Saraka-Masɔlɛnuta Tɔnnu 26:13 - ALLALA KUMƐ

¹³ N nara wo la ka bɔ Iyipiti alako wo kana ma yɔɔnnu na tun. N bara wo kunyɛ bɔ gbaran rɔ ka wo hɔrɔya. Wo ye tagamana iko dunu-gbilimɛ wa bɔ mɔgɛ min kuma.”

Saraka-Masɔlɛnuta Tɔnnu 26:13 Iomraidhean Croise

Yaburi 116:16

E, Mari, ita wɔli-kɛlɛ le nde la. N wɔlita i ye iko n na wɔlita i ye nya min. I wara n nakanan sayɛ ma.

Bɔ-Koe-Iyipiti 14:8

Isirɛla mɔgɛnu bɔra Iyipiti nyamanɛ rɔ yisi-latɛgɛ rɔ Alla baraka rɔ kɔnɔ Mari ya ale Iyipiti mansɛ yisi gbɛlɛya tun ha anu ya Isirɛla mɔgɛnu sagaran.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 51:23

A ko a si yi-lafɛ wo di wo tɔrɔlɛnu ma, anu denu minnu ya wo boloka belenna lu-kolenu ma, kɔni. Anu denu denu taranta wo ratɛntɛnna iko bore.

Aiseya 9:3

E, Mari, i wara anu sewa-koe kɛ anu ye. I wara min ma anu ye, wo ara a ma, anu bara nyagalen dɔgɔma-ma-de iko fui-fen-tɛgɛlɛnu. Ni wo ma, iko kɛlɛ-dan bi fan minnu sɔrɔnna kɛlɛ rɔ, anu tenbi wonu farala.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 28:2

Hananaya ko Mari Sɛnbɛ-Bɛɛ-Tigi, Isirɛlata Alla ko a ara Babilɔn mansɛ latinya.

Yɛrɛmaya 28:4

Nɛbi Hananaya ko Mari si sɛgi Yahoyakimna den Yuda Mansa Yɛhoyasin anubɛ Yuda mɔgɔ-birani-kɔrɛnu na fanan. A ko Mari ko a si ale Babilɔn mansɛ latinya pɔ!

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Isikiyɛli 34:27

Anuna kɔlɔmanu si gbɔ, anuna sɛnɛnu si sabati. Bɛɛ si sigi a halala-dugi rɔ lafɛrɛ rɔ. N ba yɔlɔkɛnu tatɛgɛ nta mɔgɛnu ma tumɛ min ka anu hɔrɔya yɔɔn-tiginu ma, anu bi a lɔnna wo le ma ko Mari le nde la.

Hoseya 11:4

N ya wo madon n na kinikinɛ anubɛ keninteyɛ la ka wo sigi n kian kuma ka wo mayɛgɛyɛgɛ. N ya n mayigi wo ye ka wo de-nyini.

Saraka-Masɔlɛnuta Tɔnnu 25:38

Nde, Mari Allata tɔn le kɛ la min siginɛ wo kuma bawo nde le ya wo labɔ Iyipiti nyamanɛ rɔ ka Kenan nyamanɛ di wo ma alako n ni ma wota Alla la.

Saraka-Masɔlɛnuta Tɔnnu 25:55

N bi a fɔla wo ye, Isirɛla mɔgɔ ti ma yɔɔn la mumɛ bawo nde, Mari le nara wo la ka bɔ Iyipiti nyamanɛ rɔ ka wo ma nta yɔɔnnu na. Wo tigi Mari Alla le nde la.”

Nehami 1:13

A ko a si Yuda mɔgɛnu kunyɛ bɔ wota Asiriya mansa-masibɛ kɔrɔ ka yɔlɔkɛnu tatɛgɛ, anu kirinɛ minnu na.