Saraka-Masɔlɛnuta Tɔnnu 24:19 - ALLALA KUMƐ

¹⁹ “Ni min ya a ta-nyɔgɛ kan-tinɛ do magba, anu si wo tayili sara a la ka ale fanan magba.

Saraka-Masɔlɛnuta Tɔnnu 24:19 Iomraidhean Croise

Bɔ-Koe-Iyipiti 21:23

Kɔnɔ ni ko tinyanta musu-kolomɛ wo ma, wo si a tayili sara. Ni min ya niyi bɔ, wo ni wo niyi bɔ.

Bɔ-Koe-Iyipiti 21:24

Ni min ya yɛ tii, wo ni wo fanan yɛ tii. Ni min ya nyin keri, wo si wo fanan nyin keri. Ni a ya min ma a bole la, wo ni wo ma ale fanan bole la. Ni a ya min ma a kian la, wo ni wo ma ale fanan kian la.

Bɔ-Koe-Iyipiti 21:25

Ni a ya a mamintan, wo ni ale fanan mamintan. Ni a ya a tanban, wo ni ale fanan tanban. Ni a ya a mukun, wo ni ale fanan mukun.

Saraka-Masɔlɛnuta Tɔnnu 24:18

Ni min ya a ta-nyɔgɛla kolo-fan faga, a ni a nyɔgɔ lasɛgi. Kɛ si ma wo kɛ-nya la gbɛ, niyi si sara niyi la.

Saraka-Masɔlɛnuta Tɔnnu 24:20

Ni min ya a ta-nyɔgɛ kole rakeri, anu si ale fanan kole keri. Ni min ya a ta-nyɔgɛ yɛ tii, anu si wo fanan tayili sara ka ale fanan yɛ tii. Ni min ya a ta-nyɔgɛ nyin do keri, anu si wo fanan tayili sara a la ka atɛ keri. Ni min ya a ta-nyɔgɛ tanban nya min, wo ni ale fanan tanban wo nya na le.

Matiyu 5:38

“Wo ara a lamɔɛn nun ko, ‘Yɛ-nyɔgɔn le yɛ la. Nyin-nyɔgɔn le nyin la.’

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Tɔn-Fɔɛ-Fila-Nyɔgɛ 19:21

Wo kana kinikini mɔgɔ-sufa wonu ma mumɛ! Wonuta tɔrɔyɛ si ma ka le. Ni mɔgɔla tɔgɔ-sanɛ ya a ma, mɔgɛ do ni faga, anu si ale fanan faga. Ni mɔgɛ do ya a ma, mɔgɔ yɛ ni tii, anu si ale fanan yɛ tii. Ni mɔgɛ do ya a ma, mɔgɔ nyin ni keri, anu si ale fanan nyin keri. Ni mɔgɛ do ya a ma, mɔgɔ bole ra ni keri, anu si ale fanan bole rakeri. Ni mɔgɛ do ya a ma, mɔgɔ kian ra ni keri, anu si ale fanan kian rakeri.”

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.