Saraka-Masɔlɛnuta Tɔnnu 2:10 - ALLALA KUMƐ

¹⁰ A toe wonu si to saraka-masɔlɛnu bolo. A si sɛninya bawo anu ya a di Mari ma.

Saraka-Masɔlɛnuta Tɔnnu 2:10 Iomraidhean Croise

2 Ko-Kɔrɔta-Karan 31:14

Anu bi kɔ-fen minnu dila Mari ma, Iminala dan min tɔgɛ Kɔri, wo mara wonu namaralɛ anubɛ a bɔlɛ la. A fa Imina le Bato-Bɔn da-makandannɛnu kun na don-dɛ la min tɔgɛ le ko “Tele-Bɔɛ Don-Dɛ.” Lifayi le anu na.

Ɛsira 2:63

Yuda nyamani-kun-tigi ma sɔn anu ni saraka-masɔla-niyi dɔn. A ko anu ti ke a dɔnna fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. (Alla-sako-lɔn-fan wonu tɔgɛ Yurim anubɛ Tumin.)

Isikiyɛli 44:29

Saraka-dɛgɛnu wo, hakɛ-sarakɛnu wo, yiliki-sarakɛnu wo, wonu denu bi mala saraka-masɔlɛnuta beli-fan la. Hali min bɛɛ dantɛgɛnɛ nde, Mari ma Isirɛla nyamanɛ rɔ, anutɛ le wo bɛɛ la.

Isikiyɛli 46:20

A ya a fɔ n ye ko, “Yiliki-saraka wo, hakɛ-saraka wo, kan-tinɛ le kɛnu na saraka-masɔlɛnu si anuta niyi le te kan min. Anu si to anuna dɛgɛ-munke biredi mintanna yan fanan. Wo si a ma, ni fenfen-sɛninyanɛ, wo ti ta mɔgɛnu tɛma kata burɔ a si fɛɛ sa mɔgɛnu na kan min.”

Saraka-Masɔlɛnuta Tɔnnu 10:12

Musa ya a fɔ Aruna anubɛ ala den-keminɛnu Ɛliyasa anubɛ Itamarayi ye ko, “Anu bi nala dɛgɛ min na ka a di Mari ma, wo toe min bi tola, wo ni wo bi ka a ma biredi la kɔnɔ wo kana isiti kɛ a rɔ. Fɔ ni wo ya a dɔn saraka-mintan-tinɛ tɔgɔfɛ bawo a sɛninyanɛ le.

Saraka-Masɔlɛnuta Tɔnnu 14:13

A si saga-dan wo bi ka a faga kan-tina-sɛnimɛ wo rɔ, anu si saraka-mintantɛnu anubɛ hakɛ-sarakɛnu faga kan min. A ye yiliki-sarakɛ kɛ fagala nyɔ le bawo a sɛninyanɛ de iko hakɛ-sarakɛ fanan. Kɛnu si to saraka-masɔlɛ ye.

Saraka-Masɔlɛnuta Tɔnnu 2:3

A toe wo si to saraka-masɔlɛnu ye. A sɛninyanɛ si to bawo anu ya a di Mari ma.

Saraka-Masɔlɛnuta Tɔnnu 21:22

Kɔnɔ Mari ko mɔgɔ sufa kɛnu si ke le ka yisi-kima-sarakɛ dɔn anubɛ min dantɛgɛnɛ saraka-masɔlɛnu ma.

Saraka-Masɔlɛnuta Tɔnnu 5:13

Mɔgɛ wota saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ. Dɛgɛ-munke wo toe si to saraka-masɔlɛ bolo iko dɛgɛ-munku-saraka-doi wo mara nya min.”

Saraka-Masɔlɛnuta Tɔnnu 6:16

A toe si to saraka-masɔlɛnu ye. Anu tenbi a toe mala biredi la tumɛ min, anu kana isiti kɛ a rɔ de! Anu ni a dɔn kan-tina-sɛnimɛ rɔ Marita Fani-Bon-kata burɔ.

Saraka-Masɔlɛnuta Tɔnnu 6:23

Ni saraka-masɔlɛ ye dɛgɛ-munku-sarakɛ bɔla a nyɛrɛ ye, ale saraka-masɔla ti wo dɔn dee! A bɛɛ si mintan gburr!” (4) Hakɛ-Sarakɛnu

Saraka-Masɔlɛnuta Tɔnnu 6:9

Aruna anubɛ a kebila-mɔgɛ donu ma ko, “Wo si saraka-mintantɛnu sa tɛ rɔ. Anu ni ki mintanna ha banda-ka-dɛ ma. Tɛ wo kana dufen mumɛ!

Saraka-Masɔlɛnuta Tɔnnu 7:7

“Tɔn kelen bi nyɔ min kofunɛ hakɛ-sarakɛ kɛnu ma anubɛ yiliki-sarakɛnu. Wo le ko saraka-soge, saraka-masɔlɛ wo nyɛrɛtɛ le wo la.

Yilan-Yilan Koe 18:9

Ni nna mɔgɛnu nara fenfen na min si ma dɛgɛ-sarakɛ la wo, hakɛ-sarakɛ la wo, yiliki-sarakɛ la wo, wo si donu mintan nde ye. A toe si ma wolebɛ ila dannutɛ la.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.