Saraka-Masɔlɛnuta Tɔnnu 22:31 - ALLALA KUMƐ

³¹ “Mari ko wo ni ata tɔnnu bira bawo ale le wota Mari Alla la.

Saraka-Masɔlɛnuta Tɔnnu 22:31 Iomraidhean Croise

Saraka-Masɔlɛnuta Tɔnnu 19:19

“Wo ni nta tɔnnu bira. Wo kana kolo-fen subolo filɛ lamara kan tinɛ kelen. Anu kana anu nyɔgɔn yɛlɛ. Wo kana fen subolo filɛ ki sɛnɛ kelan rɔ. Wo kana kurɛ don wo kan na min nadannɛ yesekari subolo fila la.

Saraka-Masɔlɛnuta Tɔnnu 19:37

wo ni n kuman-kan anubɛ nna tɔnnu bira gben, bawo wo tigi le nde la.”

Saraka-Masɔlɛnuta Tɔnnu 22:30

Ni min ye a dɔnna le, fɔ anu ni a dɔn tele wo nyɛrɛ rɔ kɔnɔ a toe kana ki ha wo banda kɛ sɔgɔma.

Saraka-Masɔlɛnuta Tɔnnu 22:32

Mɔgɔ kana Mari tɔgɔ lafɛya. Mari ko Isirɛla mɔgɛ mumɛ bɛɛsi ni a lɔn ko ale sɛnima. Ale le wota Mari Alla la min si wo sɛninya.

Yilan-Yilan Koe 15:40

Ni wo ya a kuman-kan kɛ latɔnbagaya, wo si ma ata mɔgɔ-yabɔnɛnu na worɔ.”

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”