Saraka-Masɔlɛnuta Tɔnnu 20:6 - ALLALA KUMƐ

⁶ “Mari ko wo kana ta ke yi-kɔrɔ-fɛlɛnnɛnu ma ka hɛnkili sɔrɔn anu bolo. A ko ni min ya wo ma, a si a kan-kɔ sɔ wo tigi la. Mari ti a miri ko atɛ le wo mɔgɔ sufa la tun.

Saraka-Masɔlɛnuta Tɔnnu 20:6 Iomraidhean Croise

Yaburi 73:27

Mɔgɔ-wo-mɔgɔ ya a masɛgi ile la, wo tigi si tɔrɔ, yɔ! Ni mɔgɔ-wo-mɔgɔ ma a telen i ye, i si wo tigi halaki.

Bɔ-Koe-Iyipiti 22:17

Ni dunmusi wo fa ya a ban a dila kei wo ma, kei wo ni furu-nɔnfuli labɔ, ado dunmusi wo ti to a bolo.

Bɔ-Koe-Iyipiti 22:18

“Wo kana sɔn, suwagɛ ni to a niyi la.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Yɛrɛmaya 44:11

Woletɔ Mari Sɛnbɛ-Bɛɛ-Tigi Isirɛlata Alla ko a si wuli wo kan ma ka wole, Yuda kegeyɛ bɛɛ lato.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Saraka-Masɔlɛnuta Tɔnnu 17:10

Isirɛla mɔgɛ wo, sundan wo, ni a ya soge anubɛ a yele dɔn, Mari si diminya wo tigi ma. Mari ti a miri wo mɔgɛ ma ko atɛ le wo mɔgɔ sufa la

Saraka-Masɔlɛnuta Tɔnnu 19:26

“Wo kana sogo-suyi anubɛ a yele dɔn. “Wo kana wo nyɛrɛ don duruya-koenu tɔ.

Saraka-Masɔlɛnuta Tɔnnu 19:31

“Ni a sɔgɛ ye mɔgɛ do la ka a nyɛrɛ fɛ-koe lɔn, a kana ta ke yi-kɔrɔ-fɛlɛnnɛnu ma wa bolo-tafɛlɛnnɛnu. Ni min ya wo ma, wo tigi-sɛninyabɛlɛ si to. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 20:27

Kei wo, musi wo, ni min ya a nyɛrɛ don yi-kɔrɔ-fɛlɛn-koe rɔ, Mari ko wo ni wo tigi mabon kuri la. Wo tigi tɔgɛ si to a nyɛrɛ la.

Saraka-Masɔlɛnuta Tɔnnu 20:5

Mari si a kan-kɔ sɔ wo ko-yogoma-kɛlɛ anubɛ ala denbayɛnu na anubɛ a fɛ-sɔlɛnu. Min ya a to, a ye kɛnu fagala bawo wo mani de iko anu bara anu kan-kɔ sɔ Mari la ka anuna dannu ma sarakɛnu na Molɛki ye. Allata ma mɔgɔ sufa wonu na tun.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Kɛwɔlɛnu 16:16

Lunyɛ do, ma ye tala Alla matara tinɛ tumɛ min, mabɛ yɔɔn-sunkurɔn do bɛnta nyina-yoge ye min fɛ. Wo ara ma nya-nyini-kɛlɛ la mɔgɛ do bolo. A ya wodi siyaman sɔrɔnna a tiginu ye nya-nyini-kɛ wo fɛ.