Saraka-Masɔlɛnuta Tɔnnu 21:15 - ALLALA KUMƐ

¹⁵ Kɔnɔ ni a ya musi sufa kɛnu furu, anu bi dan min sɔrɔnna, wonu ti sɛninya Mari yala. A bɛnta, anu ni ma mɔgɔ-sɛnimɛnu na Mari yala. Mari le ya ale yabɔ ka a sɛninya a nyɛrɛ ye ka ma saraka-masɔla-kun-tigi-wɛ la.

Saraka-Masɔlɛnuta Tɔnnu 21:15 Iomraidhean Croise

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ɛsira 9:2

Isirɛla keinu bi musinu furula sibolo-gbɛrɛ kɛnu tɔ. Anu ya wo ma min kɛ, wo le wara a ma, male Allata mɔgɛnu na ara tinya, ado kun-tiginu anubɛ mɔgɔ-banu denu fɔlɔn ya ko-yogomɛ-kɛ dabira.”

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Saraka-Masɔlɛnuta Tɔnnu 20:7

Wo sɛninyanɛ ni to bawo ale le wota Mari Alla la min ya kɛ fɔ wo ye.

Saraka-Masɔlɛnuta Tɔnnu 21:16

Musa ya Mari kuman-kan latenbi Aruna ma iko a ya a fɔ a ye nya min ko, “Ni fɛɛ ye mɔgɛ minnu na Aruna bɔnsɔn rɔ, wonu ti saraka-masɔ-wɔlɛ kɛ. Habadan-tɔn le kɛ la.

Saraka-Masɔlɛnuta Tɔnnu 21:8

Fɔ mɔgɛnu ni anu miri saraka-masɔlɛnu ma ko anu sɛninyanɛ de bawo anu bi dɔn-fen sarakɛnu dantɛgɛla Mari ma. Ale le mata Mari Alla la. Mari Alla sɛnima, woletɔ a si ata mɔgɛnu fanan sɛninya.

Saraka-Masɔlɛnuta Tɔnnu 22:16

Mɔgɛ wo ara nanparan sɔrɔn saraka-masɔlɛ wo bolo bawo a ya min dɔn fɔ a wa wo nyɔgɔ sara ka do sa a kuma. Nde le wota Mari Alla la min ya sarakɛ kɛnu sɛninya wole ye.”

Malakayi 2:11

Wole Yuda kɛnu bara lanyiri tinya Alla wara la ka ko-yogoma-belebele do ma Yerusalɛm soe burɔ. Wo ma a ma nyɔ dɔrɔn tɔ. Wo ya a ma wola nyamanɛ mumɛ le tɔ! Wole Yuda kɛnu bara Bato-Bɔn wo latinya bawo wo ara sibolo-gbɛrɛ-musinu furu, ado musi wonu bi bɛsɛnu kɔla. Bato-Bɔn wo di ale Mari ye de!

Malakayi 2:15

Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

Matiyu 23:17

Wole fiyɔn kuntannu! Nyamintan tenbira a ta-nyɔgɛ la, sɛnɛ, ka, Alla-Bato-Bɔn min bi sɛnɛ wo sɛninyala?

Romu 11:16

Ni biredi-kundu-fɔlɔtɛ dira Alla ma sarakayɛ la, a toe mumɛ bɛɛ ara ma atɛ la fanan, ado ni kɔn-suli dira Alla ma, atɛ le a bolɔn fanan na.

1 Kɔrɛnti 7:14

N bi wo fɔla bawo dɛnkɛninya-musi si sɛninyɛ lana ala kei-wara-sigi rɔ. Dɛnkɛninya-kei fanan si sɛninyɛ lana ala furi rɔ. Ni a sa wo nya, anuna dannu si ma iko Alla-lɔnbɛlɛnuta dannu. Ka a tɛgɛ dɛnkɛninya-mɔgɛ wo ma, dan wonu bara dantɛgɛ Alla ma worɔ.