Saraka-Masɔlɛnuta Tɔnnu 20:7 - ALLALA KUMƐ

⁷ Wo sɛninyanɛ ni to bawo ale le wota Mari Alla la min ya kɛ fɔ wo ye.

Saraka-Masɔlɛnuta Tɔnnu 20:7 Iomraidhean Croise

Saraka-Masɔlɛnuta Tɔnnu 11:44

Nde le wota Mari Alla la min bi a fɔla wo ye ko, ‘Wo ni wo nyɛrɛ mara sɛninyɛ rɔ bawo nde sɛnima.

Saraka-Masɔlɛnuta Tɔnnu 11:45

N ya wo labɔ Iyipiti nyamanɛ rɔ alako n ni ma wota Alla la. Wo ni ma mɔgɔ-sɛnimɛnu na iko nde, Mari.’

Saraka-Masɔlɛnuta Tɔnnu 21:15

Kɔnɔ ni a ya musi sufa kɛnu furu, anu bi dan min sɔrɔnna, wonu ti sɛninya Mari yala. A bɛnta, anu ni ma mɔgɔ-sɛnimɛnu na Mari yala. Mari le ya ale yabɔ ka a sɛninya a nyɛrɛ ye ka ma saraka-masɔla-kun-tigi-wɛ la.

Saraka-Masɔlɛnuta Tɔnnu 21:23

Mari ko bawo fɛɛ ye mɔgɔ sufa kɛnu na, woletɔ anu kana anu gbɛrɛn yorolan ma Marita Fani-Bɔn burɔ anubɛ ka anu gbɛrɛn saraka-mintan-tinɛ ma wɔli-kɛ-koe la nyɔ rɔ. Ni anu ya wo ma, anu bara ata miran-sɛnimɛnu latinya. Mari ko ale le mata Mari Alla la min ya miran wonu sɛninya ma ye.”

Saraka-Masɔlɛnuta Tɔnnu 21:8

Fɔ mɔgɛnu ni anu miri saraka-masɔlɛnu ma ko anu sɛninyanɛ de bawo anu bi dɔn-fen sarakɛnu dantɛgɛla Mari ma. Ale le mata Mari Alla la. Mari Alla sɛnima, woletɔ a si ata mɔgɛnu fanan sɛninya.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

1 Tɛsalonaika 4:3

ado Alla ye a fɛ, wo ni sɛninya nya min, wo le kɛ la. Wo ni wo matanka yɛlɛnya-koenu na feu!

1 Tɛsalonaika 4:7

Alla ma ma kele sɛninyabɛliyɛ ma fɔ sɛninyɛ.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

Yasowa 24:19

Yasowa ya a fɔ Isirɛla mɔgɛnu ye ko, “Wo ti ke Mari Alla batola bawo a sɛnima, ado a ti sɔn a senɛ ma wo bolo. Ni wo bilara a la, a ti wo hakɛnu makoto.

Yasowa 3:5

Yasowa ya a fɔ mɔgɛnu ye ko, “Wo ni wo nyɛrɛ sɛninya bawo Mari si kabana-koe kɛ ma tɛma sina.”