Saraka-Masɔlɛnuta Tɔnnu 2:1 - ALLALA KUMƐ

¹ “Fenfen min si ma dɛgɛ la, mɔgɔ tenbi wo mala sarakɛ la Mari ye, fɔ ni a mara dɛgɛ-munku-hakikɛ la. Yanni a ni a di saraka-masɔlɛ ma, a si a yabasan tuli la ka isɛnti sa a kuma.

Saraka-Masɔlɛnuta Tɔnnu 2:1 Iomraidhean Croise

Bɔ-Koe-Iyipiti 29:2

I ni dɛgɛ-munku-hakikɛ do bi ka a ma biredi anubɛ keki la n ye, isiti sa minnu tɔ. Biredi tɔnkɔn kelan, tuli ni taran wo rɔ, a tɔnkɔn kelan, tulu kana taran wo rɔ. Wo ni tuli susa keki wonu ma.

Aiseya 43:23

A ko ma ara ma ban nala saraka-sagɛnu na minnu bi mintanna a ye. Ma ma sɔn a gbiliyala sarakɛnu na tun. A ko ale ma dunu sa ma kuma ka to ma manyinikala sɔli-fannuna ko ma. A ma to ma fɔrɔsɛla isɛnti mintan ko ma ka ma labandan wola ko la,

Aiseya 66:20

Wonu tenbi sɛgila, anu si sɛgi wo ta-nyɔgɛ Isirɛla mɔgɛnu na anu bolo. Anu si to nala ata kɔnkɔ-sɛnimɛ kuma Yerusalɛm. Minnu bi nala anu dununa, wo le kɛnu na, soee wo, kirindi wo, maka wo, sofɛlɛ wonubɛ nyomɛ. Anu si ma iko fui-fen-sarakɛ mɔgɛnu bi nala min na miran-sɛnimɛ rɔ Mari Bato-Bɔn la.

Isikiyɛli 46:20

A ya a fɔ n ye ko, “Yiliki-saraka wo, hakɛ-saraka wo, kan-tinɛ le kɛnu na saraka-masɔlɛnu si anuta niyi le te kan min. Anu si to anuna dɛgɛ-munke biredi mintanna yan fanan. Wo si a ma, ni fenfen-sɛninyanɛ, wo ti ta mɔgɛnu tɛma kata burɔ a si fɛɛ sa mɔgɛnu na kan min.”

Yowɛli 1:9

Mala dɛgɛ-munku-sarakɛnu anubɛ mala minni-sarakɛnu bara ban. Saraka-masɔlɛnu fanan bi dila bawo saraka-wo-saraka sa Mari anubɛ a Bato-Bɔnla ko la tun!

Yowɛli 2:14

Tumado, wota Mari Alla si a miriya yɛlɛma ka kinikini wo ma alako wola fui-fannu anubɛ wola ki-fannu si sabati nya min. Wo si a ma, wo ni ke dɛgɛ-munku-sarakɛ anubɛ minni-sarakɛnu dila a ma tun.

Saraka-Masɔlɛnuta Tɔnnu 14:10

“A tele segin nyɔgɛ ma, a si na saga-yigi-den fila la anubɛ san-kelen-saga-yɛrɛ kelen na a bolo, fɛɛ sa minnu na. A si na dɛgɛ pani-kunbɛ-nya sawa la min tamaganɛ tuli la. A si na wonubɛ tuli kilasi-bu-tɛmɛ la. Kɛnu si ma a yiliki-sarakɛ la.

Saraka-Masɔlɛnuta Tɔnnu 24:7

Wo si isɛnti fanan sigi biredi-ladɛnnɛ wonu tɔnkɔn rɔ. Sulen-Tele wo Sulen-Tele, wo si biredi kɛnu kunka isɛnti kɛ la nde, Mari ye ka isɛnti mintan tɛ rɔ. A si ma worɔ iko wo ara biredi kɛnu denu mintan nde, Mari ye.

Saraka-Masɔlɛnuta Tɔnnu 5:11

“Ni a ti ke kangbo filɛ wo sɔrɔnna, ni wo ma, purulen fila, a si na dɛgɛ-munke pani-kunbɛ-nya kelen na a bolo ka wo ma a hakɛ-sarakɛ la. Kɛ sa iko dɛgɛ-munku-saraka-doi wonu bawo a ti a ramaga tuli la ani a ti isɛnti sa a kuma. Hakɛ-sarakɛ le kɛ la.

Saraka-Masɔlɛnuta Tɔnnu 6:7

Saraka-masɔlɛ si kolo-fan wo bi ka a di Mari ma saraka-bɔlɛ hakɛla ko la. Sarakɛ kɛ si a hakɛ yamatogon. Mari si a makoto worɔ.” (1) Saraka-Mintantɛnu

Saraka-Masɔlɛnuta Tɔnnu 9:17

A ya dɛgɛ-munku-sarakɛ bɔ ka wo dantɛgɛ Mari ma. A ya a bolo-nya kelen bi ka wo sa tɛ rɔ. (Kɛnu denu sanɛ tele-wo-tele sarakɛnu kuma.)

Saraka-Masɔlɛnuta Tɔnnu 9:4

Wo kɔma, anu ni na tura kelen na anubɛ saga-yigi kelen ka wonu sa sarakɛ doi kɛnu kuma. Kɛnu filɛ fanan si ma yisi-kima-sarakɛ la. Anu ba na sarakɛ min nyɔgɔn na Mari ye, anu si na wo nyɔgɔn dɛgɛ la min tamaganɛ tuli la. Wo ni kɛnu ma bi bawo Mari si a nyɛrɛta tamasere yira wo la bi.”

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Yilan-Yilan Koe 18:9

Ni nna mɔgɛnu nara fenfen na min si ma dɛgɛ-sarakɛ la wo, hakɛ-sarakɛ la wo, yiliki-sarakɛ la wo, wo si donu mintan nde ye. A toe si ma wolebɛ ila dannutɛ la.

Yilan-Yilan Koe 28:5

Wo kɔma, wo si dɛgɛ-munke pani-kunbɛ-nya kelen bi ka a ramaga tulu-hakikɛ kilasi-nya nani na ka wo sa saga-sarakɛ wonu kuma.

Yilan-Yilan Koe 29:18

Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.

Yilan-Yilan Koe 8:8

Anu ni tura-bulun kelen bi anubɛ dɛgɛ-munku-gbɛngbɛnnɛ min yabasannɛ tuli la ka wo filɛ ma kɔ-fan la nde, Alla ye. Anu ni tura-bulun kelen gbɛrɛ bi ka wo ma hakɛ-sarakɛ la.

Yɔni 6:35

Yisa ya a fɔ anu ye ko, “Niyi ye biredi min tɔ, nde le wo la. Ni min nara ka dɛnkɛninya nde ma, kɔnkɛ ti wo tigi bira, ado wo kan la ti gbala tun ni!

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.

Yude 1:20

Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.

Lankɛnimayɛ 8:3

Sɛnɛ-dagɛ ye melika-gbɛrɛ bolo fen-suma-diyamɛ ye min tɔ. Wo nara sɔ saraka-bɔ-tinɛ dafɛ. Alla ya fen-suma-diyamɛ-siyaman di a ma min si kofu Allala mɔgɛ bɛɛta madiyalɛnu ma. Saraka-bɔ-tinɛ min nadannɛ sɛnɛ la, wo sɔnɛ mansaya-sigi-fan yakɔrɔ. Melika wo ya fen-suma-diyamɛ wo mintan saraka mintan tinɛ wo kuma.