iko mɔgɛ tenbi a maminna dumɛ tɛma.

Aiseya 26:5

Minnu wasinɛ, a si wonu makimɛ. Anu siginɛ so-latankanɛ minnu tɔ, a si wonu kasara. A si wola tara-layan-bɛ labui gbangban rɔ.

Aiseya 28:1

Isirɛla kantɔ-nyamanɛ ye nala kasarala. Anuna gbiliyɛ ye nala fɔsɔla iko kɔn-fere minnu bi anuna mɔgɔ-ba-gbɛɛtoenu kunyɛ rɔ. Hali sɛnti-suma-diyamɛ kɛnɛ anu kunyɛ rɔ, ado anu wasinɛ, anu malɔfɔkɔrɔyanɛ sanɛ gbɛɛ bolo.

Yɛrɛmaya 13:9

a si wole, Yerusalɛm so-burɔ-mɔgɛnu anubɛ Yuda nyamanita-mɔgɛ toe bɛɛta wasinteyɛ ma iko kura-kore wo.

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Isikiyɛli 24:21

a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Isikiyɛli 30:6

“Nde, Mari ko ka a bi Migidɔli soe kan tɔ ha ka ke Asuwan soe dugu la, Iyipiti kɛlɛ-den-masannɛ bɛɛ kunyɛ si to-a-rɔ. Iyipiti kɛlɛ-den-wasinɛ bɛɛ kunyɛ si to kɛlɛ wo rɔ. Nde, wo Tigi Mari ara ban kɛ fɔla.

Isikiyɛli 33:28

N si nyamanɛ wo tii mɛmɛ! Anu wasinɛ anuna fanka min tɔ, wo bɛɛ si ban feu! Isirɛla kɔnkɛnu ma si kilan ha mɔgɛ ti sisi tala anu tɔ.

Isikiyɛli 7:24

Sibole minnu wunduyogo hoo, n si wonu natugu wo ma ka wola bɔnnu bi wo bolo. Sibolo-gbɛrɛnu ba wola bato-tinɛnu natinya, n si a ma, wola kolo-gbɛlɛnu yigi si tɛgɛ gbede!

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Luka 4:25

“Wo ni wo tole masɔ. Tonyɛ le, Nɛbi Ilayata wati rɔ, kɛɛ-musi siyaman bi Isirɛla mɔgɛnu tɛma nun. Bandɛ ma na san sawa anubɛ a tala tumɛ min, kɔnkɔ-fitinɛ donta dugi wo bɛɛ rɔ.

Tɔn-Fɔɛ-Fila-Nyɔgɛ 11:17

Ni wo ya wo ma, Mari si diminya wo ma. A si a ma worɔ, banda ti na. Dugi si gbala kerrkerr! Hali dugi wo kin a nya su bɛɛ ma, a ti mɛ wo si faga nyɔ.

Tɔn-Fɔɛ-Fila-Nyɔgɛ 28:23

San-kole ma si tɛgɛ. Wola dugi si gbɛlɛya iko fara-kole.

1 Samuwɛli 4:11

Min tenbira wo la, Filisitinu ya Allata tɔn-kenkirɛ bi anu bolo. Ilayila den-kemini filɛ, Hɔfini anubɛ Finihasi, wonu kunyɛ tora kɛlɛ wo rɔ.

1 Samuwɛli 4:3

Isirɛla kɛlɛ-den-toe minnu tora, wonu nara dagɛ rɔ tumɛ min, Isirɛla mɔgɔ-banu ya anu manyinika ko, “Nfenna Mari sɔnta ko Filisitinu ni ma nɔ bi? Min fisa, ma ta Marita tɔn-kenkirɛ bi Sailo ka na a la. Tumado ni wo ye ma fɛ, Mari si ma lakisi ma yogenu ma.”