Saraka-Masɔlɛnuta Tɔnnu 22:23 - ALLALA KUMƐ

²³ “Ni min bi sarakɛ dila bawo a yisi-sewanɛ ye a burɔ, ni sarakɛ wo gbɛndɛnkɛlan le, wo ma yogo. Mari si sɔn de wo la. Ni a sɔgɛ ye min na, a ni ata lanyiri-kanbali-sarakɛ bɔ, a kana kɛ sufa kolo-fan di Mari ma.

Saraka-Masɔlɛnuta Tɔnnu 22:23 Iomraidhean Croise

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Saraka-Masɔlɛnuta Tɔnnu 21:18

Kɔnɔ fiyɔn wo, namarɛ wo, fɛɛ sanɛ min yakɔrɔ denkɛ la wo, anubɛ min fɛrɛ lasɔlɔni ma iko mɔgɛ doinu bi nya min, Mari ko wonu kana saraka-masɔ-wɔlɛ kɛ.

Saraka-Masɔlɛnuta Tɔnnu 22:22

Mari ko ma kana kolo-fan di a ma min fiyɔn, anubɛ min bi a tonkanna, anubɛ fɛɛ sanɛ min fɛrɛ kan-tinɛ do la. Fɛɛ kɛ sufa ye kolo-fan minnu na, wo kana wonu ma saraka-dɔntɛ la mɔgɛnu ye.

Saraka-Masɔlɛnuta Tɔnnu 22:24

Mari ko wo kana kolo-fen-tɛgan di a ma, ni mɔgɛ le ya a tɛgɛn, ka, ni ko-dogbɛrɛ ni a ma, a ni tɛgɛn. Mari ko a ti sɔn wo la.

Malakayi 1:8

Wo taranta kolo-fen-fiyon minnu dila a ma sarakayɛ la, wo kin? Wo taranta kolo-fen-namarɛ minnu dila a ma, wo kin? Wo taranta kolo-fen-kirɛ minnu dila a ma, wo kin? Nba, wo ni wo to wonu sufa dila wola mansɛnu ma, wa, ni anu si sewa wo la. Wo ye nyinina minnu ma mansɛ wonu bolo, anu si wonu di wo ma?

Tɔn-Fɔɛ-Fila-Nyɔgɛ 15:21

Ni fɛɛ ye kolo-fan kɛ do kian la wo, ni a yɛ tinyanɛ wo, ni fɛɛ-gbɛrɛkɛ ye a la wo, wo kana wo ma sarakɛ la wota Mari Alla ye.

Tɔn-Fɔɛ-Fila-Nyɔgɛ 17:1

Fɛɛ ye kolo-fan minnu na, wo kana wonu ma sarakɛ la wota Mari Alla ye. Mari gboyana-koe le wonu na. Wonu ma di a ye muk!