Saraka-Masɔlɛnuta Tɔnnu 26:16 - ALLALA KUMƐ

¹⁶ n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Saraka-Masɔlɛnuta Tɔnnu 26:16 Iomraidhean Croise

1 Mansɛnu 8:37

“Ni kondɔnnu anubɛ tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, ni wo ma, fui-fannu ma wa fɔsɔ ka kɛrin, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kasarɛ, hali kiraya-yogomɛ ni anu tɔrɔ, ni anu ya i matara, i ni anu makoto.

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yobu 20:25

Kalabɛn min bi tenbila a fɛrɛ-bɔnkɛ rɔ, yele si tinti wo sungban la. Kumakɔɛ si kɛ a ma.

Yobu 31:8

ado ni wo ara ma nun, alamɛ Alla ya a ma, nna ki-fannu ni tinya pɔsɔkɔ! Ni wo ma, alamɛ mɔgɔ-gbɛrɛkɛ ya nna ki-fannu dɔn n kɔma.

Yaburi 109:6

Kiti-tɛgɛla-radunɛ do yabɔ ka wo ma n yogela kiti-tɛgɛlɛ la. Ale fanan yoge do ni sɔ a la.

Yaburi 73:19

Anu si halaki tiriya! Anu na si to kumakɔɛ bolo.

Yaburi 78:33

Woletɔ a ya anu natunu yen, iko ni-lafɛ kelan. A ya anu nato kasara-boloko-yogomɛ la.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Hɛnkilimaya-Kumɛnu 3:33

Mari si dankɛ ladon karagbɛlɛnuna bɔn la kɔnɔ a si duwɛ layigi mɔgɔ-telennɛnu barɛ.

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 7:2

A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.

Yɛrɛmaya 12:13

Mɔgɛnu si fui-fan fui kɔnɔ anu ti fenfen tɛgɛ binyɛ kɔma. Anu si wusi tirindi kɔnɔ ko-wo-ko ti bɔ anu tɔrɔ-gbɛ wo rɔ. Anu si miliya anuna dɔn-fen-sɔrɔnbɛlitayɛla ko la kɔgɔrɔyɔlɔ! N yisi-bɔɛ le ye a mala, kɛ dama ye nala sigila anu ma.”

Yɛrɛmaya 15:3

Mari ko a si kasara-su nani natugu wole, Yuda kɛnu kan ma. A ko a si kɛlɛ lana min si wo lato. Wo kɔma, a si wulinu nana minnu si wo furi sagan. Wo kɔma, a si konanu anubɛ firarɔ-sogenu nana minnu si furi wonu tafarafara anu dɔn-tinɛ.

Yɛrɛmaya 15:8

Wole Yuda musu-siyaman si foo wola keinu na. A ko kɛɛ-nyaganɛ si siyaya ka tenbi ba-kɛnkɛn la. A ko a si kasarɛ lana tele-latelen-wati wole, Yuda kemini-mɛsɛnu kan ma. A ko kɛ si kilan anubɛ dumɛ lana anu nanu kuma.

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 5:17

Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Isikiyɛli 24:23

Wo kun-nakolɔn ti to anubɛ wo kin-takolɔn ti to fanan min si a yira mɔgɛnu na ko diyi ye wo yisi rɔ. A ko wo si bara ka a tɛgɛ wo hakɛnu ma, ado wo si to gbɛngbɛrɛnna wo nyɔgɔn ma.

Isikiyɛli 33:10

Mari ya a fɔ n ye ko, “Ile hadama-dan, Isirɛla mɔgɛnu bi min fɔla, ile ni anu hɛnkili bila wonu na tun. Anu bi a fɔla ko anu kɔndɔfilinɛ anu hakɛla ko la. Anu bi a fɔla fanan ko anu bi tola kasarala anuna hakɛla ko la. Anu ko anu si ke belila kama gbɛ?

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Maika 6:15

Wo si wola suginu fui kɔnɔ wo ti wo fenfen tɛgɛ kɛlɛ bolo. Wo si tulinu bɔ kɔnɔ wo ti tɔnɔ sɔrɔn anu tɔ. Wo si wola nɔnbɔ-gbɔɛnu burun kɔnɔ wo ti anu yinu min.

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Sakaraya 14:12

Sibolo-wo-sibolo ya Yerusalɛm soe kɛlɛ a kɔrɔmɛ la, Mari si kiraya-fitinɛ lana wonu kuma. Anu kɛndɛ si to, anu bi tuluna. Anu yɛ si tuli anu ya-denkɛ rɔ. Anu nagan si tuli anu dɛ rɔ.

Malakayi 2:3

A ko ka a tɛgɛ wo sɔn ma, a si wola dannu tɔrɔ. Wo ye kolo-fan minnu mala sarakɛnu na, a ko a si wo yakɔrɛ digin sarakɛ wonu nyɛ rɔ. Anu si wo bi ka wo lakɛ a rɔ nyɛ-rawuya-tinɛ.

Tɔn-Fɔɛ-Fila-Nyɔgɛ 28:51

Anu si wola kolo-fannu anubɛ wola sɛnita-fannu bi wo bolo. Kɔnkɛ si wo faga. Wola fui-fen wo, wola ki-fen wo, wola kolo-fen wo, anu si wo bɛɛ bi wo bolo. Wo ye fagala wo nya na le.

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.

Hiburunu 10:31

Ka don Alla nimɛ bolo tɔ, ko-makilanni-ba le wo la!

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

1 Samuwɛli 2:33

Kɔnɔ anu kelen-kelan minnu bi tola, wonu si to i yakɔrɔ-mamɔla ha i yigi ni tɛgɛ. Anu si to kerila a ma fonikeyɛ rɔ.”