Saraka-Masɔlɛnuta Tɔnnu 20:3 - ALLALA KUMƐ

³ Ni min ya ala dan di bɛsɛ wo ma, wo tigi ara a ma, Marita Fani-Bɔn ara kɔsɔ anuta fisiriwɔlitayɛla ko la. Wo tigi ara Mari tɔgɔ-sɛnimɛ lafɛya fanan. Mari ko a si a kan-kɔ sɔ wo tigi la, ado ata ma wo mɔgɛ la tun!

Saraka-Masɔlɛnuta Tɔnnu 20:3 Iomraidhean Croise

Bɔ-Koe-Iyipiti 30:33

Ni min ya tuli wo nyɔgɔn ladan wo, ni min ya a kɛ mɔgɔ-gbɛrɛkɛ ma saraka-masɔla ma min na wo, wo ni wo gben wo kurun tɔ.”

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Saraka-Masɔlɛnuta Tɔnnu 15:31

Mari ya kɛ le fɔ Musa ye ko a ni Isirɛla mɔgɛnu makawandi ka a gbɛlɛya gben mɔgɛnuta sɛninyabɛlitayɛla ko la. Mari ko ni min ya ata tɔn kɛnu tinya, wo ara bila a la anubɛ ata Fani-Bɔn min bi dagɛ tɛma. Ni min bilara a la yati, wo si faga serr!

Saraka-Masɔlɛnuta Tɔnnu 17:10

Isirɛla mɔgɛ wo, sundan wo, ni a ya soge anubɛ a yele dɔn, Mari si diminya wo tigi ma. Mari ti a miri wo mɔgɛ ma ko atɛ le wo mɔgɔ sufa la

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Saraka-Masɔlɛnuta Tɔnnu 19:12

Wo kana wo gboro n tɔgɔ rɔ foninyɛ kuma bawo minnu bi wo mala, wonu si n tɔgɔ lafɛya. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 20:4

Ni mɔgɛnu ya anu tui ko a ya min ma, anu ti sɔn a faga-koe ma wola ko la,

Saraka-Masɔlɛnuta Tɔnnu 21:6

Mari ko saraka-masɔlɛnu sɛninyanɛ ni to. Anu kana ko-wo-ko ma min si Mari tɔgɔ lafɛya bawo anu bi sarakɛnu dila Mari ma. Fɔ wo sɛninyanɛ ni to.

Saraka-Masɔlɛnuta Tɔnnu 7:20

Kɔnɔ ni mɔgɛ min sɛninyani ma, wo ni ta saraka-soge bila a dɛ rɔ, mɔgɔ kana a miri a ma ko Allata mɔgɛ le wo la tun.

Saraka-Masɔlɛnuta Tɔnnu 7:21

Ni mɔgɛ do ya a bole tugu fenfen-sɛninyabɛlɛ la, a mara mɔgɔ la wo, a mara sogo la wo, ni wo nara yisi-kima-sarakɛ kɛ do dɔn, mɔgɔ kana a miri wo ma ko Allata mɔgɛ le wo la tun.”

Yilan-Yilan Koe 19:13

Mɔgɔ-wo-mɔgɔ min si a bole tugu furi la kɔnɔ wo tigi ma sɔn ko yi kɛ ni kɛ a ma iko tɔn ya a fɔ nya min, wo si a ma iko a ya nde, Marita Fani-Bɔn latinya. Wo si mɔgɛ wo bɔ wo kurun tɔ.

Yilan-Yilan Koe 19:20

“Mɔgɔ-wo-mɔgɔ min ti sɔn ka a nyɛrɛ sɛninya nde, Marita sɛninya-yi wo la, wo si ma iko wo tigi nyɛrɛ ya nta Fani-Bɔn latinya. Anu si mɔgɛ wo bɔ anu kurun tɔ.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

1 Pita 3:12

Bawo Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na. Kɔnɔ ko-yogoma-kɛlɛnu, a ye wonu kan ma.”