Saraka-Masɔlɛnuta Tɔnnu 21:10 - ALLALA KUMƐ

¹⁰ Kɔnɔ saraka-masɔlɛ, tuli ara kɛ min kunyɛ rɔ nun, kɔni, anubɛ saraka-masɔ-duruku-ba-wɛ ara don ale min kan na nun, Mari ko saraka-masɔla-kun-tigi-wɛ le wo la. Wo tɔn-maserengbanɛ le kɛ la saraka-masɔla-kun-tigi-wɛ kɛla ko la. Ni kɛ sufa ye dila saya-koe kuma, a kana a kunyɛ ratogo-togonɛ to a kuma anubɛ ka ala duruki rafarafara a kan na iko mɔgɛ doinu bi a mala nya min di-kɛ-tinɛ.

Saraka-Masɔlɛnuta Tɔnnu 21:10 Iomraidhean Croise

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

2 Samuwɛli 15:30

Mansa Dawuda dimatoe ya Ɔlifi kɔnkɛ yɛlɛ. A salɛ yamatogonnɛ, ado a tonta-rakolɔn ye tagamana ka a yira ko a yisi tinyanɛ. Minnu damasi bilara a fɛ, wo dama kunyɛ yamatogonnɛ wo nya na le.

Ɛsita 6:12

Heman ban kɛ mala, Mɔdekɛyai sɛgira a gbɛ rɔ bolon-don-dɛ la. Kɔnɔ Heman kun-nayiginɛ burimatoe sɛgira a warɛ bɔn la yisi-magboyɛ anubɛ miliyɛ la a bolo.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Yaburi 133:2

Wo mani de iko Isirɛla mɔgɛnu ba anu nadɛn dantɛgɛ-tuli-kɛ-tinɛ Aruna salɛ rɔ nun. Tuli wo si yigi nun a buyɛ ma ha ala duruki kan ma.

Bɔ-Koe-Iyipiti 29:7

I ni dantɛgɛ-tuli do bi ka a kɛ a kunyɛ rɔ, ka a dantɛgɛ nde, Mari ma.

Isikiyɛli 24:17

ado mɔgɔ-wo-mɔgɔ kana i yen yɛlɛla a ma fekufeku! I kun-nakolɔn kana to anubɛ i kin-takolɔn kana to fanan iko mɔgɛnu si a ma nya min saya-di-kɛ tinɛ. Mɔgɔ kana a lɔn defan ko i ye di-kɛ le kun na. I kana i yakɔrɛ dogon. I kana saya-di-kɛlɛnuta fen dɔn.”

Saraka-Masɔlɛnuta Tɔnnu 13:45

“Ni saraka-masɔlɛ banta a latɛgɛla mɔgɔ-wo-mɔgɔ ma ko a ma sɛninya, kirayatoe wo si duruku-rafaranɛ don a kan na, a kana a kunyɛ rabɔ. A tenbi tala mɔgɛnu tɛma, a si kura-kundi-fugbɛ do bi ka a burun a sunyɛ anubɛ a dɛ la. A tenbi tala, a si a fɔ ko, ‘Sɛninyabɛlɛ ye nala kɔɔ, sɛninyabɛlɛ ye nala kɔɔ.’

Saraka-Masɔlɛnuta Tɔnnu 16:32

Min si sarakɛ kɛ sufa masɔ, fɔ tuli kɛnɛ min kunyɛ rɔ, a dantɛgɛnɛ Mari ma, ado a siginɛ a fa gbɛ rɔ. A si saraka-masɔla-wɛla kurɛnu don a kan na ka sarakɛ wonu masɔ.

Saraka-Masɔlɛnuta Tɔnnu 4:3

“Ni Saraka-Masɔla-Kun-Tigi ya hakɛ kɛ, Isirɛla mɔgɛ bɛɛ si wo yilikiyi sɔrɔn a fɛ. A si na tura-bulun kelen na, fɛɛ sa min na ka wo ma sarakɛ la Mari ye ata hakɛla ko la.

Saraka-Masɔlɛnuta Tɔnnu 8:12

Wo kɔma, a ya tuli kɛ Aruna salɛ rɔ ka a dantɛgɛ Mari ma.

Yilan-Yilan Koe 35:25

Anu si mɔgɔ-fagalɛ wo bi ka sɛgi a la lakisi-soe wo rɔ a bɔra kan min. A siginɛ si to soe wo burɔ ha saraka-masɔla-kun-tigi-wɛ wo ni faga tumɛ min.

Matiyu 26:65

Saraka-masɔla-kun-tigi-wɛ ya wo lamɔɛn tumɛ min, a ya ala duruki rafara diminyɛ bolo. A ko, “Tanama-kumɛ le kɛ la! Ma mako sa sereya-gbɛrɛkɛ la tun mumɛ! Wo ara ala kuma-yogomɛnu namɔɛn yan tɔ! Nba, kumɛ dan le wo la!