Saraka-Masɔlɛnuta Tɔnnu 21:1 - ALLALA KUMƐ

^1-4 Musa ya Mari kuman-kan latenbi Aruna anubɛ ala den-keminɛnu ma ko, “Mari ko wole saraka-masɔlɛnu kana ta mɔgɔ-gbɛrɛkɛ san-koe kuma, fɔ wola bonna-mɔgɛnu dɔrɔn. Ni a taranta, i fa le fagara, ni wo ma, i na, ni wo ma, i halala dannu, ni wo ma, i na-kelen-nyɔgɔ-musi minna dunɛ siginɛ i kuma, ado a ma ta wɛ kei-wara-sigi rɔ, ni wo ma, i na-kelen-nyɔgɔ-keimɛ wobɛ min bi fa warɛ, wo si kɛnu denu dɔrɔn saya-koe kɛ. Ni saraka-masɔlɛ min tara a kebila-mɔgɔ-gbɛrɛkɛ san-koe kuma, saraka-masɔlɛ wo sɛninyabɛlɛ si to iko tɔn ya a fɔ nya min. Hali furu-koe ye anubɛ minnu tɛma, ni wo do fagara, a kana ta wo san-koe kuma.”

Saraka-Masɔlɛnuta Tɔnnu 21:1 Iomraidhean Croise

Isikiyɛli 44:25

“Saraka-masɔla fenfen kana a gbɛrɛn furi ma bawo wo si a latinya. Fɔ ni a mara a na la, ni wo ma a fa, ni wo ma ala dan, ni wo ma a na-kelen-nyɔgɔ-keimɛ do, ni wo ma, a tirisan-musi min sa kei bolo.

Hoseya 5:1

“Wole saraka-masɔlɛnu, wo ni wo tole masɔ. Wole Isirɛla kun-tiginu, wole fanan ni wo tole masɔ. Wole min bi mansa-bɔn la, wo ni wo tole masɔ. Wo si kiti sɔrɔn bawo a bɛnta, wo ni kiti sa telenbagayɛ la nun. Wo ye bɛsi minnu kɔla Misipa soe burɔ, wo mara gbɛrɛ la mɔgɛnu ye. Wo ara ma donsoya-yalɛ la Tebɔ kɔnkɛ kuma.

Saraka-Masɔlɛnuta Tɔnnu 19:28

Anu bi anu fɛrɛ masɛbɛla ka anu fɛrɛ matɛgɛtɛgɛ di-kɛ-tinɛ. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 21:11

Mari ko ni saraka-masɔla-kun-tigi-wɛ min bi ata wɔlɛ kɛla Marita Fani-Bɔn la, ni wo ya saya-koe lamɔɛn, hali a mara a fa ani fila a na le la, Mari ko a kana ta. Bawo ale dantɛgɛnɛ Mari ma, a kana a nyɛrɛ anubɛ Marita Fani-Bɔn latinya Mari yala. Ale le mata Mari Alla la min ya wo fɔ.

Malakayi 2:1

Mari Sɛnbɛ-Bɛɛ-Tigi ye a fɔla saraka-masɔlɛnu ye ko tɔn kɛ ye wola ko la.

Malakayi 2:4

A ko wo le si a ma, wo ni a lɔn yati, ko ale le wara tɔn kɛnu di wo ma. A ye wo dama mala le alako a ara sarama-kan min kiri wole saraka-masɔlɛnu ye Lifayi bɔnsɔnnu, kɔni, wo kana tinya.

Yilan-Yilan Koe 19:11

“Mɔgɔ-wo-mɔgɛ min bi a bole tugula furi la, wo tigi ma sɛninya tele wɔrɔnfila kɔrɔ iko tɔn ya a fɔ nya min.

Yilan-Yilan Koe 19:14

“Ni mɔgɛ do fagara a nyɛrɛta fani-bɔn la, mɔgɛ min bɛɛsi ye fani-bɔn wo la anubɛ min bi tala a kunyɛ ladonna bɔn wo la, wonu fenfen ti sɛninya tɔn bolo tele wɔrɔnfila kɔrɔ.

Yilan-Yilan Koe 19:16

Wo kɔma, mɔgɔ-sɛninyanɛ si kɔlɔma wo bi ka a sɔ nde, Marita sɛninya-yi wo rɔ ka wo pusen fani-bɔn wo ma anubɛ mɔgɛ minnu bi bɔn wo burɔ anubɛ bonna-miran bɛɛsi. A tele wɔrɔnfila nyɔgɛ wo ma, mɔgɔ-sɛninyabɛlɛ wo si ala kurɛnu ku ka a bagbuyi fanan ku. Tele-kolo-wulan wati wa tenbi, a si sɛninya. “Ni mɔgɛ ya a bole tugu a hadama-den-nyɔgɛ furi do la hali min fagara a nyɛrɛ ma, ni wo ma, min fagara setanɛ bolo, wo tigi ma sɛninya. A hadama-den-kole wo, a kaburu-kɔrɛ wo, ni a bole tugura wo fenfen na, wo tigi fanan ma sɛninya tele wɔrɔnfila kɔrɔ. Mɔgɛ min sɛninyanɛ si nde, Marita yi-sɛnimɛ wo bi ka a pusen mɔgɔ-sɛninyabɛlɛ wo ma kɔlɔma la.

Yilan-Yilan Koe 5:2

“A fɔ Isirɛla mɔgɛnu ye ko ni kiraya-yogomɛ ye mɔgɛ minnu fɛrɛ ma, kei wo, musi wo, hali kirayɛ min si dɛɛ labɔ mɔgɔ yatelenmɛ ma, wo ni mɔgɛ wo bɔ dagɛ rɔ nde, Mari ye nta mɔgɛnu fɛ kan min. “Ni mɔgɛ do ya a bole tugu furi la, wo fanan tigi ni bila anu fɛ ka ta dagɛ kɔma kamasɔrɔn anu sɛninyani ma iko tɔn ya a fɔ nya min. Ni wo ma, anu si dagɛ latinya.”

Yilan-Yilan Koe 6:6

“A kun-sigi-latonɛ wo si a yira ko mɔgɛ wo dantɛgɛnɛ Mari ma. A kana a gbɛrɛn furi ma, a mara a fa la wo, a na la wo, a kɔrɔ la wo, hali a dɔgɛ kamasɔrɔn a ye wo lanyiri kɔrɔ. A dantɛgɛnɛ Mari ma ata wati bɛɛ rɔ.